《手工樂園》

就快十一月，細佬就快要去幼稚園面試。林生、林太十分擔心，一個坐唔定的小朋友唔知會點？！所以依家要特訓，哈哈，講笑啫！！只是吱吱做功課時，細佬又可以坐定定做下功課！！依本《手工樂園》抵呀！！哈哈！！！

《手工樂園》

係人都知細佬坐不定，叫佢填顏色，佢就是旦畫兩筆就話畫完。今日攞返本《手工樂園》出嚟，因為係比三歲用，有一排無用，以為吱吱會覺得低能，又以為嘩嘩未識玩。但原來兩個都啱玩，剪剪貼貼，畫畫寫寫，竟然坐定定坐了個半鐘！！！太強了！！

《手工樂園 -- 3歲》

本《手工樂園--2歲》都未玩完，但忘記了帶回香港，所以林太在淘寶買過本吧。吱吱好耐無玩過剪紙，十分高興！！哈哈！！

Stay home day....

話說，昨天去Childcare接吱吱的時候，吱吱比了塊蘋果比嘩嘩食。（但林太沒有發現，嘩嘩也沒有異樣）一上車，嘩嘩就噴/嘔奶！！成個car seat都係，林太才發現蘋果皮！！好黑面地問吱吱：
太：「你做咩比蘋果細佬食？」
吱：「佢食過既，昨天，仲大個。」
太：「昨天嗰個係啤梨，淋的！」
林太已一頭煙，返到屋企：
吱：「比baby食依個吖！」
吱吱想同嘩嘩分享佢的yoghurt button。
太：「佢唔食得嫁！」（超嬲）
吱：「佢嘔，嘔完甜d啦！」
原來小朋友係咁諗嘢的！！哈哈！！

到今天，個car seat還未乾！只好在家！
吱吱自己搵嘢玩，要玩迷宮，一玩就畫了九個！！好快哦！！

之後，再剪剪貼貼。個女仔頭上的係乜？！吱吱話佢撞倒，要包紮！哈哈！！

《手工樂園 -- 2歲》

林太好鐘意做手工，吱吱都好似係？！見佢平日做手工很留心，而且會玩到最後一刻，相信佢係鐘意吧？！林太上次返香港，買了本《手工樂園--2歲》，覺得佢的紙和顏色都很靚，雖然只是剪貼遊戲。哈哈！！
同吱吱玩了好幾頁，小朋友的思維很有趣！例如：蘋果樹個張，吱吱特登將兩個蘋果唔貼係樹上，貼了係兔仔旁邊話「個兩個蘋果係留比佢的」。哈哈！！林太係到幫大笨象影相時，吱吱就把蘋果樹放在下面，話「個apple係樹上攞的」。吱吱真係好好笑！！