LamB’s 8th Birthday

少女已經八歲了！！時間過得真係快！！今年少女更加request要邊個生日蛋糕，林太話貴，佢話自己比，都係要嗰個！？真係大個女，有錢人！！結果當然經過一輪bargain沒有買到，買咗個平少少的，哈哈！！今年的弟弟嬲嬲豬，又話依樣，又話個樣，唉真麻煩⋯⋯吱吱，生日快樂，祝你快「高」長「唔肥」，快些開竅，d書唔讀都識！！Love you！

Play date at BUNS

難得的公眾假期可以約到吱吱的同學仔，出街玩完再食午餐！先去BUNS玩懷舊Roller，吱吱嘩嘩第一次玩，欣賞他們的耐力，不斷試不斷試，最終都可以行到，叻叻！！林太當然在旁看，哈哈大笑！！之後，去了富嘉閣飲茶，好耐沒有飲茶了。林太一早同吱吱講，今年不能開生日會。吱吱話「想同同學切蛋糕」，「想要皇冠蛋糕」，「想要LuLu豬蛋糕」，「想要磁石珠珠」⋯⋯很多「想」，今日先完成兩個願望。飲茶時突然攞個蛋糕出嚟，是林太改裝Lady M的士多啤梨蛋糕，哈哈！！Hope you will like it，my sweet heart！！ https://buns2020.com.hk/

Happy Mother’s Day 2022 // Home。焙小日子 // 小豬餅乾球

母親節快樂！！今年的母親節只收到嘩嘩的小禮物，都是學校做的小手工吧！不過他由星期一收在爸爸的衣櫃，等到今天才攞出嚟。天天問「今天是星期日嗎？？」哈哈！！到今天⋯⋯

👦🏻今天是星期日？

👩🏻係呀！

👦🏻今天咪係母親節？

👩🏻係呀！

👦🏻母親節快樂！

👩🏻Thank you！

👦🏻我可唔可以煮早餐比你？

👩🏻多謝你呀！媽咪唔食早餐。

👦🏻我可以煮奶茶比你。

👩🏻哈哈！多謝！你識煮咩？

⋯⋯⋯

最窩心的嘩嘩，I love you！！

母親節？！沒有特別節目哦！反而林太一拖四去做蛋糕？！哈哈，奇怪？！不是應該林生做的嗎？？玩了兩個半小時，做了一個蛋糕和十八隻小豬！！小朋友強呀，因為林太坐係到乜都無做，哈哈！！http://www.homebakingday.com/

Happy Mother’s Day // 婆婆節

好耐沒有同梁爸爸和梁媽媽食飯，終於可以一齊坐了！！去了唐宮小聚，但因母親節太繁忙，好多餸菜都沒有了？！林太又在Facebook見到廣告，第一次係Facebook買花，「迷人櫻花粉色蝴蝶蘭」，好靚呀！！花瓣有少少珍珠色，在陽光底下閃吓閃吓！！祝母親節快樂！！

【李錦記網上親子日嚐煮食教室：在家。一起嚐】Oh!爸媽 X 李錦記

多謝Oh!爸媽！又有機會參加李錦記的活動，因為上次李錦記的活動超好玩！！今次係母親節特別節目？！比小朋友煮餐好嘅俾媽咪食？？全程兩個半小時，見到吱吱忙過不停，不過林太都沒有休息時間，要左掃掃右掃掃做清潔女工，哈哈！！林太最欣賞今次的食譜是用椰菜花砌成小粒扮飯！還有用檸檬雞的醬汁做甜品，原來醬汁不用煮就可以食用，哈哈！！Well done，吱吱！！

日期：2022年5月7日 ( 星期六 ) 

時間：10:30 - 13:00 

形式：網上Zoom 進行

導師：靚媽廚神梁雅琳Hilda Leung

前菜：香煎茄子小肉餅

主菜： 照燒豬扒紫菜包飯

甜品：檸檬醬奇亞籽布甸

Back to school

第五波的疫情，無端端放咗個「特別假期」，終於可以返學了！！真係超期待，但有少少唔想，因為要早起身，哈哈哈！！一直都未習慣早起，又變回zoom 08:00開始。今日開始，林太06:15起身做早餐，吱吱06:30起身，要每天檢測和除隱形眼鏡，07:10上校車！

