Faust term 3

林生成日問drama學到啲乜？！學到啲乜？！細佬上了十堂，沒有甚麼學到，又不是太突出。但見佢上堂上得咁開心，勇於嘗試講英文，沒有抗拒，其實已達到目標！！就是自信！！

香港兒童足球學校

大大話話細佬已經踢咗兩年足球，雖然中間有疫情停了很久⋯⋯但每個星期日，都會同依一班”波友”踢到身水身汗，勁！！林太頂不順了，放個暑假休息一下先！！Good job my boy！！

LamBB’s reading skills

近排開始執細佬的portfolio，原來細佬上認字班已上了一年。睇返佢係屋企溫習個樣，真係好嬲，但又好笑！！又叫，又爬，又托頭，但佢又記得⋯⋯哈哈⋯⋯真係冇佢符！！

LamBB’s school party

嘩嘩第一次的學校生日派對！！上年因為疫情，突然停課，今年有得返學，但家長不能參加，分開自己班開。唉⋯⋯算啦⋯⋯希望在明天（下年）⋯⋯四月之星，生日快樂！！

Happy 5th Birthday!!!

嘩嘩五歲了！生日快樂！！感恩你的出現，一啖砂糖一啖屎，令林太對你又愛又恨！！因為你是特別的！！哈哈！！成年沒有正式返學，林生林太都唔識嘩嘩的同學仔，又限聚，真是沒有力氣為你開生日會，希望下年吧！！林太為你爭取機會，切蛋糕，有小朋友小聚會就切蛋糕，當一個小型生日會吧！！祝你開心快樂，天天有時間地玩！！I love you！！

我坐著飛機去西九 — 金工工作坊

參加了綠腳丫X西九的免費活動，用一些釘，螺絲，鐵片和鋁罐做一個交通工具。所有的五金工具對嘩嘩來說，都是第一次見，男孩子最喜歡螺絲和師母，就是在轉呀轉，哈哈！！發覺材料包不夠做四個車胎，所以只做兩個。加了個鈎做尾巴，坑渠蓋做頭，嘩嘩話係飛機，哈哈哈！！

故事結局 — 優異獎

http://mrslamdiary.blogspot.com/2021/03/blog-post_11.html?m=0 上個月參加的比賽，有結果了，得到優異獎！嘩嘩成日都係排第四，唔知點解！？佢問：「點解無獎座既？！」哈哈⋯⋯算啦，都未盡全力，下次再認真些吧！！ https://cclc.bgca.org.hk/?p=1531

大尾篤

其實入完camp，個個都好眼瞓。尋晚落大雨，係咁醒！！但林生話入到大尾篤，無理由唔踩單車！？結果全部人一齊踩單車⋯⋯見到細佬個樣就快瞓著，就叫佢超越前面的車。當佢好開心想show off的時候，左右就失控了，反車，頭仔撞到柱，起咗樓。慘慘豬⋯⋯⋯

火柴盒

入camp前/後的午餐都去了同一間食，火柴盒。因為小朋友太鐘意，要encore！！嗰位職員哥哥見證了大朋友由精神變喪屍樣！！哈哈哈！！

2日一夜camping // 香港踏浪艇協會

喺大美督燒烤王買定BBQ

同場加映細佬生日會！！生日快樂細佬！！

因為疫情，之前去過的親子營依家都唔開。唯有自己買營，去啲營地自己落手落腳做！！其實香港踏浪艇協會，有名你叫係玩踏浪艇（foot paddle kayak），紮營都是業餘，哈哈！！不過佢嘅位置真係好靚，有山有水，沒有大風大浪，可以睇到日出和日落，正！！林生林太對紮營當然都是業餘，完全新手，連所有嘅營具都是新買嘅，哈哈哈⋯⋯兩位爸爸搞得掂，經歷一晚的風雨，都沒有事，已經好棒了，哈哈哈！！！第一天下午一點到，用了兩個鐘起營和起天幕，六點多開始BBQ。小朋友玩到十點先沖涼瞓覺，凌晨一點開始落雨，嘩嘩都醒吓瞓吓，到六點就起床。八點食早餐，十點開始拆營，十二點離開。其實冇乜嘢做過，但已經好攰⋯⋯https://m.facebook.com/hkppka/

當年今日，五年後

Facebook的「動態回顧」其實幾好，林太又再回味一下未生的時候，哈哈哈⋯⋯叫了林生幫手影幾張大肚⋯腩相。五年了，吱吱和嘩嘩長大了不少，同一地點不同的你們。無論你們長得多大，林生林太也一樣愛你們！！

Birthday Boy.... soon to be

因為依個疫情，細佬今年又冇得開生日會啦，慘慘豬⋯⋯佢好想邀請佢嘅朋友仔嚟玩，但係又冇返學，林生林太都唔識佢嘅同學仔⋯⋯（都有小小懶）見今晚有幾個小朋友，就買個蛋糕切吓先，開心吓都好吖！！嘻嘻！！

Ryze

介紹返，細佬係讀女校的，但每年每級（60人）都會有4-6個男仔，大多數是細佬。細佬的男同學，四條king！！！哈哈！！！希望你們健康長大，不會討厭女仔啦，哈哈哈！！！約了一齊做男生的活動，跳彈床！！ https://www.ryzehongkong.com/