Mr & Mrs Lam Day 18 - Honeymoon day 5

Honeymoon就快完了，好唔捨得添~~!今朝早瞓飽後，去了食個Bvlgari早餐，回房hea下，收拾東東，準備離開Bvlgari了。

我們去了＂Monkey山＂哈哈~~其實是廟 -- 烏 魯瓦圖廟（小海神廟）Pura Uluwatu，但有很多猴子出現。佢哋會搶嘢~~!所以我無帶嘢入去（相機也沒有帶入去），只係Bvlgari Resort到偷了個柑帶去。一去到，已比隻大猴媽媽見到個柑，佢過來兇我~~!所以比咗佢，佢超快去皮，同猴子仔仔分哦~~!
去機場前，去了食＂咖哩雞＂(Kare Ayan)，嘩~~好辣~~!隻雞好瘦~~!無肉的~~!

司機叔叔好快就送了我們入機場。一入去check-in個到，就唔可以出返嚟。本來想去麥記食個辣雞飯~~!無lu~~嗚嗚~~入到去，又無地方食嘢，最後入了去Starbucks。

another tax????

my gifts from Bali.......... 

細心的Bvlgari

林生當初要book Bvlgari Resort時，我係反對的，因為實在太貴了~~!值嗎？！入住了Bvlgari Resort兩晚後，感覺是 -- 值得。
佢的價錢係比普通酒店貴十倍；較靚的酒店貴五倍；比其他的villa貴一倍。但高興度亦多十倍~~!

• ＂嘩~~!＂聲多十倍
• 房裏的風景靚十倍
• 房間面積比ok的雙人房（@Bali）大五至六倍
• 服侍你的人多五倍
• 一個不可比的日落一個私人海灘，私人到遇𣎴到其他人
• 一個超靚的泳池，望住海天一色的泳池

其次，Bvlgari Resort好細心，十分窩心。

• 每一天，送上Bali特色小玩兒
• 每一天，送上新鮮水果
• 每一處，都有飲用的水
• 一出門，就有人倒垃圾，換毛巾，開／關窗簾，換上新的飲用水和冰
• 第一天，送上花瓣浴
• 第一晚，送上甜品（wedding congratulations）
• 已準備，蚊怕水（超愛！）
• 已準備，竹籃（去游水）
• 已準備，竹帽和扇

真係好＂正＂，真正的＂享受＂！而且所有的工作人員都好開心~~!又風趣~~!唔知佢哋的人工係唔係好高呢？！
可惜，還有改善的地方。就是太小餐廳，沒有選擇~~!再繼續住，已沒有餐廳可試。餐廳水準麻麻（除了間意大利餐廳），Grill Bar的食物不是用炭爐grill，是用電爐，原全唔香，唔熱。中式餐廳用了最高級的食材，但未能特出食材的味道。
經過這兩晚，覺得Bvlgari Resort是物有所值。Thank you Bvlgari and Happy Honeymoon!!多謝老公~~!
http://www.bulgarihotels.com/en-us/bali/the-resort/overview

Mr & Mrs Lam Day 17 - Honeymoon day 4 Bvlgari Day

今日真是五星級的享受~~!
早餐，是送的~~!佢哋的包和糕餅好好味~~!超香哦~~!

之後，做了三小時的spa & massage。爽呀~~!但我睡著了~~林生笑我成隻豬咁~~!

Lunch去了Grill Bar，對著個海~~無其他人，得我哋兩個，爽呀~~!

下午，係房的泳池hea下；再出去大泳池hea下。望著日落，哦~~多麼的美~~我哋多麼的幸運，可以有這樣的享受。

今個晚上，是與林生的第一個浪漫晚餐；是結婚後，第一次只得我倆的晚餐。哈哈~~我特登穿了我和林生拍拖時第一次食晚餐的裙子。好彩還穿得上~~!哈哈~~!林生扮記得？還是真記得哦？

這間是意大利餐廳，意外地好食！因為酒店餐廳大多都是OK啦~~不過，依間真係好味~~!嘻嘻~~!

Mr & Mrs Lam Day 16 - Honeymoon day 3

今日，我哋無食酒店早餐，因為司機叔叔去咗幫我哋排隊買外賣。聽聞很出名的＂印尼飯盒＂，大約AU$5。有飯，雞串，辣菜，花生，好似印尼飯咁。

食完早餐（11am），又食~~!去了間＂燒豬大排檔＂。因為依間大排檔係酒店附近，所以＂順路＂去咗先。依間好味得多~~!（比昨日嗰間／旅遊書介紹個間）哈哈~~食食下仲聽到豬叫，真係＂劏豬咁叫＂~~!好慘哦~~!但又真係好好味~~!嘻嘻~~

第 一站，去了神鷹文化公園（Garuda Wisuna Kencanna Cultural Park），是一個大公園，可以舉行concert/party，仲有d大石雕。隻Garuda Wisuna得半身，仲未完工，如果我係佢（隻神鷹／保護神），我會勁嬲，攪咁耐都唔比個身我，好無形呀~~!哈哈~~!

