Last day of school 2023-2024

暑假即將開始，小朋友當然開心啦，諗住去邊度邊度玩？！林太就諗住有咩功課可以做？！哈哈哈⋯⋯派完成績表，其實已有很大的進步，但可能其他的同學也有更大的進步，所以追不上，唉⋯⋯人生⋯⋯多謝你們今年的努力，下年再來吧，還有機會，還可以再嘗試！！珍惜機會呀小朋友！！

圍棋 // 2024回歸盃圍棋賽

依張報名表見過幾次，嘩嘩講了幾次⋯⋯本來諗住週末返大陸玩吓，但最後吱吱要考五級樂理，咁就參加吧⋯⋯經上次的經驗，第二名至第五名是同分，靠細分分名次。所以一早同細佬講定，要贏就贏盡些，食多幾粒！哈哈⋯⋯但最後都是第五！！知道佢用了力，要食餐好的！！韓燒！！

中銀青少年發展計劃全港小學分區劍擊比賽2024 // 港島西區男子丙組重劍

Back-dated 29/06/2024

細佬第一次代表學校參加比賽！！WOW！！其實是丙組，通常是小四學生，細佬小二，算是越級挑戰吧！！都預咗輸，最後，28人排20人，繼續努力！！林太去咗旅行，無得睇佢嘅「英姿」，哈哈，下次吧！！

June’s lunch box

今次飯盒真係可以收工、收工、收工！！兩位少主開始返半日，不用再一早爬起床整飯盒，放假。Yeah！

LamBB's P2 - final exam

因為吱吱考試先，嘩嘩亦跟著早了開始溫！其實咁細個，一個學期做了一本中一本英的閱讀理解，已經好乖，有努力過！！今次考試跨過端午節，有三天假，又唔可以去玩，數學又冇乜嘢溫，細佬做了五、六份試卷！！祝你好運！！

May’s lunch box

有31天的五月，日日都冇偷懶，有帶飯哦！！吱吱五月最後已經開始考試，考完試就返半日，不用再帶午膳⋯⋯而公仔飯盒亦都收爐嚕！！下年再見⋯⋯

April’s lunch box

四月話咁快就過，放完復活節假後，一個要返學一個唔使返學，一個陸運會，一個病了⋯⋯所以煮咗唔係好多餐！哈哈！！試了攞冷麵回校，細佬係完全唔食，真是係一個「阿伯」！！祝佢第時老婆好運！！

March’s lunch box // 馬林糖（17）

三月有細佬的考試週，又有「全方位學習日」，所以好多日早放！！淨係做家姐的飯盒，所以可以玩吓，做了「三文魚茶漬飯」、麥當勞外賣、麥當勞炸雞炒意粉⋯⋯哈哈哈哈⋯⋯

LamBB's P2 - 2nd exam

話咁快又考試，第二學期考試！！上一次考試麻麻地，所以今次特別緊張！！其實依兩個月已晚晚做閱讀理解，但好似還是不太好！！都知逼都逼唔到，所以堅持每日去公園鬆一鬆！！有進步，有退步，只想你「學習」有「興趣」！！Keep going！！My boy！！

February’s lunch box

又過了一個月，真係快⋯⋯

January’s lunch box

Happy New Year!!!!

林太繼續煮飯！！希望你們天天吃得飽！！開心又滿足！！

60周年校慶 // 60周年校慶親子口號設計比賽

細佬學校60周年，今個星期都唔駛返學咁既樣，哈哈！！老師和要表演的同學就忙過不停，辛苦曬！！最後，參加了親子口號比賽，有個季軍，有幸能參加頒獎典禮，和睇表演！！

「與基督同行 樂在鮑聖園」

聖安多尼六十載

知恩感恩滿仁愛

善良謙遜樂滿載

鮑聖精神常同在

鮑聖精神 — 鮑思高神父預防教育法的原則

鮑思高神父把預防教育法的原則濃縮在這句精簡的說話裡：「這種教育法完全建立在理智、宗教和慈愛上。」它們彼此之間的關係好像是一個三角形，不能缺一。這教育法的實施完全根據聖經的說話：「愛是慈祥的，含忍的，凡事包容，凡是盼望 (改善)，凡事忍耐。」鮑思高神父的一生就是這些原則的實現。

林太一直以為校徽中間的是一隻白鴿企在十字架上，但原來是一朵百合花。

百合花象徵上帝的恩典，這恩典如此聖潔、慷慨、豐盛、美麗與奧妙。百合花也象徵人對上帝的信心，這信心如此專一、忠貞、敬虔、珍貴與潔白。哪裡有這百合花的恩典，那裡就有這百合花的信心；哪裡有這百合花的信心，那裡就有這百合花的恩典。
深信聖安多尼學校滿有上帝的恩典，亦以鮑思高神父的精神，用信望愛來培育下一代。

DIY — Christmas Card

細佬之前考試，沒有時間畫聖誔卡。考完試，唯有DIY吧！！今年的金沙花環，送比老師們，祝聖誕快樂！！今年辛苦喇！！

LamBB's P2 - 1st exam

唉⋯⋯又到考試時間⋯⋯有人溫書溫到瞓著！！唔知係唔係病病地？！但總之只答你一句「唔識！」成績認真麻麻！！一考完試，學校就係咁出填色比賽？！真搞笑！！細佬應承咗，每晚兩篇閱讀理解，希望會有幫助吧！！

November’s lunch box

細佬的考試週，12:45放學，所以”順便”先送飯給吱吱，再接仔。今個月做多咗幾次公仔飯盒！！加油呀！！ 

October’s lunch box

十月交功課！十月仲有幾日，交比林生，林太獨自去偷歡！！哈哈⋯⋯十月的測驗週和哈囉喂主題，玩得好開心！！

清潔社區 — 淺水灣

記得幾年前，林太同吱吱去過黃金海岸沙灘拾垃圾，佢有深刻的回憶！！想再參加這類活動，但發覺很難就時間⋯⋯一個得閒，另一個要測驗，等等。細佬的學校竟然有這種活動，仲要免費，當然參加啦！！感謝老師們紅日都回校帶隊！！謝謝你們！！其實全班都識，氣氛更加開心！！

September’s lunch box

因為個疫情，吱吱小三先開始喺學校食午飯，當然唔想煮跟學校食啦！！過咗兩個月，佢已經開始要求自己帶飯，但佢以為一跟學校食要食足一年，所以到學期尾，佢強烈要求要自己帶飯！！到暑假，不斷同林同你講，今年自己帶飯呀！！而細佬，有一日放學同林太講：「我俾個機會你煮飯，我想試吓媽媽嘅味道！」哈哈哈，媽媽煮飯唔好食，仲想試？！佢答：「咁要俾個機會你練習一下！」所以九月開始，林太要一早爬起床，準備午餐！！九月過去，好彩每日都有飯食！！

First day of school

經過打風，十號風球後，終於有得返學啦！！因為個風，有時間做埋啲功課，哈哈哈⋯⋯