海底撈火鍋

第一次去海底撈火鍋，其實唔係食嘢，只係去玩！！免費gel甲！！哈哈哈⋯⋯林太、吱吱、嘩嘩、梁媽媽都整咗！！哈哈，抵！！

Blooms Summer Camp

一開始放暑假，就送了兩小寶去camp！！哈哈！！因為想幫吱吱搵個英文老師，想佢開心學英文，咁入camp就可以開心做評估，哈哈哈⋯⋯兩日一夜的英文營，無穿無爛出返嚟，佢哋話玩得開心！最驚喜的是，他們學懂了踩單車！！有時，換個地方，換個人，就可以學識，無謂勞氣！！哈哈！！

圍棋 // 第一次的圍棋比賽

細佬跟學校學了一個學期的圍棋（13堂），圍棋學校有個比賽，細佬話要參加！！佢好少肯自願參加比賽，咁去吧！！比賽時間09:00-13:00，嘩，都幾長時間！！要玩五局！！最後兩勝三敗，有四分！！但見到佢個樣累到一個點，哈哈哈！！林太今日也大開眼界，見到「虎爸」，不斷問個仔「點解你要咁做？」「點解你要咁行？」「係無意思！」「點解會輸咁多粒？」「點解你唔聽指令？」⋯⋯⋯其實捉棋旁觀者不得依牙鬆槓，佢放棋的一刻就有他的想法，最後無贏/未能達成也沒辦法，下次再試過吧！！細佬，加油呀！！

LamBB’s first school trip // 海洋公園

Yeah！！成功可以去旅行！！仲可以去海洋公園！！其實海洋公園幾多點開？？咁早入去咪無其他人囉！！細佬學校的小一至小三都入咗去，九班，一班小學雞，哈哈哈⋯⋯

地點：海洋公園

上學時間：上午7:40

放學時間：下午12:40

午膳：回家後午膳

費用：全免（由全方位學習津貼代付門票$80及車費＄32.7）

LamBB’s first exam

細佬同家姐唔同學校，考試時間完全唔同！！今次到細佬考試，第一次啊！！小朋友真係唔會識溫書，要點樣教佢哋自己溫書呢？！要點樣教佢哋check卷呢？！頭痛頭痛！！細佬嘅學校考試之前兩天，已是「溫習日」，不斷做測驗卷。林太見細佬的分數，其實唔溫書都不錯吖，七十幾分，可能有讀卷吧！？溫了幾日，好似都係差不多，溫習卷都係七十幾分，不如唔好溫！！！唉⋯⋯唔識寫的字，依然唔識！！細佬，祝你好運！！

LamBB’s primary school // 小一開學

細佬的學校小一適應週，星期一和星期二首先返學！！終於開學了，咁樣就變了”小學雞”！！唔知道佢會上成點呢？！林生一早去街市買了棵蔥俾細佬，希望他”聰聰明明”！！哈哈！！

LamBB’s first teeth

嘩！細佬終於甩牙啦！！隻成人牙喺後面好耐，已經幾個月，但因疫情關係沒有看牙醫，一直在等等等⋯⋯終於甩掉了！！踏入恆齒另一階段！

LamBB’s 1st primary school interview (1)

小一面試開鑼！！第一次第一次！！嘩嘩的第一次，準備了一年，實戰了！！佢比吱吱”谷”得多，有上面試班，中文班，英文班⋯⋯因為他是男孩子，沒有小學的back-up，作為媽媽是有點慌！！唔知做得夠不夠？！可唔可以再做多一點？！第一個面試是”培正小學”，林太的母校，真係好耐好耐無返嚟，變了變了⋯⋯嘩嘩面試的班房是林太第一個的班房，小三信！！咁啱既，哈哈！！林太不是很早報，好彩是第一組，9:00am，不用等，太好了！！嘩嘩面試時，林太仲同朋友仔/舊同學仔行了上中學，原來已是n年前的事了！！

🎼🎼🎼🎼🎼🎼🎼

這校園 這班房 這走廊 這禮堂

告別時 是我心的家鄉

到未來 那一方 人飄泊 路茫茫

仍然在這里找到一點點光

🎼🎼🎼🎼🎼🎼🎼

叮叮遊

等咗好耐，終於有機會同嘩嘩坐叮叮！叮叮實在太慢⋯⋯所以成日趕著⋯⋯不夠時間坐⋯⋯哈哈！今日由西港城坐到返屋企，慢慢的，叮著！嘩嘩很興奮呀，高高的，可以見到貨櫃車頂，紅綠燈頂，同巴士一樣高！！