係公園到有Barong（巴龍舞）睇。嘩~~隻嘢都唔動嘅？！幾分鐘都只行了一步~~!悶~~!Chinese的Lion dance好睇得多~~!

下午，去了另一間大酒店飲tea。又係有自己的private beach，望著海的泳池。我哋坐了係到hea下~~!但太多大陸人了~~!好噪~~!又眼望望咁~~走吧~~!

Yeah~~到check-in時間，我哋期待已久的Bvlgari Resort~~!要經過兩個gate，有狗狗聞，check了名才可進入。哈哈~~!開始我哋＂嘩~~嘩~~嘩~~!＂的時間。

去了Bvlgari的private beach，是石灘，不可以游泳。完全無人的~~!林生又八了隻新鮮海膽食。（因為佢八卦地問人係到做乜？！）哈哈~~

黃昏時，好靚哦~~!望著日落，好舒服哦~~!晚餐去了，Bvlgari其中之一的餐廳。食材貴，但味道一般啦。

回房間，浸一個Rose Bath，哈哈~~滿足~~!嘆~~!

Mr & Mrs Lam Day 15 -- Honeymoon day 2

林生要求要影舊廟，奇怪石像和風景；所以，今天的行程十分密集！
係酒店食過早餐，我們就出發了。第一站是看＂蠟染布＂-- ikat手織布。幾靚吖~~但好貴，所以沒有收穫，下一站。

去到烏布區（Ubud），睇睇古廟，林生話好有日本沖繩feel。我們應該去了Pura Penataran Sashi（銅鼓寺廟）。司機叔叔話每個區都有三間大的廟，一個在山上，一個在中間，一個係海中；依個就係中間。

午餐去了＂烤豬二號店＂（Ibu Oka），還可以啦~~!沒有旅遊書講到咁好，豬皮不是脆，是硬的。一個午餐，每人要AU$5呀~~!

之後，去了象洞（Goa Gajah），洞內有幾個不是人手做的佛像（信不信由你）。哈哈~~入口處是魔女Rangada的浮雕，哈哈~~原來佢係魔女。仲有一個傅統印度式建築的浴場遺跡。裏面有好多魚，係邊到嚟的？！

下午茶時間，去了嘆＂貓屎咖啡＂~~!哈哈~~是真的？還是假的？個味好似馬拉咖啡，有小小果香味，但值咁貴嗎？

之後，再去廟，重頭戲--海神廟（Pura Tanah Lot）。時間啱啱好，是潮退，可以行出去；仲可以欣賞日落，好美哦~~!

晚飯喇，去了Nuri's Warung，一個Bali女人嫁了個鬼佬開的豬豬餐廳。有點似Bar & Pub dinning，d豬好好味~~!正~~!

今日已經玩足全日，但飯後仲要加演＂飲蛇血＂。真係OMG~~!林生都係半迫半就。我係超怕蛇，所以係車到等到得血先去睇，聽聞個兩柸蛇血已用了三條蛇，蛇膽汁，仲有蛇心生食！依個package要US$40。

哈哈~~返到酒店，林生仲繼續食，Markisa，原來是百香果。佢個樣真是麻麻，都是台色飲品的百香果好食d。

Mr & Mrs Lam Day 14 -- Honeymoon

Honeymoon -- Bali

因為一年先返一次香港，想多d時間倍家人，為有honeymoon去短d時間，去近d的地方。我哋選擇了峇里島。

又一早起身，坐巴士（應該係企巴士，因為無位坐）。係機場食返個奶油豬做早餐（@翠華）。開心~~出發喇~~!！

去 到Bali機場，勁多人~~!排隊勁慢~~!我又要落地簽證~~!林生拉了個人問問，問下要幾耐。嗰個人提出我哋比錢後，就不用排隊！我當然反對，但林生 怕有排排，而且會遲到（有朋友+司機接機），所以比了錢。仲比人見到林生的＂cash＂，不肯減價！激死呀~~!用了US$40，不用排隊，直出了攞行 李，只需十分鐘！

比了錢，但出到去，找𣎴到我們的朋友和車！激死呀~~!電話又沒有漫遊，怎麼辦？！要冷靜點！這是我們的honeymoon!!

最後，發現了機場free wifi，找回了我們的朋友和車，他們預計我們要用一小時來簽證和過關，想不到我們會用非常手段！

算吧~~!Honeymoon，開心d~~!第一站 -- Shopping！哈哈~~印尼$好似大富翁咁，幾千萬上落~~!哈哈~~買了Bali衫，手信後，就去了沙灘（Jimbaran Beach）到hea。看看日落，玩玩沙，係時候食晚飯了。Jimbaran seafood centre出名於grill seafood，全海鮮。

說說笑笑，就一個晚上。回酒店check-in (Westin hotel @ Bali)，已是數一數二的當地酒店，酒店內有點似＂大陸長龍＂。哈哈~~但房間也很大，個浴室超大~~!我們見時間還早，落了私人沙灘行行和飲嘢。

我們第一天honeymoon~~!