深圳龍崗 // 阪田萬科廣場 // KL Sport

細佬嘅學校假期，同佢嘅同學仔一齊北上，去深圳玩咗一日！！其實全日都只係幾個鐘，哈哈哈⋯⋯由會展站坐直通巴上去，第一次試，又幾方便喎！！其實全日都只係喺同一個商場裏面，深圳龍崗區的阪田萬科廣場！！揀呢個商場，係因為KL Sport，一心諗住入去玩兩個半小時，一大一小門票¥270，比起香港，真係好鬼抵！！！所以首先食個lunch，就去玩兩個半小時，其實都唔夠玩，不過又唔使排隊，所以三個小寶寶係咁試係咁玩！！之後再行supermarket，鉗公仔，買嘢飲⋯⋯ Happy的一天！！

中銀青少年發展計劃全港小學分區劍擊比賽2025 // 港島西區男子丙組重劍

細佬真係好耐冇練過劍，但俾人揀咗去做校隊，就硬着頭皮比賽吧！！小組賽全敗！！結果沒有機會去淘汰賽，唉⋯⋯見到佢個樣，覺得他喜歡圍棋多啲！！如果今日去圍棋比賽，結果會唔會唔同呢？

April - June’s lunch box

收爐收爐！！其實由復活節開始，家姐和細佬嘅返學放學時間都唔同，又早放又考試，奇奇怪怪的時間！！終於可以休息，唔使煮午餐！！Yeah！！

第三屆全港競技疊杯挑戰賽

細佬第三次的疊杯比賽，其實林太係第一次觀戰！！今次喺大型商場內舉行，點知係冇位坐？！好似罰企咗五個鐘咁！！！其實平日沒有見過佢練習，練得最多就係比賽前，哈哈哈！！單人總排名是15/27，又是中間！！哈哈哈！！二人接力和四人團體賽都冇贏喎，下次努力吧？！

日期：2025年5月18日（星期日）

時間：上午09:30 - 下午5:30

地點：荃灣愉景新城 D.PARK中庭

報名費：每人港幣390元（包括個人3-3-3、3-6-3、cycle計時賽及二人3-6-3接力淘汰賽)

圍棋 // 第二十屆香港校際圍棋大賽

是啊，圍棋都有校際！！林太知道細佬想玩，所以幫佢搵咗同學仔，一齊參加隊際賽！！介紹咗”圍棋比賽”俾佢嘅同學仔，既刺激又好玩！！都知道有好勁嘅對手，都是志在參與！！中小組有甲組（34隊）和乙組（35隊），嘩嘩和同學仔在甲組排12/34，成績也不錯哦！！嘩嘩是全勝！！Yeah！！甲組和乙組共八對入總決賽，今次無緣參加，下次啦！！林太係等嘅過程中，去咗睇早場《送院途中》，又一個冷門的行業，一個不被重視的行業，但其實為我們默默付出！！

初賽：

日期 ：2025年5 月 5日（星期一）

時間 ：上午8時30 分至下午 12時 30分

地點 ： 喇沙書院

香港兒童棋院 – HONG KONG CHILDREN'S GO COLLEGE

LamBB's award // 學業成績進步獎

哈哈哈⋯⋯數學由74分，到今個學期的94分，這20分帶給他一個「進步獎」。但中、英文成績不變！！哈哈哈！！所以下次仲有機會會攞進步獎！！加油加油！！

全方位學習日2025

復活節假前夕，細佬已經唔使上堂，由上星期五開始嘅閱讀日，今個星期三天的「全方位學習日」！！實在太開心了！！亦都好多謝各位老師嘅投入，搵地方去玩，book車book場！！辛苦晒！！！見到小朋友玩得開開心心！！

March’s lunch box

好鬼忙的三月，又有考試，又有測驗，放學時間又唔同⋯⋯有開心的寶寶，早放學可以同同學一齊食飯。更有最特別的一次，就係落禮堂食飯，細佬竟然交齊功課一個學期，可以參加學校聚餐，有得加餸：叉燒和紅腸！！！繼續努力！！

LamBB’s P3 - 2nd exam

又到考試的季節，說好了農曆新年開始溫，但沒有進行⋯⋯說好了圍棋比賽前，預習作好兩篇文，沒有做到⋯⋯結果，都有進步嘅地方，但亦有退步的地方，更有嚇死人的地方！！唉⋯⋯今次考試，林太看到細佬「在狀態」和「不在狀態」是差很遠！！若果他不在狀態（游魂中）根本完全聽不入耳，其實可以休息；問題還未解決，就是怎樣令他「在狀態」？

14:00 - 20:00 play date

細佬小一和小二都無乜朋友仔約出來玩，今年終於有了！！遇啱家姐要測驗溫書，林生又唔係香港，朋友仔的爸爸竟然offer照顧細佬！！實在感動呀！！

家校齊家教計劃 // 親子互動體驗

林太同細佬參加學校嘅親子互動體驗，目的是想多聽小朋友的感受和意見。但當日，細佬係不停同隔籬枱講意見，哈哈哈⋯⋯接受他的意見，就是由得他去吧⋯⋯周圍講解自己的意見！！

日期：15/3/2025 

時間：10:00 - 12:00

內容：透過親子合作遊戲，讓家長掌握親子互動

February’s lunch box

個新年假又放完，回復正常，朝朝煮飯，好似有啲悶添？！有沒有新點子？

渣打馬拉松2025 （半馬） // 全港競技疊杯運動公開賽2025

又一年，林生第二次跑的半馬，又係遇上細佬要比賽。上年細佬去咗踢波，今年是競技疊杯比賽，都是要拜託梁媽媽帶佢去。林生第二次跑，有沒有再創佳績？哈哈哈⋯⋯

January’s lunch box

龍年煮飯仔收爐！！細佬中午時趕住去玩，成日唔食飯，麻鬼煩！！激死人！！不過，送飯時見到佢嘅笑容，真係甜到入心！！嘻嘻！！

油尖旺青少年劍擊比賽 // U10男子重劍

雖然細佬開始「減操」重劍，但見到「免費」比賽林太又報了！！哈哈！！因為免費，所以勁多人參加，但又抽到喎！！其實細佬不想參加，幸好有佢的好朋友一齊參加了！！細佬的朋友仔，今年的同班同學，他今年才開始玩劍擊，希望朋友可以延續細佬對劍擊的「火」！！加油！！

December’s lunch box // 2024收爐

十二月放聖誕假，又考試，所以煮少咗好多餐！2024年收爐！！下年再見！！

November’s lunch box

又過一個月，平安無事，日日起到身，煮到飯！！！哈哈哈⋯⋯

LamBB's P3 - 1st exam

細佬考試！！唉⋯⋯廢盡心力⋯⋯結果，都是麻麻！！是人的問題？教法問題？還是，溫習的問題？？問了中文老師：「其實佢有足夠的語文能力，但佢無用到，可能是當時不夠集中？！唔知道？」唉⋯⋯無端端的八號風球，攪到亂曬，溫中文溫到不想再溫⋯⋯常、數不夠時間⋯⋯唉⋯⋯

October’s lunch box

十月的三十一日，好多個lunchbox！！林生不在香港，林太偷懶，帶了麥記，哈哈！！十月，當然有哈囉喂，Happy Halloween！！

September’s lunch box

九月開學了！！過了第一個星期的適應週，又開始全日的小學生活！！又做帶飯寶寶！！升咗小五的少女吱吱，午餐想食bagel/輕食，夠唔夠飽㗎？！