LamBB的第八天！！

林太出街了！！因為要帶LamBB覆診，要驗血，慘慘豬！LamBB出世時的TSH level太高，所以一星期後再驗。今日9:00到醫院，抽血，很快，LamBB沒有哭。之後，去了行街街，但乜都未開，原來香港的商店11:30才開！12:00返回醫院睇報告，TSH level跌了小小，但仍然高，一個星期後再驗！！而黃指數都高高地，167，不過不用照燈。LamBB重返小小，3.46kg。
LamBB希望你無事啦，林生林太都有點擔心，希望下次驗血報告能過關！！

LamBB出院喇！！

入院package包了四晚，星期六出院喇！！林太和LamBB都平安無事，順利回家。醫院出院時送了袋samples，好大袋哦！比兩年前多嘢！！呵呵！！
LamBB收了小小水，3.23kg出院。但吱吱BB時的手仔腳仔好似比他肥哦！！林生林太代LamBB送了份禮物給吱吱，一對米奇和米妮公仔，希望吱吱不會呷醋，愛錫弟弟！
LamBB一出院就去了影證件相，趕著攞護照返澳洲，哈哈！！靚仔嗎？

LamBB的第四天！！

林太開始行動自如，可以走來走去。而隔理床位媽媽今日出院，林太可以獨霸間房，影下相！哈哈！！這就是二人房，沒有人用的冲涼房！望出去仲見到「望夫石」。

而LamBB只能留在BB房，探BB就像睇金魚咁，係玻璃窗前面睇BB。除了爸媽，都無人可以抱BB。多謝各位親朋戚友嚟探LamBB！！要與人迫，係窗前睇一陣！！多謝！！

林太開始「谷奶」，超慘，超痛！！平日，就係依間房餵BB。

LamBB的第三天！！

好~~!第三天，終於見到LamBB笑了！！哈哈！！不過仍然覺得你很醜樣！！哈哈！！
今日留在醫院沒有特別節目，都是係去餵奶，午睡，和食！！吱吱也有嚟探LamBB，仲幫佢影相添！！林太入醫院，最掛念的就是吱吱！（香港醫院唔准12歲以下的兒童入病房，所以林太很小機會陪吱吱）

LamBB的第二天！！

做手術後的第二天，一早已被弄醒！護士六點就開燈換尿袋，七點量血壓，醫生七點半巡房！攪到林太食完早餐再瞓過！！哈哈！！
林太九點左右就可以落地，到下午二點半餵奶時間才第一次見LamBB，到四點才是親子時間，可以同林生一起抱LamBB！！Hello！！

LamBB出世喇！！

LamBB's proflie:
花名: 林嘩嘩（吱吱改的，獅子叫聲）
Name: Gatsby （無意思，哈哈，只是想G開頭）
姓名: 林學之
出生日期: 12-04-2016 09:29am
出生地點: 仁安醫院，大圍 （398B）
體重: 3.36kg
身高: 49.5cm

今次是「選擇開刀」，林太的心情有點不同，係到倒數，心情有點興奮！哈哈！！上次生吱吱的時候是開到十度，都推不出，整晚沒有睡過，所以迷迷糊糊唔識痛和唔知做緊乜？！今次太清醒，反而有點可怕！！手術前不停重複核對個人資料，感覺到打點滴，痲醉針，在肚皮上拉扯，和見到自己的血！！手術後不能落床，需要休息，但又唔累，在床上都唔知做咩好？！
LamBB比吱吱細粒小小，不過一切正常。哈哈！！只是無吱吱咁靚？！勁似林太的鼻，又大又矮！唉！好彩是男仔，不用太靚仔！

林太要入院喇！！

終於順利到達今天，LamBB還未出世，可以按計劃開刀了。由於明天要9:00am開刀（10:00am前），所以要之前一晚入院和辦手續，依一晚亦是免費的。哈哈！
林生林太6:00pm左右到醫院，又要填form和簽名，驗血，驗尿，聽寶寶心跳，攪到8:00pm先食飯！去到醫院飯堂已無嘢簡，嗚嗚！！
今次入院的「走佬袋」帶得很小嘢！！因為經上次的經驗，私家醫院乜都有。林太只帶了睡衣，褸，襪，breastmilk pump，寶寶出院衫，和入院信，係咁多！似去兩日一夜旅行多些！！
Good luck!!!! LamBB, see you tomorrow!!!!

