當年今日，五年後

Facebook的「動態回顧」其實幾好，林太又再回味一下未生的時候，哈哈哈⋯⋯叫了林生幫手影幾張大肚⋯腩相。五年了，吱吱和嘩嘩長大了不少，同一地點不同的你們。無論你們長得多大，林生林太也一樣愛你們！！

吱吱兩歲+嘩嘩滿月=興祝 // Peppa Pig Birthday Cake

今早，林太同吱吱講：「生日快樂！」
再問：「吱吱呀，生日會點？」
吱吱：「蛋糕，切呀！」
哈哈！！好彩林生林太一早為你預備了多個生日蛋糕係正日切。是朋友親自做的，Peppa Pig一家四口蛋糕！！好得意哦！！小朋友見到都十分興奮！！路人都回望個蛋糕，有人仲影了相。
切蛋糕當然要一家人食餐飯吧！去了屋企附近的海港酒家，食個睌飯。

吱吱兩歲+嘩嘩滿月=出街街 // LamB @Disney x6

林太坐完月喇！！出街！Yeah！有咁遠去咁遠，去了廸士尼！林太想去廸士尼還有第二個原因，就是幫吱吱攞「我今天生日」的襟章，哈哈！！廸士尼工作人員/卡通人物見到個襟章會過嚟同你講「Happy Birthday」呀！嘻嘻！！

林家一家四口一齊去廸士尼！！天氣十分炎熱！！入到去食返個午餐，再開始玩。嘩嘩瞓足全程，林太照顧著嘩嘩，坐係到餵蚊！！林生帶著吱吱排隊玩機動遊戲，又濕又熱！！再搵Mickey和Minnie影相，吱吱見到佢哋當然開心啦！！吱吱再睇巡遊，繼續興奮，又揮手又拍掌！！今次仲認到「巴斯光年」，攪笑！！

吱吱，嘩嘩，祝你們生日快樂，身體健康！！希望你們滿有夢想，向著夢想前進！！Full of magic moments in your journey！

LamB @Disney X5

Back-dated 20/4/2016
係林太坐月的時候，只想瞓覺，但吱吱係屋企走來走去，唔比人瞓覺，最鐘意拍醒人。林生一個帶了吱吱入廸士尼，兩父女拍拖，入去飲茶，食龍蝦餃，鮑魚珍珠雞，東昇斑餃，等等。他們兩個行得更快，玩得更多嘢，仲影到更多卡通人物相。勁！

註：吱吱又識多隻公仔--Chip 'n' Dale，但佢講唔正，係咁叫佢「cheap兜」。哈哈！

LamB's 2yro Birthday Party // Minnie Mouse Party

自從吱吱一歳生日會後，林太都不太想再攪生日派對，因為實在太麻煩了！但吱吱參加了好幾個生日會，好似已明白生日/生日會/生日禮物；而且又有咁多個表姐係香港，最後決定在屋企會所攪個小型派對吧！！

因林太還在「坐月」，所以沒有甚麼準備，有點兒是旦！
吱吱鐘意了迪士尼的Minnie Mouse，但很多蛋糕舖頭都唔做，因為沒有Disney license。最後搵了Cake away：http://cakeaway.com.hk/。

佈置的Minnie Mouse就是淘寶貨，汽球是林生和梁爸爸吹的！

食物是林姑媽訂的泰國菜，泰味屋-大坑。

生日會當天是母親節，祝各位母親快快樂樂，仔女聽教聽話！！