《獨角獸男孩》

劇場終於開返啦！！期待已久入劇場！！小朋友親身在劇場看嘅感受真係唔同㗎！！帶了吱吱和嘩嘩去睇《獨角獸男孩》，嘩嘩睇到最後有啲眼瞓，開始郁嚟郁去，不過都算幾好啦！吱吱睇完之後話：「都冇獨角獸嘅！」哈哈哈⋯⋯世界上真係沒有童話了？！⋯⋯

《好忙的蜘蛛》

多謝希戲劇埸的邀請，參加了《好忙的蜘蛛》網上互動課程。《好忙的蜘蛛》跟《好餓的毛毛蟲》出自同一作者/畫家，好適合幼兒，但吱吱和嘩嘩都係第一次睇《好忙的蜘蛛》，哈哈！！！聽完故事，細佬落地走了個圈，倒亂完繼續上課，都可以完成個作品，Zoom對幼兒學習真係有一定的難度！！用不同的繩/線，織了個蜘蛛網，他們肥嘟嘟的雙手就是隻肥蜘蛛，好得意呀！！

《爺爺的花衣裳》

林太第二次參與《希戲劇場》—《爺爺的花衣裳》。當初就是被《爺爺花衣裳》的花花手工給引了，製作好靚，好貼地，好溫暖！今次林太只幫手畫了條褲，好似無咩做嘢添⋯⋯可惜因為疫情，還未能上映，延期再延期。今日大家聚首一堂，看看成果。帶了吱吱參加，小朋友看畫劇，有時會比睇書更加深刻。「希望你可以為世界做一件美好的事，讓你的人生開出漂亮的花朵！」加油！！

草木染

林太今日偷走，去咗玩「草木染」。顧名思義係用植物嘅天然色素來染布，今日用了薑黃和莤草根，係染黃色和橙色。林太好勤力，染了手巾仔，T恤和頸巾，其實諗個pattern和扎橡筋都需要很多時間，唔怪得知啲手藝品咁貴，哈哈！！

《斑馬紋的食蟻獸》

係一個機緣巧合下，林太參加了《希戲劇場》，義務負責道具和演員的衫。一直都未搵到啱的布，最後DIY，用白布加黑鞋帶做了件衫比主角Tommy仔。和剪剪貼貼做了件衫比信婆婆。還有做了廿幾個食蟻獸的襟章⋯⋯

期待着⋯⋯

等待着⋯⋯

最後，取消了⋯⋯

希望，有一天能看見Tommy仔穿上新衣上台！

DIY — Tommy仔新衫

今日輪到幫Tommy仔整新衫，林太都未試過自己畫紙樣，都是估吓估吓，好彩都穿得入，哈哈哈⋯⋯靚仔嗎？今次用了鞋帶來做pattern，又不錯哦，pattern可以較為明顯，yeah！！

DIY — 不織布新衫

今次有幸幫信婆婆換新衣，其實之前做過兩套但都唔啱身，今次直接貼上去一定啱掛！哈哈！！信婆婆，good show！！

DIY — 不織布襟章

又到林太的自由時間，很喜歡靜靜地坐係到剪剪貼貼！今次不如做襟章，有人要他們實在太好了！！

【牛，不牛】Lily姐姐互動故事劇場 // 南豐紗廠

內容：改編自著名繪本《愛花的牛》，說一頭在西班牙不想當斗牛的小牛，他長大了可以成功嗎？還能幸福嗎？牛爸爸牛媽媽都十分焦急，大家快來幫忙噢！這是一個鼓勵孩子找出自己喜好，努力堅持的故事。

今日參加咗Lily姐姐的故事劇場【牛，不牛】，林太一拖二，兩隻馬騮超勁興奮，唔知聽咗幾多入耳？！我的小牛牛，長大後你們想做什麼呢？！林太可以支持到你們嗎？！

之後，去了南豐紗廠食午飯，食完後落勁大雨！！走唔到呀！！好彩有得畫畫，等一陣。有張膠櫈，用你的想像力變變變！！