Disneyland

迪士尼開返啦！！可以再嚟啦！！細佬今日不用返學，家姐一zoom完就入去玩陣先！！Yeah！！雖然好多人，但都玩到幾樣嘢，不錯不錯！！

Lulu豬 X Vive

見到佢哋有Lulu豬好耐，但因為疫情遲遲未去。今日專誠揸車嚟買個外賣，呵呵！！可愛的LuLu，要食你啦！！

特別假期 // Sky 100

天際100 11歲生日，門票由$178減到$11，勁抵！！細佬還在”特別假期”，可以下午去一去，到此一遊！《100層樓的家》就睇過，唔知搭lift搭100層要幾耐？！哈哈⋯⋯去到都是行個圈，在100樓望下地面，搵吓屋企係邊，之後就走了⋯⋯ https://sky100.com.hk/zh-hant/

特別假期 // 全日做咩好？！

細佬還是”特別假期”，但家姐已開始zoom zoom！！今日，細佬同家姐一樣咁早起身！！救命呀，做咩好？！佢搵了本舊書，話要做「牛奶盒錢包」，做完家姐放小息，就焗個蛋糕吧！！之後，再砌LEGO，再搵到之前買的手工包，再完成佢！！嘩，今日做咗好多嘢！！

特別假期 // 復活節假期

繼續不是假期的假期！！見到新聞的片段，人山人海的離島，camping site，長龍⋯⋯所以林生林太都無日日出街，到最後一日假期才去迪恩湖走走，早去早走，準備明天zoom的復課！！

特別假期 // 復活節活動：LEGO 40463 : Easter Bunny

這個特別假期，終於到尾聲了，放假放到有點悶，連復活節假都宅在家！！懷念以前的復活節假旅行⋯唉⋯⋯算了吧！！今天的下午⋯⋯無無聊聊的下午，應吓節，開了盒LEGO砌吓。兩小寶中段時話唔見咗兩塊，最後林生發現他們砌錯了兩塊，哈哈！！

特別假期 // 復活節活動：Easter Egg Nest

復活節當然要做一些復活節活動，食復活蛋，哈哈哈！！吱吱和嘩嘩用rice bubbles做了一個復活蛋巢，Happy Easter！！

特別假期 // Lumière—DIY兒童擴香石彩繪套裝

林太在Ig見到，見平平地，HK$45-55一套，已有齊所有嘢，就買了三套嚟玩！！應吓節，當然有買復活蛋啦！！點解依排咁興”擴香石”嘅？！用嚟滴香油？！都OK既，但有點阻埞，哈哈！！

特別假期 // 山頂

田田又出街街喇！！今次上了山頂。一路上都聽到蟲叫，其實田田聽唔聽到呢？！有得聽，無得食，真慘！！

特別假期 // LamBB’s 6th Birthday

仍在特別假期中，仍然二人限聚令，所以生日派對沒有了，嗚嗚⋯⋯又一年沒有生日會，嘩嘩係未試過有生日會，慘慘豬，應承你應承你總有一年開得成！！哈哈！！因為沒有生日會，林太有點內疚，所以買多幾份生日禮物補數，哈哈！！尋晚開始吹波波，和做兔仔麵包，給他一個驚喜！！嘩嘩要Pooh仔蛋糕，但不太吃蛋糕的他，林太決定買自己喜歡的再加工！！哈哈！！先去數碼港野餐，再回家晚飯。細佬，我們的開心果，永遠愛你！！繼續做自己吧，哈哈！！（不過，可唔可以唔俾人鬧而做自己？！）

特別假期 // 迪恩湖

又來了，又來了！！That’s crazy！！今天加了兩個表姐，林太又可以hea，不過有點太曬，太熱！！燒燶了！！就快要返學，可能有排都唔會嚟⋯⋯再見！

特別假期 // LamB’s BFF 1st sleepover

吱吱K1的best friend，到現在識了五年？！可能是疫情關係，各自都未有”新best friend”⋯⋯而且係屋企悶到傻了，雙方家長終於同意（之前其實係林生唔同意）終於可以sleepover！！他們開心到傻咗！！哈哈哈！！

特別假期 // My supernanny

2表姐過來sleepover兩晚，佢就做了兩天的supernanny！！陪讀書童，陪玩專員！！Thank you！！

特別假期 // 迪恩湖

天氣好，又是去迪恩湖hea的時候！！今次都去了同一位置，彩虹桉樹下！！哈哈！！今次更hea，因為小朋友已識路，所以林太更安心hea！！Happy Friday！！