重陽節 // Kayak

 

家姐終於測完驗，幾個週末沒有出外⋯⋯雖然成績不如預期，但今日放假，都出外走走吧！！去咗西貢kayak，細佬無去，因為有圍棋比賽，同咗家姐的同學仔去！！

Tony 哥哥 // Aqua Camp

有朋友仔去唔到依個Aqua Camp，所以邀請咗兩小寶入去！！佢哋有得玩，當然興奮！！唔使做功課，又唔使比林生林太睇住，哈哈！！林太啱啱睇個camp timetable時覺得好簡單，冇乜嘢做，應該可以好hea，事實上由朝玩到晚！！第一日，佢哋一人一隻艇，Kayak到夜晚！！又玩BBQ，又返屋企煮飯！！第二日，又喺度玩水！！Happy Happy！！

Kayak

今朝早，有個小朋友一起身，就俾佢爸爸話：「冇得睇電視，冇得打機，冇得玩iPad！」之後就嬲爆爆上了床⋯⋯平時咁多活動的小朋友，很難處理「無聊」/「寧靜」。最後，林生頂唔順，都是帶了他出街！！哈哈哈！！仲要帶咗佢去好遠嘅西貢玩獨木舟！！睇相都知佢好開心，笑容燦爛！！Father and son bonding is a must！！

西貢遊 Day2 // WM Hotel // 橋咀島 // 勝記

第二早，林生十分仁慈，自己08:00走去食早餐，之後返房睇小朋友；林太可以09:00先食早餐！！但當林太09:00落到去，見到條龍⋯⋯⋯等呀等，09:20先坐下來，但是10:00就完，食得超趕⋯⋯算啦，因為食完之後，要出發Kayak！！林太人生中的第一次！！十萬個不情願，但最後都去了。因為個個都去，一艘艇一個大人帶一個小孩，我唔去的話家姐/細佬無得玩⋯⋯唉⋯⋯為母則強，應該唔死得嘅！！係臨到橋咀島之前，林太有少少頭暈，可能有少少中暑，好彩去到橋咀島可以勁飲勁食，補充體力！！最後，都安全返去，不過對手累到沒有反應！！食海鮮餐補補先！！

Kayaking的季節

林生好公平既⋯⋯上次同完家姐Kayak，今日到細佬。其實條路線次次都差不多，都係睇到海星/海膽，但點解小朋友次次都咁興奮？！

之之失蹤的三天 // WM Hotel

七月二十九日是吱吱學校假期，所以有個long weekend！佢自己一個走咗去「黐」人家的staycation！！哈哈哈⋯⋯比林生林太更快入住WM Hotel，真係爽丫丫⋯⋯https://www.wmhotel.hk/en/home.html

Kayaking

Yeah Yeah Yeah!!!!暑假必備活動，不過要林生帶，哈哈哈⋯⋯終於等到了！！林生一拖二去了Kayak，當然一條船只可以坐兩個人，所以吱吱跟了另一個姐姐玩！！撐呀撐！！又游水！！又潛水！！又見到海膽，海星！！玩了一日！！超開心哦！！

Kayak

又Kayak呀！又是林生一拖一，林太繼續避暑，哈哈！！欣賞吱吱的進步，有一起划艇，有自己游水，勇於嘗試！！還有一個星期，開學了⋯⋯

LamB’s 1st kayaking

今次到吱吱了，林生已有經驗，午餐已upgrade到食鮑魚公仔麵，係唔係好happy呢？！

LamBB’s 1st kayaking

細佬去咗kayaking，對，只有細佬和林生！！沒有吱吱份，因為林太頂唔順，又無力，留在家休息休息，哈哈哈！！而選了帶細佬，係因為細佬要man-d，做些户外活動，而且吱吱嘗試了太多的第一次，要對2nd-child公平些，哈哈哈！！

今早，他們一早出發，玩了一天。回家時，細佬曬到面紅紅，好開心地分享今天的經歷。但原來他累到在船上睡著了，哈哈！！我的小可愛，希望你繼續陽光！！