DIY — 自製飛碟

又是其中一個艙底貨，哈哈哈！！不過，這個有點危險，可能是摩打太快，飛碟飛出嚟嘅時候有機會界到，小心眼睛！！所以玩了一次後，林太丟了⋯⋯

DIY — 水壓機械手

細佬又搵嘢玩，開了「水壓機械手」。今次的配件超細，吱吱都串唔入。不過好快就能完成，之後就左夾右夾，哈哈哈⋯⋯

在家由朝玩到晚，玩乜？！

今日在家，由朝玩到晚，林太把屋企的艙底貨全部抄出嚟玩！！哈哈哈！！！玩完摺紙，摺了火箭，再吹！！！練吓個肺，哈哈哈！！！再學習一下顏色的中/英文字，因為吱吱仲係續粒字硑音，RED，BLUE都有排讀，希望他們記得整個字。之後，再同嘩嘩做了「拉線賽車」。又真係幾快哦！！用拉線帶動齒輪的回彈力，變成動力飛出去！！到晚上，角落生物的影子戲。有點蒙，下次再畫過先！！

DIY — 時鐘

繼續留在家，沒有大運動，連午睡也不用！！繼續開家中的存貨，今日有咩好玩呢？！時鐘！！時間的概念是有的，但很難明白，因為不是十進制，一小時有六十分鐘，六十進一真的很難明白！！

DIY — 平衡

又是在家的一天，開了包STEM的玩具。不過在開的過程，最緊要隻鷹被吱吱和嘩嘩搶斷了！！連林太也平衡唔到，要交比林生，哈哈哈⋯⋯對小朋友來說，圓形的中間點/重點都很難找到，所以他們只能平衡兩隻鸚鵡。

之後，再跟Dad Lab做個小實驗。一張紙可以承托幾多本書？！先叫吱吱和嘩嘩先估邊種形狀可以承托最多本書，吱吱選了三角形，嘩嘩選了正方形。先試嘩嘩的正方形，再試三角形，吱吱發現三角形比正方形少書，就改口說圓形可以放最多！？實驗結果是三角形7本；正方形11本；圓形是13本。

DIY — 磁懸浮筆

無學返，搵返些舊嘢出嚟玩！！利用磁力令枝鉛筆浮在空中。吱吱和嘩嘩當然未完全明白，只知N同N/S同S唔會kiss kiss，點都不能在一起。這個小玩意變了他們的小魔術表演，哈哈哈⋯⋯

DIY — 視覺暫留 // 結他

又到下雨天，係時候在家DIY一下。係晚飯前，搵個簡單些的「視覺暫留」。真的很容易，勁快就做完。吱吱和嘩嘩亦聚精會神，落足眼力，哈哈哈！！他們覺得是一個魔術，變變變，變了入去，哈哈哈！！

之後還未食晚飯，再做「結他」。吱吱和嘩嘩粗手粗腳，把紙版扯爛了，最後林太出手做吧！但橡筋太緊，把個結他揸在一起，不能長綁在紙版上。

DIY — 望遠鏡 // 滑翔飛機模型

好耐無玩依盒玩具，但接近暑假好多STEM嘅玩具廣告，林太才記起未玩完依盒。攞返出嚟睇下，兩位小魔怪已一人攞了一袋話要開。好吧！玩吓啦！！

今次沒有睇住YouTube做，只是跟著説明書。望遠鏡較易，但個凹凸位有點難拼。而個滑翔機也不太難，可惜飛不起，小魔怪們有點失望，哈哈！！亦可藉此機會講吓點解飛不起？因為佢唔夠energy？邊到有energy？

DIY — 費納奇鏡

小時候喜歡在書的每一頁右下角畫個公仔，然後好快咁揭書，個公仔就會好似動畫咁。這個是同一道理，不過是不停旋轉，所以公仔會不停郁，直至停掉電源為止。林太小時候以為是眼睛看得不夠快，所以睇唔切，誤以為畫面在動。原來是有正確的解釋 — 視覺暫留。原因是由視神經的反應速度造成的，其時值約是1/16秒，對於不同頻率的光有不同的暫留時間。

今次又玩依個DIY pack，實在好方便容易，吱吱都可以自己做到。林太做了小幫手，替他滅雙面膠紙和對齊紙邊。因為會用來交功課，怕學校以為是爸爸媽媽做晒所有親子功課，所以就拍片，哈哈哈！！！成品幾可愛啊！！！

https://m.youtube.com/watch?v=zNU0nCayfqM

DIY — 空氣懸浮

「空氣懸浮」個名好似好勁咁？！林太覺得似超級無敵啜啜球，或是超級無敵夾夾球，哈哈！！

上次跟「Play to learn」買的是「科普DIY幼稚園套餐A」，所以上次玩完仲有好多材料包可以做。今日放假，叫吱吱揀一個來玩。佢揀了空氣懸浮，因為好似係「Think Big」見過的遊戲，哈哈！！

和上次一樣，一齊睇YouTube，再動手做。其實他們的壓紋已經好清楚，但四歲的小朋友仍然摺得不是太直，最後林太加了膠紙，哈哈！！今次依個都十分之易做，又好玩！！！

不過，今次STEAM的原理是？！電力轉做風力，再轉為動力？！在方形紙筒內形成漩渦，所以個球在轉動？？林太十幾年前學的physic都忘記晒了⋯⋯⋯

https://m.youtube.com/watch?v=XIL_4mPthSQ

DIY — 萬花筒

有一次，行街嘅時候吱吱好想買一支萬花筒（係某大時裝店內），要HK$1xx，有點貴哦！！林太口快快回答：「自己整都得啦！！唔使買啦！！」就走咗⋯⋯吱吱把林太這句話緊緊記着！！哈哈！！但林太又找不到細細長長的鏡子，一直未整萬花筒。這個時候遇上依個懶人包，來得正及時！！其實可以上淘寶買，但係跟「Play to learn」買，對回港幣也差不多。

https://m.youtube.com/watch?v=OiWqZb44st8

依個懶人包，連膠水也不用，實在太方便，哈哈！！嘩嘩都有份貼下膠紙，哈哈！！估唔到依啲咁舊式嘅玩具，仍然咁受小朋友歡迎！！

做完萬花筒，都要同小朋友解釋，這個才是STEAM的意義。萬花筒要用三面鏡子組成，是因為三面鏡子組成的三棱鏡，才能把碎片經過三面鏡子的多次反射，就會出現對稱的圖案，而每轉動一些角度圖案又會產生不同花色。