林太偷走到杜拜Day2 // 杜拜 // 土耳其

凌晨04:00落機，落機之後去Starbucks嘆杯咖啡，開始9小時漫長的transit之旅！林太仲要等埋佢嘅朋友仔，佢遲兩個鐘先落機，所以飲咖啡係最適合嘅選擇！！杜拜一出境，就每人派一張10GB數據卡，對旅客嚟講真係勁方便！！不過，相信佢哋都可以根據數據搵到你，哈哈哈哈哈⋯⋯係「Get your guide」到預約了：Dubai International Airport 3-Hour Private Transit Tour。佢哋問咗航班資料，又有whtsapp，係機場一定搵到你。林太同朋友仔雖然得兩個人，但都安排了七人KIA車，十分舒服！！星期日的早上，所以沒有塞車，更沒有人咁早出門口，哈哈！！個團07:30-10:30十分準時，一定返到機場上機！！三小時去了：Blue Waters （全世界最大的摩天輪） -》 Dubai Marina -〉Palm Island （全世界最大的人做綠洲；可以見到對面岸的帆船酒店）-》 Atlantis The Royal （Palm Island的新酒店） -〉Emaar Dubai / Burj Khalifa （全世界最高的建築物828m，不過就快有更高的1000m） -》 Future Museum。短短三小時去了「新杜拜」的各景點，都是最大最新！！古古怪怪的建築物，哈哈！！之後，係機場食個lunch，再坐飛機去土耳其。土耳其機場都十分繁忙，都搞咗個幾鐘先離開到機場，再坐機場巴士去酒店。今晚住 Taksim Square 附近的酒店，所以坐巴士總站就是了，可以瞓一瞓！！最後21:00返到酒店，見到樓下嘅餐廳都仲有人，幾熱鬧喔！！

林太偷走到杜拜Day1 // 杜拜

如果跟團嘅話，第一天坐夜機，都算是第一天！！哈哈哈！！今日坐21:30機，18:45嚟到機場，但已經排長龍等check-in！！有online check-in，但沒有baggage drop-off，所以排長龍！！Check-in後，去咗翠華食飯，就嚟唔做嘅翠華，以前是必食的餐廳！！好似有點可惜！！食完飯，林太就準備上機啦！！點知細佬開始喊，慘慘豬！！班機好搞笑，先去泰國，但不用落機，喺機上面等咗個幾鐘！！有機組人員上機清潔，連廁所都冇得去！！哈哈！！有睇戲，睇咗《把幸福拉近一點》，有林明禎，但悶到一個點！！《From the World of John Wick: Ballerina》，好彩冇入戲院睇，John Wick淨係喺最後20分鐘出場！！《Grande Maison Paris》見到啲嘢食都想食！！最後睇埋《熊貓計劃》，成龍嘅戲悶到⋯⋯⋯都瞓唔着！！