Ocean park // 探索號R

上年的海洋公園年票到九月就完，趁放暑假再去一次。入到去吱吱見到「探索號R」，就想入去八八掛掛。年票優惠後是HK$96，都唔平哦！！要入去就要放棄玩機動遊戲的時間，和餵企鵝的錢，吱吱都選擇了入去。入去的45分鐘，是AI，是打機吧，叫做”互動”哦！！哈哈！！算啦，一次吧！！

海洋公園 // 滑浪飛船

今日雖然1號風球，但都去了海洋公園，因為年票就快完⋯⋯很感恩，落大雨的時候，林太和吱吱已經坐定定食午餐！食完午餐又好似停咗雨，所以行咗去好遠好遠嘅滑浪飛船！！滑浪飛船將會係九月一日退役，一個陪咗香港37年的機動遊戲！！林太細細個就玩，必定坐中間，梁爸爸坐第一個擋水，哈哈！！今日同吱吱第一次玩，佢坐了中間位，哈哈！！好好玩呀！！懷念小時候的海洋公園！！

又嚟⋯⋯Ocean Park

吱吱和嘩嘩好耐無見公公婆婆？！隔幾日就問幾時見公公婆婆！？咁一齊去海洋公園吧，因為細佬的”兩個月unlimited pass”明天完了！還是四人一枱，林太自己食；但纜車又可以一齊坐哦！？同埸加演Spartan Kids Race和海洋公園保育日⋯⋯⋯

Ocean Park with grandparents

梁婆婆都買了海洋公園unlimited pass，所以去一去先！！只帶了吱吱，因為細佬要上堂，吱吱就開心啦！！不過，今日都超多人，排隊和排隊！！辛苦曬！！！

Easter break at Ocean Park

復活節假期開始喇，學校復活節慶祝會一完，吱吱就跟表姐入海洋公園。真開心！！超多人！！佢哋參加咗個活動，織了條手繩，幾靚喎，小紅熊的顏色，哈哈！！

海洋公園 // 親子體驗 // 花草麵包創作坊

以前吱吱有跟ABC Cooking學做麵包，嘩嘩也要做吓包，煮吓嘢食先！見到海洋公園有，HK$160一對親子，一個半小時，也不錯哦，試吓先！個麵團已做好，自己鐘意做乜形狀都得，可以加些生果/蔬菜上去點綴一下。做完個包之後，有工作人員解釋一下要用什麼材料，再有一舊粉團比小朋友搓吓，玩吓。依個時候嘩嘩已經開始坐不定，開始搗亂，唉⋯⋯好彩，都有個麵包可以出爐，哈哈哈！！他的火車麵包，似嗎？！第一次入海濱樂園水都餅店，佢哋的曲奇和麵包都好靚哦，忍唔住買咗盒添，哈哈哈！！

Ocean park~~

又去海洋公園喇！！不過，吱吱仍然要下午zoom，所以嘩嘩同梁爸爸梁媽媽入去先，林太再同吱吱一放學衝入去！！梁爸爸梁媽媽由頭玩到尾，勁呀！！哈哈哈⋯⋯嘩嘩好似玩咗好多嘢，勁呀！！

Ocean park - Gatsby and his BF

嘩嘩的第一張海洋公園年票終於到期了，由19年5月到依家，今日第十一次入場，哈哈！！嘩嘩的best friend公公，要一齊坐哦！！嘩嘩終於贏到禮物了，叻叻！！哈哈！！

海洋公園開返喇！

海洋公園重開，趁平日小啲人，快啲去一次先！林太同細佬去，十二點多先入到去，帶了飯團，食完開始玩。細路一見到有人排隊，就會話：「其實我唔想玩，可以去其他地方！」哈哈⋯⋯看來他已知道自己的弱點，就係不能企定定排隊！細佬就行去些”無乜人”的地方，入了”觀鳥徑”，真是沒有人，但也看不見雀，哈哈⋯⋯又行了入”熱帶雨林館”，救命呀蛇呀！為母則強，時運高見佢唔到，哈哈哈⋯⋯估唔到海洋公園還有未發掘的地方！！

