2024 Christmas Card

依位小朋友雖然考完試，但成績欠佳，無得玩，嗚嗚⋯⋯又做閱讀理解，之後畫吓畫！！Merry Christmas！！

火山爆發

嘩嘩最想要的火山爆發，yeah～～可以開了！不停re-loop！真係咁好玩！？

星期六 // LEGO 31089 3in1

又到星期六的下午，家姐要溫書，細佬要靜靜地靜靜地⋯⋯換了維他檸檬茶積木，好得意呀！！但細佬九秒九就玩完！之後無端端話要拆以前的Lego，因為是3in1，可以有別的造型，由頭再砌過！！救命呀，拆到指甲也崩了！！

LamBB’s DIY pack

又到了這個年紀，甚麼都要自己做！！自己完成！！嘩嘩未開始面授，係屋企的時候就搵了以前買落的DIY pack，什麼什麼STEM pack⋯⋯

特別假期 // LEGO 31054 : LEGO Creator Blue Express

嘩嘩最後的一份生日禮物，開晒啦！！玩完啦！！哈哈⋯⋯林太同佢講，到七歲先再會買LEGO。哈哈！！

特別假期 // 全日做咩好？！

細佬還是”特別假期”，但家姐已開始zoom zoom！！今日，細佬同家姐一樣咁早起身！！救命呀，做咩好？！佢搵了本舊書，話要做「牛奶盒錢包」，做完家姐放小息，就焗個蛋糕吧！！之後，再砌LEGO，再搵到之前買的手工包，再完成佢！！嘩，今日做咗好多嘢！！

特別假期 // 復活節假期

繼續不是假期的假期！！見到新聞的片段，人山人海的離島，camping site，長龍⋯⋯所以林生林太都無日日出街，到最後一日假期才去迪恩湖走走，早去早走，準備明天zoom的復課！！

特別假期 // 復活節活動：LEGO 40463 : Easter Bunny

這個特別假期，終於到尾聲了，放假放到有點悶，連復活節假都宅在家！！懷念以前的復活節假旅行⋯唉⋯⋯算了吧！！今天的下午⋯⋯無無聊聊的下午，應吓節，開了盒LEGO砌吓。兩小寶中段時話唔見咗兩塊，最後林生發現他們砌錯了兩塊，哈哈！！

特別假期 // 復活節活動：Easter Egg Nest

復活節當然要做一些復活節活動，食復活蛋，哈哈哈！！吱吱和嘩嘩用rice bubbles做了一個復活蛋巢，Happy Easter！！

特別假期 // Lumière—DIY兒童擴香石彩繪套裝

林太在Ig見到，見平平地，HK$45-55一套，已有齊所有嘢，就買了三套嚟玩！！應吓節，當然有買復活蛋啦！！點解依排咁興”擴香石”嘅？！用嚟滴香油？！都OK既，但有點阻埞，哈哈！！

特別假期 // LEGO 42133 : Telehandler

細佬的生日禮物開箱了，今日選了這個。好快自己砌完，但發現吊臂不能上下郁動！！Oh no！！真是”一子錯滿盤皆落朔”，林太又不想由頭砌，所以拆些又沒有拆全部，攪到用咗好耐時間，唉⋯⋯

特別假期 // My supernanny

2表姐過來sleepover兩晚，佢就做了兩天的supernanny！！陪讀書童，陪玩專員！！Thank you！！

特別假期 // 復活節活動：大大隻恐龍蛋考古挖掘套装

林太網購了這隻蛋，諗住復活節先玩，但一攞返屋企已被發現⋯⋯諗住恐龍得細佬鐘意，點知家姐都要玩！？Oh no⋯⋯兩個玩到瘋狂到一個點⋯⋯⋯好恐怖呀！！周圍都是泥⋯⋯

特別假期 // 復活節活動：復活節咔

上星期做的再造紙和淘泥公仔，諗吓可以用來做乜嘢？！就快到復活節，就叫兩小魔怪畫復活節咔。登登登登⋯⋯完成！只此一張，哈哈哈哈哈⋯⋯

特別假期 // 角落生物DIY鑰匙圈

好耐之前，林太在網上已見到這個不織布吊飾DIY pack，但一直沒有買到。因為覺得兩隻小魔怪會做做吓唔做，最後林太要執手尾，所以沒有買。但林生一見到，竟然買了，話吱吱鐘意⋯⋯⋯最後，真係要幫他們執手尾，救命呀！！

特別假期 // 復活節活動：彩蛋復活節花環

三月尾，快到四月，復活節了！！又嚟攪攪震，哈哈！！買了兩包DIY材料包，HK$15包。嘩嘩攪唔掂，到一半就走鬼咗，要林太執手尾，今次都有些難攪，哈哈！！

特別假期 // Recycle paper

吱吱之前收的禮物？聖誕禮物？！哈哈！！可以玩了！！林太用了學校的工作紙，大家撕得很興奮，因為不用做功課，哈哈！！但因是靚靚白色A4紙，所以唔溶，搖了很久⋯⋯結果，等了一個星期，今日才倒出嚟睇吓。兩張工作紙，變了兩張細細的再造紙，哈哈！！

特別假期 // Clay day

淘泥和輕黏土的感覺完全不一樣，淘泥好易裂，小朋友有點難掌握，但嘩嘩十分興奮，因為淘泥加勁多水會變泥漿！！嘩嘩一直玩水，弄泥漿，所以唔知做咗些甚麼，哈哈！？但嘩嘩竟然記得M+的泥公仔，只有一對眼睛的泥公仔！！哈哈！！PS.玩淘泥時頭痕怎麼辦？？哈哈！！

特別假期 // LEGO 40553 : Toy Story Brickheadz Woody and Bo Peep

兩位大帝砌LEGO時成日喺度爭，爭邊個砌得多啲，邊個砌得快啲？！那就來一場比賽！！吱吱本來是領先的，佢到step20，嘩嘩才是step10。之後，嘩嘩追上了，還是BoPeep真是難少少？？哈哈！！Have fun～～

特別假期 // 大大曲奇

做曲奇對吱吱和嘩嘩來說簡直是容易事，所以今次做了一塊很大很大的曲奇！！嘩嘩做的是 Snoopy，哈哈！！吱吱見到就要做貓！！玩完，哈哈！！