小一的結局！

係依個六至七月，林太和嘩嘩寄了四封的叩門信，但也沒有回音⋯⋯小二又再插班？！林太又不太想，林太覺得歸屬感是用時間來培養的！小咗一年就是小咗一年的感情⋯⋯現在，收拾心情，好好認識聖安安！！

LamBB’s P1 interview (10）

大抽獎完結，就到叩門戰的開始！不過，林太只叩了一間，對，真的是一間學校。因為真心覺得依間細佬會好鐘意，着重小朋友多參與，解難，STEAM。而且有跨科project，數、常、電腦project，正呀！林太最鐘意。但沒有1，1，1，所以信心也不大。去到面試，細佬更加”發台溫”，乜都唔答⋯⋯

👩🏻食咗飯未？

👦🏻（點頭）

👩🏻食咗咩呀？

👦🏻飯

👩🏻咩飯？有冇餸？

👦🏻….

（媽媽忍唔住：炒飯）

👩🏻邊個煮？

👦🏻….

暈了，暈了⋯⋯仲要係佢身邊睇著，真係激鬼死！！完咗之後，林太勁嬲，但望著細佬，只能原全地接納他！！“I know you must walk your own path, but let my love be the light to guide you.” No matter what, I love you, my son!!!

LamBB小一的結局⋯⋯？？

林太替細佬報了十間直資/私校，全軍覆沒，連2nd round都入唔到。有朋友話林太只報一線學校，應該嘗試二線直資，但又⋯⋯唉⋯⋯林太情緒已低落了一排，是做得不久好？不夠多？補習社不夠出名？溫習不夠多？看得太多電視？？⋯⋯唉⋯⋯還是個天還有安排？？依家細佬20分，在自行入了間學校，之後再算吧！！

LamBB’s P1 interview (9）

好⋯⋯到最後一間了！報了九間直資，今天是最後一間的”first round”，雖然已知有幾間衰咗，但仍然要去吧！！Go go go！！因爲疫情，所以group games無曬，小朋友只係被問問題，15分鐘攪掂！不過，好過拍片了！！唉⋯⋯已努力過，雖然可以做得更好，少些看電視，多些串字，但算吧！！經過十個月的”面試班”其實已有進步，已經好叻！加油呀，細佬！！

LamBB’s P1 interview (8）

又是interview的日子，又是三號風球，又是完成後下午掛八號風球！！哈哈，好彩好彩！！今朝早08:00-09:00面試，三個小任務，拍片，一小時內完成。本來仲驚細佬未瞓醒，點知佢06:30同家姐一齊起身，食完早餐，換了衫，玩咗一陣才開始。今次林太沒有吹逼（因為機會太微吧！），只是1take過，08:30完成⋯⋯之後，10:00仲去睇早埸《愛登士家庭 2》哈哈哈⋯⋯多謝「圓規」，下午再回家休息吧！！

LamBB’s P1 interview (7）

今早已是三號風球，「獅子山」的颱風雨帶好似好勁咁！！由一早的黃雨，到in-in吓的黑雨！！三十分鐘的車程，最後九十分鐘才回到家，下午更變成八號風球！！咁大風雨都沒有機會欣賞一下赤反的風景，不過細路見到他們的攀石牆已經被吸引了！！唔知佢in成點？！佢仲玩個老師「今天天氣怎麼樣？是天晴！」哈哈⋯⋯玩？？真的嗎？？

LamBB’s P1 interview (6）

嘩！到第六間了，又是一間神校，7000人報名！！因為學費抵，英文小學，體育課/課外活動超好玩！！入到真係抵抵抵！！他們是一間超超超organize的學校，上午收到email有關面試時間，下午已收到信，和學生名字的貼紙，學生貼紙已分了顏色方便面試當日分流，勁！！但是出名難入，出名考中/英都難，唉⋯⋯細佬入去時仲要開始眼瞓，好似軟皮蛇咁！！呀⋯⋯⋯

LamBB’s P1 interview (5）

到神級男校，但要拍片，有點想死⋯⋯因為真的很難面對自己內心關口，小朋友覺得自己表現很好，點解要再錄？！大人懶聰明，教小朋友答，但答錯了⋯⋯唉⋯⋯又是算吧⋯⋯隨緣⋯⋯

LamBB’s P1 interview (4）

今朝嚟到救恩，其實都係林太心水，因為夠近，而且下午都是體育課/興趣班，小一/二沒有測考。應該好開心！？哈哈！！每年面試，與校長會面的問題係最攪笑，今日問細佬：「媽咪生日，你會送乜嘢？」細佬答：「鑽石戒指！」林太聽到當然開心，但諗吓個價值觀會唔會有問題呢，太貴，金錢感錯了？！算吧⋯⋯都完了！！哈哈⋯⋯隨緣吧⋯⋯

LamBB’s P1 interview (3）

出名多人報的港同，今年zoom interview！實在太過殘酷，要阿媽坐係到聽他們點錯？！如果全答對了，點解唔收我的小朋友呢？！唉⋯⋯細佬當然沒有全答對啦，全英文沒有答添⋯⋯唉！！真係祝君好運！！