LamBB’s 1st kayaking

細佬去咗kayaking，對，只有細佬和林生！！沒有吱吱份，因為林太頂唔順，又無力，留在家休息休息，哈哈哈！！而選了帶細佬，係因為細佬要man-d，做些户外活動，而且吱吱嘗試了太多的第一次，要對2nd-child公平些，哈哈哈！！

今早，他們一早出發，玩了一天。回家時，細佬曬到面紅紅，好開心地分享今天的經歷。但原來他累到在船上睡著了，哈哈！！我的小可愛，希望你繼續陽光！！

嚇鬼死的一天！！

事原係昨日6:00am，突然聽到巨響！！原來係細佬從林生林太的床上碌落地下！！細佬偷偷地爬了上林生林太的床上，瞓咗係邊邊，林太完全沒有察覺，林太一轉身就推咗佢落床！！細佬大哭！！聽到哭聲，應該冇事吧？！就叫佢再睡⋯⋯點知6:30am開始嘔，都係有啲擔心，立刻入了急症！

7:00am到了QM急症，細佬都繼續有嘔，嘔些黃色物體，超驚！！急症室都有人等，好彩排了快症，8:00am已完成診症，照了CT，個腦冇事。九點幾上到兒科上床休息，觀察二十四小時⋯⋯

當他入睡後，再起身嘅時候完全冇事！！好似差足電咁！！但醫生話都要繼續留院觀察⋯⋯細佬喺醫院食得，但不是太瞓得，係咁搵人講嘢⋯⋯又唔可以落床⋯⋯林太仲要24小時陪瞓，沒有加床服務，沒有毛氈可借，只有一張膠櫈！！母愛真偉大，手痺頸痛腳痺⋯⋯一些長期病患的小朋友既媽媽們，辛苦你們了！！

瞓咗一晚，第二日都好正常！出院喇！！

Primo Fencing 第一堂

吱吱復課，嘩嘩到九月一日才返學。學校的功課不多，他的暑假好像已經開始！！哈哈！！那就開始上暑期班吧！！

第一個暑假班 —- 劍擊訓練！！

一個星期一堂，十個星期後有個小型比賽，仲有cert攞，HK$3300。不錯不錯！！今日是第一堂，林太留了喺裏面陪嘩嘩上堂。他真的不怕羞喎，成堂都聽到佢把聲！！哈哈哈！！佢好似好鍾意哦！！希望你繼續努力啦！！做一個林太心目中的型男，哈哈哈哈哈⋯⋯

Farrah's 4th Birthday Party // Frozen Party

嘩嘩第一次參加自己朋友仔的生日會，再不是家姐的朋友仔，不是叫他「細佬，細佬！」。佢好緊張地自己攞禮物，因為是「他的」朋友仔生日禮物，不過一直講錯名，佢話是「Flower」生日，其實是「Farrah」⋯⋯哈哈哈哈⋯⋯

吱吱和嘩嘩去過AMC的Party room，自動波的去了玩，嘩嘩仲玩到無食嘢，和無睇魔術表演，可能是他聽唔明？！哈哈哈哈……謝謝邀請，Flower生日快樂！！可能嘩嘩覺得他像花朵一樣美，哈哈！！

香港失明人士協進會 — 賣旗日

吱吱經過上次義賣米，今日變得大膽！！不過賣旗比較易，沒有下限，上次樂施米要最少$20呢！！林太帶著他們兩個，他們兩個自己搵人買旗。小朋友就是一個開心果，很多人見到他們已自動走近他們等買旗。謝謝各有心人！！

迦南幼稚園第54屆畢業典禮

嘩嘩未畢業，只是有幸代表PN班去表演。林生林太第一次參加咁「大型」的畢業禮，真係「嘩」一聲！！伊利沙伯體育館開了三面場，坐滿人，只是七間分校的畢業生，還有下午場，勁喎！！

嘩嘩10:00已到，在後台綵排和吃茶點，到11:30畢業禮才正式開始，而佢嘅表演是在1:00。細佬都係裏面坐咗好耐，好驚佢一出場就眼瞓唔肯跳，點知佢又OK喎！！完成了兩首歌的表現！！很可愛的小黃鴨！！！