暫別少年軍

細佬入了小學，小學學校的課外活動就快開始。林太好辛苦地左搬右搬細佬所有的興趣班⋯⋯結果，要放棄少年軍⋯⋯要暫別少年軍！！多謝Madam Lam，多謝一班義工導師，默默付出，教導小朋友！！

水戰 2022

玩水玩水玩水！Yeah！冇皇管，可以玩水，全身濕曬都OK！小朋友真是超開心，超興奮！！多謝老師們的準備和照顧，感恩係這個疫情都有得玩！！ 

忍耐到底。

今日是如常的星期五，細佬晚飯後要上基督少年軍。但林太和嘩嘩都已經很攰，唔多想返，想懶在家食雪糕，但比爸爸鬧完之後就繼續返⋯⋯完的時候，細佬攞著一張卡俾林太，林太心想都是金句卡吧⋯⋯

👦🏻主耶穌送俾我㗎！

👩🏻哦⋯⋯忍耐到底！

👦🏻送俾你吖！

👩🏻多謝！你知唔知忍耐點解呀？

👦🏻你好嬲嘅時候，忍耐多一陣，我係做到㗎！

原來要學習「忍耐」的是「我」，等佢多一陣就做到了！

就快小一大抽獎出結果，林太心思思想叩門，叩間出名的，學術高的。這個時候，就聽到細佬老師的意見/投訴，佢不夠專心，專注力不足，可能有讀寫障礙，不如去做個評估！？⋯⋯⋯林太心想：「你依家先講，點解唔早啲解決？係考小學之前就解決啦，唔係等到考唔到，先至話佢專注力不足？」聽完之後，林太當然問細佬：「你係咪上堂唔專心？」「你係咪特登玩嘢？」⋯⋯⋯細佬一直都答：「無呀！」今天的可能就是答案：「忍耐多一陣，我係做到㗎！」願主耶穌繼續與你說話！

基督少年軍幼級組體驗章

Yeah！細佬有章攞！！雖然不是”考”回來，可能只是看看表現已分發。但細佬已經很開心，多了一份肯定，一份歸屬感，一份自豪，一份優越感！努力呀！！（基督少年軍幼級組體驗章：分服從、虔誠、紀律和自愛四部份，各項獎章分三個級別，獎章考取方法以累積分數計算，累積至足夠分數便可升級。）

https://www.bbhk.org.hk/pre-junior.experiencebadgeschemehttps://www.bbhk.org.hk/