大美督踩單車

今日學校假期，周圍應該冇乜人，問咗細佬想去邊，佢話踩單車⋯⋯結果連林太都俾人捉咗去踩單車！！好鬼曬！！！細佬而家踩單車已經好好，大美督水壩來回咗兩次（X4）再加不停的細圈！食完午餐，仲唔肯走，去多轉沙灘！！真係曬到燶咗⋯⋯

大尾督

又一個星期日，唔踢波都晨早起身⋯⋯點解⋯⋯（愛睡的林太，生活在一個不愛睡的家庭，點解）今次又去到”老遠”，大尾督踏單車！！吱吱和嘩嘩，一人一駕，終於可以去到對面岸！！太感動了！！終於可以完成！！

大尾篤

其實入完camp，個個都好眼瞓。尋晚落大雨，係咁醒！！但林生話入到大尾篤，無理由唔踩單車！？結果全部人一齊踩單車⋯⋯見到細佬個樣就快瞓著，就叫佢超越前面的車。當佢好開心想show off的時候，左右就失控了，反車，頭仔撞到柱，起咗樓。慘慘豬⋯⋯⋯

火柴盒

入camp前/後的午餐都去了同一間食，火柴盒。因為小朋友太鐘意，要encore！！嗰位職員哥哥見證了大朋友由精神變喪屍樣！！哈哈哈！！

大尾督踏單車

星期五，出街日。見無落雨就去了大尾督踏單車，雖然大霧，但都算舒服！

泊好車已覺不妙，勁多車！！午飯又多人，不過只在單車上，應該OK吧！嘩嘩選了駕go-kart車，新的，好型哦，但唔好踏！林太想佢換，但不成功，哈哈！！全部人都上了車，除了林太，因為要在嘩嘩的背後，準備推車！！他們已經好叻，踏了全程，要推嘩嘩的時間不多！！哈哈！！

C1 gathering // 大尾篤BBQ

吱吱上年嗰班同學仔聚會，秋高氣爽，去了BBQ！！林先林太n年沒有BBQ，依家四小時任食又幾好，可以兩手fing fing去燒嘢食。依到有大草地和彈床，小朋友可以放電！！嘢食都OK呀，有鐵碟提供，食完一碟才可以攞下一碟，十分之環保！！林太自備了莎莉蛋糕，原來燒一燒加蜜糖又真係幾好食，哈哈！！

http://bbqparty.com.hk/

搵父親笨的父親節 // 第十屆香港兒童奧林匹克田徑錦標賽2018 // 大尾篤踩單車

林生，父親節快樂！！林太為你安排了豐富節目！！哈哈！！而禮物就是吱吱做的，心甜嗎！？

林太見上次吱吱都跑到，所以又再參加田徑賽。今次參加了20米跑步，仲有擲豆袋，和爸爸親子接力。今次的比賽，多人參加/熱鬧過上次，每一項都有廿幾人參加（2014年女子），而且冠軍至殿軍都會有獎杯，第五名至第八名就有獎牌。今次吱吱好叻啊，每一項比賽都攞到獎！！20米跑步排第六（6.27”），不過如果用返佢上次嘅成績（5.6”）係可以攞到亞軍，哈哈！！擲豆袋亦是排第六（3.06m），勁！！而同爸爸的接力賽是第二名哦！！！勁呀！！！吱吱一起步就帶頭第二名，傳棒俾爸爸，一直第二！！太好了，爸爸父親節的最好紀念禮物！！ http://www.athkids.hk/

之後入了大尾篤食午飯，林姑媽貪得意租了家庭單車，踩去睇水塘！！好熱哦！！！來回水塘都要一個鐘頭多，真係踩到暈啊！！林太有幫手㗎，哈哈！！晚上，終於有餐好嘢食。父親節快樂！！