海洋公園 // 幕後之旅

海洋公園全年證的朋友，每年都有一次免費參加幕後之旅。因為疫情，雖然海洋公園開返，但幕後之旅都未開。有一日林太發現幕後之旅多了「小狐獴與大象龜之旅」，仲開始可以報名！！仲有位添！！興奮！！！哈哈哈！！！吱吱第一次去探小狐獴（上次太多人，沒有排隊入）；而嘩嘩第一次參加幕後之旅。「小狐獴與大象龜之旅」係展觀內新設的班房，其實出面的人都可以聽講解；但又幾好，可以近近地睇著狐獴一邊聽講解。可惜，嘩嘩對打機更有興趣，唉⋯⋯

海洋公園

依個時候post海洋公園相，會唔會被罵呢？！學校的下午班有上呼吸道感染，所以星期三起停課，明天收集深喉唾液。今日無咩嘢做，所以入了海洋公園。其實天氣轉，好多小朋友都會好易病，兩聲咳和流鼻水。係今年有新冠狀病毒，同上呼吸道感染病徵很似，作為家長會較為擔心，帶小朋友去睇醫生，醫生咪寫「上呼吸道感染」，就變了「上呼吸道感染」的爆發⋯⋯覺得都是要小心，出去玩，都可以吧！！今日認真地玩海洋公園，由10:00起，先玩兒童王國嗰邊。玩了「五感發現」，小孤獴，遊樂場；之後，坐纜車。去到另一邊，12:00正灣景餐廳剛剛開，就食午餐！！食完再玩極地時速，睇海獅、海象、雪孤。最後，返去睇熊貓！！熊貓今日好可愛呀，出嚟搵枕頭仔攬攬！！好似BB咁！！

Happy Birthday to Mrs Lam

一個「搵自己笨」的早上，林太帶著兩隻馬騮入海洋公園。因為想睇香港海洋生物救護及教育中心開放日導賞團，由09:45等到10:30先知入唔入到去，兩隻馬騮就跑來跑去⋯⋯去完導賞團，再排隊玩過山車，已差不多十二點！！園內勁難搵位食午餐，所以就出去食吧！！好彩是林太生日，林生才願做司機，哈哈哈！！（註：由於兩隻馬騮不夠高自己玩過山車，林太要玩兩次，嘩嘩企在外面等，這是他最乖的五分鐘，哈哈哈）食完個午飯，還可以回家午睡，多麼好！！林生再準備晚餐！！謝謝哦！！

香港海洋生物救護及教育中心開放日導賞團

香港海洋公園保育基金的香港海洋生物救護及教育中心的開放日。之前因爲疫情，有一排無開，林太見到他們的post開返，今日晨早入海洋公園，霸定頭位入去參觀！！但海洋公園的職員同保育基金的職員/活動唔多熟，唔知係邊到等，又唔知點安排，最後好彩都成功第一輪（10:30）入到去！！裏面好新哦！！是負責解剖擱淺的海洋生物，大多數擱淺了的海洋生物都救唔反，所以多數都用作解剖，研究死因。有一個手術室，有一部大型的CT scan，還有個小型實驗室。保育基金職員介紹了香港最常見的中華白海豚和江豚，他們的頭骨和牙齒的分別。亦講解了他們擱淺的最常見原因。但其實香港幾年才有一隻豚/鯨擱淺，真是值得花這麼多錢作研究嗎？