林吱吱的第四天

第四日，唔知林生悶未呢?佢無得餵BB，只能隔著窗睇，或等到親子時間的廿分鐘。四日人仔的林吱吱已識得揾人扭計!!!親子時間時放聲地哭!!!但没有眼淚哦!!!等到一個靚女護士姐姐抱又唔哭!!!哦~~吱吱不想出院??護士姐姐抱得仲舒服??

下午五點左右，林吱吱的黄膽素上升至220，要照燈一晚哦!!!希望無事，明天和我一起回家!!!

林吱吱的第三天

第三日了，吱吱有點收水，亦有點黃。不過，暫時没有大問題。
今日没有特别哦~~!!係醫院同林生hea，等餵BB，休息，食飯。

林吱吱今日見了大姨婆，細舅公，細舅婆，邱姨姨!!

林吱吱的第二天

第一次住醫院，第一次開刀。過了一個靜靜的晚上。

弟二日，全部喉都拿走了。要嘗試下床，嘗試餵BB。見到自己的BB，感覺係好得意!!但同時，傷口還在痛!!

本來以為要食粥水，所以没有煮飯。最後在醫院的中餐部叫飯。呵呵~~好豐富哦!!哈哈!!今日還有詩恩姨姨和Carman姨姨嚟探吱吱。

我們第一張全家幅!!!

吱吱似我嗎?細細個就伸利!!!哈哈!!!!

This is the DAY

LamB's proflie:
花名: 林吱吱 (希望佢做人友善些，不要同人斤斤計較，不怕蝕底，做好自己就夠了)
Name: Gianna (God is gracious)
姓名: 林立之
出生日期: 12-05-2014 09:33am
出生地點: 仁安醫院，大圍
體重: 3.5kg
身高: 50.5cm

终於見到LamB了，結束了四十週三日的懷孕過程。感謝神，比我有一個很短的生產過程!!亦有好支持我的老公和家人!!! Thank you!!!
話説由02:30，開始肚痛，不過以為是海鮮的攪肚痛。到03:30覺得是陣痛吧!而且，開始見紅。林生和奶奶都醒了，我沖個涼就坐的士入院。
又西環到大圍只需二十分鐘，的士費$160。04:30正式入院!!險查後，我只開了兩度，在後產室觀察了個幾鐘，做了CTG。護士們看我的宫縮程方，我應該要痛到九點左右，所以我就轉了病房休息，這時已06:15。因是双人病房，七點前不準探望，林生和奶奶終於可以休息一下，食個早餐，我亦嘗試睡一睡。
07:15開始痛得勁咗，坐立不安!!痛到作嘔!!!好彩有護士經過，把我带回候產室，比我聞happy gas!!!!我心諗點頂到九點?!護士再做險查，原來已開到八度!!!羊水也同時穿了，而且不太清。
吳醫生已急call回來，08:00我已被推入產房。
吳醫生和助產士開始教我push。Push呀push!!林生個樣很緊張，相信我個樣一定很恐怖!!哈哈!!!嘗試了半小時，但頭仔仍然太高，吸盤也無用。胎水有胎糞，而且BB心跳弱了小小，最後要開刀!!!!
09:00被推入手術室，因手術室太細，林生不能倍同。嘩!!!超快!!!09:33林吱吱出世了!!!佢出世時哇哇大叫!!!護士抱佢清洗時，佢把聲好大哦!!!!護士抱佢到我身旁，我話"吱吱，媽咪呀，認得我把聲嗎?"。佢就收了聲，眼圓圓咁望住我!!!很奇妙的感覺。
林生，奶奶，媽咪，大姑奶和姐夫已在外等BB。我的生産過程已經完滿!!!由入院至生得都只是五小時!!!
但痲醉藥後的感覺絶不好受!!!!全身不停震!!!!震了一個鐘，直至入睡。今日不能落床，睇唔到吱吱。  
吱吱的第一天，已有姑婆，姑丈公，中舅公，细舅公，細舅婆，詩姨姨探佢。