馬林糖。第18輪

嘩，成年幾冇做！！就快Halloween，而且家姐哋啱啱測完驗，媽咪們得閒啲，所以約出嚟做馬林糖。Happy Halloween!!

縫寶寶工作坊

有同學仔媽咪正籌備小朋友的縫紉工作坊，所以邀請了吱吱和嘩嘩「嘗試一下」。他們學習用衣車，今次沒有剪裁，造了一隻好多頭髮，可穿衣服的洋娃娃！！Well done！！謝謝邀請！！

馬林糖（16）

玩完一次之後，又想繼續玩！今次做了細佬喜歡的棋子公仔！！哈哈，送了一set比知音人，就是細佬的棋院老師！！

Mo’s kitchen // 蘿蔔糕日

林太做過蘿蔔糕，但係次次都跟住人做，其實唔識做㗎！！今年又跟住人做先！！！哈哈哈哈哈⋯⋯ 

馬林糖（15）

有同學仔媽咪發起「一齊整」，所以兩爐齊開！！好壯觀呀！！

馬林糖（14）

嘩⋯⋯成年無做過⋯⋯樣子怪怪的，哈哈哈！！餅乾都過了期，下次再試！！

DIY — Christmas Card

細佬之前考試，沒有時間畫聖誔卡。考完試，唯有DIY吧！！今年的金沙花環，送比老師們，祝聖誕快樂！！今年辛苦喇！！

LamB’s P3 English Day

吱吱真真正正第一次參加學校的English Day / Book Day，可以扮書中人物，睇吓drama，玩吓攤位遊戲。最後，佢選擇了扮《Harry Potter》的Hermione Granger。林太又玩吓先，夜晚等佢瞓覺嘅時候，偷偷地將佢本手冊變成一隻小怪物，唔知佢打開的時候會係點？哈哈哈！而今日個飯盒，當然是他！Hope you enjoy your school day while you can！

LamB’s 9th Birthday // Cinnamoroll party set up

吱吱唔知幾時開始鐘意咗肉桂狗，角落生物又放埋一邊⋯⋯今年生日又係屋企會所，所以攪攪新意思，淘個backdrop返嚟（¥374），自己攪！！林生和林太攪了兩小時！！靚嗎？

Pokémon party // DIY Pokémon party decoration

細佬就快七歲，應承咗幫佢開生日派對！！今年對現吧！！細佬暫時鐘意Pokémon，所以開個Pokémon party吧！！佢已經好清楚，指名道姓話：「我要一個Pokemon ball的卜卜蛋糕，全部係糖既，我唔食蛋糕，唔要蛋糕，要好多糖！！」哈哈哈⋯⋯好興奮的小男孩！！林太用A4紙箱做了四個Pokemon抽獎箱，裏面放咗飲品和零食，因為今次會喺playhouse到開party，應該會玩到冇時間食嘢，等佢哋抽禮物返屋企食，哈哈哈！！還買了一個日本的1至30號的抽獎。準備好了！！

棉花糖蛋糕

林太睇咗依間舖頭好耐，一直都好想整棉花糖蛋糕，因為成日見到啲台灣片好似好容易整咁！！但係喺石門，又好鬼遠喎，一來一回唔夠時間接小朋友⋯⋯等到今個星期日，細佬考完試就當去玩吓！！上課時間係10:00-12:30，林太都係諗住自己做，俾錢帶埋細佬睇吓點，出奇地細佬好用心機去做！！仲做咗好耐添！！真係意想不到！！總共節咗30多粒棉花糖，又要畫眼耳口鼻，都幾花時間！！結果細佬都能完成一個蛋糕，再喺石門食個飯，再送個蛋糕返屋企！！

https://beautifultimeflowe.wixsite.com/flowercake

馬林糖（11-13)

到農曆新年版！！馬林糖進駐新年糖果盒！！

擴香石DIY工作坊

學校跟小童群益會社工合辦的家長工作坊，一班媽咪返學校做擴香石。原來材料只需「石膏粉」，分量是3:1（石膏粉：水），很快乾，唔怪得知他有吸濕的功能！！是媽咪們ME time的時間，但是傾計的話題都是圍繞著小朋友⋯⋯哈哈！！

主題：同儕互助小組(一)之擴香石DIY

日期：11/1/2023 (三)

時間：上午10:00-中午12:00

地點：學校母佑堂 (實體面授)

內容：

1) 家長交流分享會

2) 家長一起輕輕鬆鬆製作擴香石DIY，齊來體驗家長Me-Time

馬林糖（7-10）

繼續唧唧唧！！玩了個「大版」！！又試了雪糕cone！！發現面積越大越難掌握時間，會有黐粒粒的感覺⋯⋯

馬林糖（5，6）

林太繼續唧唧唧，為聖誕節作準備。林太想係聖誕節時派街坊！！依家要研究一下顏色、造型、唧法，哈哈！！又有得食！！加了綠茶粉的聖誕樹，唔知點解更甜，但個綠茶味都好出！！有待改進！！

馬林糖（3，4）

林太又再唧唧唧！！真係要好好練習！！要畫得靚，真係好點難。不過，有吱吱欣賞，都可以繼續唧！！吱吱三年來的第一次學校旅行，佢話要派馬林糖比朋友仔！！角落生物小串燒！！

馬林糖（2）

表姐sss們來了，佢哋話馬林糖好好食，所以晚飯後開壇做！！哈哈⋯⋯兩隻雞蛋白的份量，給四位小朋友好快就KO了！！小朋友的創意真是很可愛，哈哈⋯⋯蟲仔都很可愛！！

乾果機 // 馬林糖（1）

十一月，林太生日的小禮物？！雙十一入貨的禮物？！哈哈⋯⋯唔緊要啦！！總之有新玩具！！乾果機，低溫，長時間的烘焙。玩了蘋果乾，檸檬乾。今日正正經經做「馬林糖」(meringue)，林太買這部機的目的，嘻嘻！！第一次自己做，顏色有點怪怪，想做聖誕鹿，但啡色變了肉色，結果做了隻豬，哈哈！！

馬林糖工作坊

林太又偷走了一個下午！！一個十分花時間的東東——馬林糖！！還要唧公仔！！真係十分花神！！好彩搵到個朋友仔陪！！嘻嘻！！要焗四小時，好彩有”售後服務”，幫忙包裝和送貨！！哈哈！！

馬林糖食譜

材料：蛋白，糖霜（含玉米澱粉成分）

比例：1比2 

例如：蛋白35g,就需要糖霜70g

檸檬汁& 雲呢拿精油少許

【紙藝傳承動動手 – 摺紙工作坊】

又是林太在Facebook見到多手之作！見佢地址咁近，就幫吱吱報了。報完之後，林太先諗會唔會對吱吱來講太難？！好彩有工作人員打嚟，仲邀請了父母可以一同參加，實在太好了！！五堂的摺紙課，沒有欺場，每一堂都好有驚喜！！多謝教導，多謝安排！！ https://www.kadechan.com/