勁多人的海洋公園

吱吱成日投訴沒有去過海洋公園，其實細佬都只係去多兩次？！少女真是麻煩？！哈哈！！林太一早預約了，但吱吱慢動作地做功課，所以最後入到去已是下午2:00⋯⋯好多人哦！！甚麼都要排隊！！排隊！！和排隊！！一個過山車排了四十分鐘！！之後，放棄了纜車，實在太多人排隊⋯⋯好彩仲入到威威劇場。最少人排隊的是”五感發現之旅”，利用五感玩些小遊戲，之後換貼紙⋯⋯⋯走人⋯⋯

Ocean Park

海洋公園開返啦！！林太和小朋友都買了年票，當然要入去打返個白鴿轉！！細佬而家返學，只返1小時，因為將一班分開兩班在不同時間上課。一放學就衝了入去！！未夠12點就到了，玩呀玩呀不停玩！！又是入不到企鵝餐廳，最後只能食快餐⋯⋯玩了三個半小時！！強呀！！林太超累！！

Ocean Park Re-opening

Yeah！！海洋公園開返啊！！每日最多9000人入場。林太一早book咗今日，同嘩嘩入去八掛一下！！

10:00開，10:35到，但要排長龍，到尾段才分流，有點耐⋯⋯入場後，無乜人，十分舒服。不過，唔准企人的黃色格好似沒有人理，一樣人跟人排隊。哈哈⋯⋯餐廳也只開1/3坐位，12:00開，12:30已全滿，要等個半小時。下次可以打電話來預約，哈哈⋯⋯

同嘩嘩第一次玩過山車，極地時速！雖然沒有360度，又不是太瘋狂，但對四歲小朋友應該已經好勁！哈哈⋯⋯佢竟然超鍾意，連續玩了兩次！！之後開始多人所以冇再排隊，哈哈⋯⋯叻叻！！下次再玩！！

今日遊戲獎品可以免費升級，嘩嘩玩拋波波，贏了細獎。可以選擇細獎或中獎，佢竟然唔貪心，只要隻細公仔，哈哈⋯⋯

快閃海洋公園

林生一早同阿囡拍拖食早餐，再拍拖入迪士尼，細佬下午2:00要上堂所以冇得去！！鳴鳴……好似好慘咁，林太最後決定快閃海洋公園！！11:00到，玩到1:00多，都有兩個鐘頭玩啦！！其實只玩了氹氹轉，海洋列車，最特別的都是餵了企鵝。唔知點解小朋友好鍾意餵動物？！今日着夠衫，排隊等咗20分鐘餵企鵝。金哠折扣後HK$48，有五條魚仔。係個小高台到餵，所以不准拍照，要落返平底影。嘩嘩，抌抌抌抌……好快就餵完，哈哈哈！！抌波波也是一樣，HK$50/12個波波，比佢9秒9玩完！！之後食完個熱狗就返學了……

海洋公園六五折年票！！

響應一下香港人的優惠，65折年票，買完即刻入去迫吓！！平時入海洋公園是梁爸爸和梁媽媽的專利，林太都好耐未入過。吱吱主動帶路，去了睇「威威劇場」，竟然要排隊哦，小朋友們睇到好興奮，吱吱仲要留低同佢哋影相！！有冇咁好睇呀？！因為有$100遊戲代用券，林太和吱吱兩個白痴，拍完打完，乜都冇贏到⋯⋯之後，仲去了餵海獅，一人只可以買一份，HK$40/3條魚。吱吱好快餵完哦，下次再餵吧！！！

林家放暑假2019 — 海洋公園

不得不佩服梁爸爸和梁媽媽，連續兩日去咗海洋公園，為的是帶吱吱和嘩嘩玩。他們每次只能帶一個，怕帶兩個會控制唔到嘩嘩會走失⋯⋯哈哈⋯⋯他們去了海洋公園，超開心呢！！

海洋公園⋯⋯又

嘩嘩買咗年票，當然要去多幾次啦！！本來今日要去嘩嘩的學校見家長，所以梁爸爸和梁媽媽帶咗嘩嘩入海洋公園！！Yeah！！Happy boy！！