新春DIY系列 — 虎年賀歲香包吊飾

 

依家吱吱上午zoom，要諗定有咩做，令嘩嘩安靜些！！唉⋯⋯真頭痛！！買了個HK$12的材料包，比嘩嘩玩，都可以呀！總算能完成，不過攪咗好耐⋯⋯哈哈哈！

☕️Coffee time☕️

好似好耐無係屋企畫畫！！又嚟畫吓畫，今次用「咖啡」！！點樣有深淺色？！點叫淡和濃？！最後，都是畫在林太個張？！哈哈⋯⋯

Fruit of the day (3)

小朋友總愛翻櫃桶，這本畫冊原來已經放在櫃裏差不多一年。今日試試奇異果！！

消化系統3

原來又過了一年，一年後還記得哦⋯⋯林太膽粗粗，擋是「才藝表演」吧！哈哈哈⋯⋯

福 X 角落生物

又一角落生物產品，是泡泡膠，但好似不夠顏色，炸豬扒和炸蝦尾怪怪的！！不過，睇住吱吱和嘩嘩的手指仔，已經夠欣賞價值了！！可愛！！

創新科技嘉年華 2020 — 創科DIY@Home學習套件

有家長介紹，八八掛掛申請了兩份—「4D Frame小火箭」和「4D Frame 小蝸牛」。費用全免，不過港島區要去筲箕灣攞，而且上年十月申請，尋日先有得攞。攞到之後，覺得好似好簡單，今朝就比細佬試試，噢⋯⋯KO了！！他們的對象好似是初小，哈哈！！其實是幼稚園年代用飲筒和泥膠砌圖形，不過，4D Frame的接駁位靚咗，容易些處理。細佬砌小火剪不用幫手，到小蝸牛有些弧形他就需要幫忙。佢仲好醒咁同林太講：「我分派依份工作比你去完成！」哈哈，笑死⋯⋯ https://enroll.innocarnival.hk/

DIY — Chinese Dragon Puppet

返多一個星期學，就放年假，上學期就此結束了！慘慘⋯⋯今個新年有冇得拜年？今個新年可唔可以同同學仔玩吓？放假之後可唔可以返學？⋯⋯唉⋯⋯唯有自己搵吓嘢玩，增添新年氣氛！！都是剪剪貼貼，農曆年的龍，寓意龍馬精神，步步高升！！ https://www.redtedart.com/wp-content/uploads/2021/01/Dragon-Puppert-Printable-watermarked.pdf

Lunchtime // DIY Buchimgae

見細佬尋日咁慘慘豬，今日開心吓，午餐時間玩吓！先做「Buchimgae」（Korean pancake），個盒內有兩包粉，加水就可以了，味道不錯！！再包角落生物壽司，一盒60塊紫菜，一次比他們KO了！！

啫喱仔

又係之前的食譜，超簡單，又好食！買了個新角落生物模，試吓先！哈哈！！

http://mrslamdiary.blogspot.com/2019/01/blog-post_17.html?m=1

DIY — truffle chocolate

屋企發現有兩支煉奶，就諗住做truffle chocolates。因為truffle chocolates只需兩樣材料，就是煉奶和可可粉（240g煉奶：100g可可粉）。但原來可可粉都唔平哦⋯⋯哈哈⋯⋯而且可可粉很危險，吱吱攪到全身全地都是，唉⋯⋯林太試完後，都忍不住加了榛子碎，好味些，嘻嘻！！

益力多小船

屋企的益力多樽攞嚟玩，又簡單，又好玩！玩完可以分開，橡筋，樽可以再用！Very good！！

DIY — 麻薯波波

停課期間，林太同吱吱和嘩嘩煮過不少嘢食，但嘩嘩係面試班答老師：「媽咪只會自己煮嘢食。」又失憶了，又再loop麻薯波波。依次仲有減價，林太見佢哋得閒，叫了他們切火腿加落去，仲加了芝士！！依個牌子好味哦！！還是，他們打得夠大力，好QQ呀！！哈哈！！

LEGO Technic 42119: Monster Jam Max-D // LEGO Disney 43176: Ariel's Storybook Adventures

在家繼續拆禮物，開了LEGO，細佬的車車要幫手，家姐嗰個係easy job吧！

LEGO city 60117

Boxing Day！！其實禮物尋日已拆咗，今天開嚟玩吧！吱吱又係表姐屋企，細佬的LEGO自己嚟吧！雖然是5yro+，但砌得不錯哦！！籃色車大部份都是對稱位置，所以砌得特別快！！Well done!!!

DIY — slime

林太係上一次停課期間（第三波時）就買了盒slime DIY-kit，寄到嚟又覆課了。噢，依家又玩得了！一開發現是「唔知乜文？」睇極都唔明個說明書，終於搵到一句英文！！「1:1:1 e.g.60ml」就靠估吧！！哈哈！！都尚算成功！！搓得，拉得，玩得！！一盒可以分兩次玩，會唔會等到第五波再玩？！唉⋯⋯

LEGO Disney 41153: Ariel's Royal Celebration Boat

吱吱五歲生日會時收的生日禮物⋯⋯日等夜等⋯⋯今日終於可以開了！！哈哈⋯⋯因為林太想「做完功課先」，「溫完習先」，「練完琴先」，結果未有時間，哈哈！！放了年幾，今日唔出街，可以玩了！！兩個合力，砌好了！！等待，更有滿足感！！

Kiwi September — Push and Pull Toys

對，星期天留在家中！！避人！！好彩，還有Kiwi Box的存貨，開盒先！！隻龜幾攪笑喎！！哈哈⋯⋯ Push and Pull的動力幾好玩！！

Kiwi August — Marble timer

好耐沒有開箱，因為一係要做功課/溫習，一係出咗街。尋晚哈囉喂玩得太夜，今日hea hea地，在家開箱。吱吱和嘩嘩自動波開嚟玩，林太一邊晾衫，一邊聽到他們的對話：「你（嘩嘩）幫我準備一粒綠色，一粒橙色，一粒青色。」嘩嘩就照做，有共同的目標，可以分工合作真是不錯！！林太晾完衫諗住幫吓手，點知他們已差不多完成！！吓⋯⋯咁快⋯⋯不用三十分鐘已玩完！！哈哈哈！！咁就有點貴哦，唔抵唔抵！！

十三街燈箱DIY

https://kowlooncitywalkingtrail.hk 林太又在Facebook見到些免費活動，填吓form就寄比你。收到時，好似很簡單。同細佬一起剪剪貼貼。噢，又幾靚哦！！Thank you！

水晶在那？

哈哈⋯⋯林太又失敗了！！都看了說明書，但也沒有成果⋯⋯噢！！可能是水太熱，就放入個種⋯⋯算吧！下次再試⋯⋯