14:00 - 20:00 play date

細佬小一和小二都無乜朋友仔約出來玩，今年終於有了！！遇啱家姐要測驗溫書，林生又唔係香港，朋友仔的爸爸竟然offer照顧細佬！！實在感動呀！！

茶果嶺海濱公園

上年見到有新公園開，但有啲山旮旯，所以一直未去！！香港嘅公園逐漸翻身，更加啱玩！！仲加入水嘅元素，小朋友勁鍾意！！今日細佬唔使返學，所以決定今日坐船過去。原來公園好近碼頭，方便過坐地鐵！！喺北角坐船過觀塘，15分鐘就到，一落船就是海濱公園，又幾方便！！坐12:00船，玩到14:45，幾好hea！！

Aussie back to Aus Day36 // Bunh mi bar // Melbourne Zoo // Chadstone // Waverley Park

林生成日問食唔食越南包，都知有古怪！！原來上過電視！！哈哈！！不過，小朋友對越南包麻麻，較硬。林生問咗幾次，今日終於去了！林太見到佢哋，就覺得將興趣變成事業，真正的passion，係會有人見到！！之後，林太又去銀行，等了又等，他們已夠時間行Melbourne Zoo，救命呀！！今晚，去了新公園，好正呀！！好多香港人，哈哈哈⋯⋯

Aussie back to Aus Day31 // 1000 Steps // FIFA women final

林生林太住咗喺澳洲咁耐都未行過1000steps，見到有咁多朋友仔去，所以又走來行吓！！本來以為是1000步，點知原來真係1000級樓梯！！仲要着錯衫，鬼死咁熱！！救命！！終於行到上去，又落返嚟⋯⋯去咗朋友開的車行，細佬仲坐跑車，開心到佢！！晚上，去了林生的朋友家，家中有四條King！！勁呀！！暫時，係兩小寶最開心認識的朋友！！哈哈！！大人們睇女子足球總決賽！！

1000 Steps： https://www.parks.vic.gov.au/places-to-see/parks/dandenong-ranges-national-park/things-to-do/1000-steps-walk

樹苗護理日2023

多謝Towngas的「樹苗護理日」，可以親親大自然，植樹，救救地球！！林太本來以為是植樹日，但原來只是樹苗護理日，護理之前已經植好嘅樹苗，哈哈哈⋯⋯下次去到城門郊野公園，希望佢哋仲健康成長啦！！

全方位學習日 // 香港動植物公園 // 香港歷史博物館

為了提供多元化的學習活動，本校將於3月29日(星期三)至3月31日(星期五)進行全方位學習日，讓不同年級的學生，透過參與不同類型的學習活動，鞏固所學，開展眼界，擴闊經驗。學習日內的活動各有不同，請同學多加注意活動前老師的提示。

細佬學校無端端三日不用上課，做學生嘅當然開心到爆！！冇功課，爽YY！！做家長都好開心，因為有時候家長自己帶佢哋去博物館，佢哋會好似甩繩馬騮咁，周圍跑，都不會欣賞展品。而家有人帶着，用心講解，所以十分之like！！林太仲走咗去香港動植物公園「偶遇佢哋」，哈哈哈！！雖然落著微微細雨，但每個小朋友都好開心，一把傘兩個人一齊用！！林太沒有打擾他們，悄悄地走了⋯⋯希望各位同學仔，有兩個開心的早上！！

同學仔

過了第二學期，終於約到多幾個同學仔出嚟玩！！Yeah！！終於有多幾個男孩子陪細佬跑跑跳跳！！短短相識了幾個月，已有小朋友要移民了，good bye and good luck！！後會有期！！

天水圍公園 // 繡球花

林太在Facebook見到人哋既post「銀座繡球花花海」，本來以為是日本銀座，哈哈！！原來是天水圍輕鐵銀座站，都可以去到哦！！就去看看⋯⋯花海？！沒有了，只是花槽，不過也很美，而且都幾多，幾靚！！天水圍公園一天遊！