Zoom的題目同上年一樣，中/英文字係易咗：

1.老師話 (teacher says) / 包剪揼

2.中文認字

3.英文認字

4.maths 簡單加減

5.推理 Sequence 

6.找不同 找錯處

7.情景題

8.寫名用紅黑綠筆寫自己名係紙中間

LamBB’s P1 interview (2)

到第二個面試了！！林太最愛的英華小學，有心有品的男孩，喜歡！！一個小時的面試，嘩嘩不是說得很多，只説「唔識英文，有banana，同computer！」唉⋯⋯都預計他的英文不達標，唔知佢過唔過到關⋯⋯今次面試，最開心是林太吧，因為學校送書，哈哈！！

LamBB’s 1st primary school interview (1)

小一面試開鑼！！第一次第一次！！嘩嘩的第一次，準備了一年，實戰了！！佢比吱吱”谷”得多，有上面試班，中文班，英文班⋯⋯因為他是男孩子，沒有小學的back-up，作為媽媽是有點慌！！唔知做得夠不夠？！可唔可以再做多一點？！第一個面試是”培正小學”，林太的母校，真係好耐好耐無返嚟，變了變了⋯⋯嘩嘩面試的班房是林太第一個的班房，小三信！！咁啱既，哈哈！！林太不是很早報，好彩是第一組，9:00am，不用等，太好了！！嘩嘩面試時，林太仲同朋友仔/舊同學仔行了上中學，原來已是n年前的事了！！

🎼🎼🎼🎼🎼🎼🎼

這校園 這班房 這走廊 這禮堂

告別時 是我心的家鄉

到未來 那一方 人飄泊 路茫茫

仍然在這里找到一點點光

🎼🎼🎼🎼🎼🎼🎼

LamBB’s 學生相 2021

戀仔狂的阿媽，望住阿仔個樣，真係開心到傻咗！！哈哈哈！！佢個樣實在太好笑，對大耳朵，好似馬騮！！攪咗咁耐，幾經辛苦，先搵到張正正經經的靚仔相！Thank you！！

吱吱小學的結局

政府的統一小學派位出咗啦，林生林太一早打定輸數，已經為叩門信作好準備。沒有期望地打開信封，估唔到中了第一志願！！感覺有點飄飄然，是不是睇錯？！哈哈哈！！人哋話：「機會會留俾有準備的人！」可能幸運之神就將這個機會給我們！！吱吱小一有書讀了！！感謝祢！！

吱吱的portfolio和叩門信留來記念一下！！

LamB’s P1 interview (8)

真的是最後最後最後一個interview，之後就會開始叩門戰⋯⋯唉⋯⋯今日的面試不用15分鐘，吱吱已斷了四條橡筋，頭上的橡筋全部斷曬⋯⋯不祥之兆⋯⋯哈哈哈哈⋯⋯

經過幾個月的面試，所有報了的學校都去到面試。成績都估計到，一個沒有上面試班，沒有大吹谷的小寶寶，就是n無，哈哈哈哈⋯⋯

報了：

1。港大同學會小學

2。聖保羅男女中學附屬小學

3。拔萃女書院

4。嘉諾撒聖心學校

5。救恩小學

6。玫瑰崗

7。蘇淅小學

8。聖嘉勒小學

Offer：

玫瑰崗

蘇淅小學

Waiting：

港大同學會小學

聖嘉勒小學
嘉諾撒聖心學校

LamB’s P1 interview (7)

吱吱入到的第三輪面試，已經超過林生林太的估計，哈哈哈⋯⋯第三輪要見父母，林生已一早準備，但林太就hea吓hea吓。到面試時林太仲口震震，唔怪得吱吱去到連中、英文都讀得唔好。算吧，已盡力⋯⋯

LamB’s P1 interview (6)

又一interview，已經見到傻了，林太和吱吱都累了！今次又有一個小插曲，當入到學校門口時，吱吱紮頭髮的橡筋斷了，竟然沒有後備⋯⋯吱吱最後披頭散髮咁入去，嗚嗚⋯⋯

LamB’s P1 interview (5)

又到interview時間，呢幾次都撞到好多同學仔，佢哋就好似去玩咁！！哈哈！！都是輕鬆面對，冇所謂啦！！依班美女們，唔知喺裏面做咗啲咩呢？！

LamB’s P1 interview (4)

今日去了九龍的「神校」見識見識！！但吱吱越in越唔驚，入到去仲周圍行，周圍摸，係到傻笑！！救命呀！！今次面試時，家長要乖乖地係禮堂睇video，睇他們的drama。發覺好幾間學校都十分重視drama，其實林太也很想替吱吱報drama堂，覺得drama可以令小朋友代入角色，諗下人哋點諗？！又可以學英文，哈哈！！

LamB’s P1 interview (3)

又過一星期，吱吱KO了三個interview。Yeah！！差不多完成了！！估唔到吱吱覺得越玩越好玩，哈哈！！