圍棋 // 中華盃

又來圍棋比賽，五局，兩勝三敗⋯⋯好似有點不在狀態！！唉⋯⋯下次吧！！

貴州研學團五日四夜 // 圍棋比賽 // 甲秀樓 // 花果園藝術中心

今日沒有行程，只是比賽！！有七局嘅比賽！！林太當然是周圍逛逛，行咗去甲秀樓，打了卡！！再去飲一杯咖啡，好似香港的Dirty，凍奶加咖啡，只需¥13，咖啡店外仲有免費香煙給客人自取！！返去陪太子食個飯，再去逛逛，去了附近的商場，冇乜嘢買，又回去陪太子！！除咗今天的比賽，其實依幾日，一有時間，佢哋就會練習！！雖然唔係密集式，但係好好建立感情的時候！！今日比賽有殿軍，但係阿Sir話佢可以做好啲，原因是尋晚打咗機！！？因為尋晚的狀態比今日更好！！唉⋯⋯捉完圍棋比賽，細佬就攞中國象棋出嚟切磋切磋，哈哈哈！！今日其實完全冇行程，又早食完晚飯，所以就打的帶細佬去「貴陽白宮」，真名是「花果園藝術中心」。有夜市，有商場，食個宵夜，玩吓，就返去酒店了！！

行程：今日行程只有一個，就是貴陽市內圍棋比賽 — 雲松圍棋學校。

圍棋 // 善弈棋苑2025夏季圍棋級位賽—中級組 // 香港棋藝教育2025初夏圍棋季度比賽—2016年組

就快放暑假，林太懶得編排行程，星期六日/七一放假，無嘢做。Last minute 報咗圍棋比賽，等細佬去hea吓，哈哈！！一個第八，一個第二（仲要係同第一同分，抽籤決定）。

圍棋 // 2025香港棋院盃圍棋公開賽中小組 // 評級賽

林太返嚟喇，立刻開工，陪太子捉棋！！哈哈哈⋯⋯有人捧蛋，好耐未試過的捧蛋！！！發完夢就要醒喇！！

圍棋 // 第二十屆香港校際圍棋大賽

是啊，圍棋都有校際！！林太知道細佬想玩，所以幫佢搵咗同學仔，一齊參加隊際賽！！介紹咗”圍棋比賽”俾佢嘅同學仔，既刺激又好玩！！都知道有好勁嘅對手，都是志在參與！！中小組有甲組（34隊）和乙組（35隊），嘩嘩和同學仔在甲組排12/34，成績也不錯哦！！嘩嘩是全勝！！Yeah！！甲組和乙組共八對入總決賽，今次無緣參加，下次啦！！林太係等嘅過程中，去咗睇早場《送院途中》，又一個冷門的行業，一個不被重視的行業，但其實為我們默默付出！！

初賽：

日期 ：2025年5 月 5日（星期一）

時間 ：上午8時30 分至下午 12時 30分

地點 ： 喇沙書院

香港兒童棋院 – HONG KONG CHILDREN'S GO COLLEGE

圍棋 // 第二屆 — 卓思盃

林太又找到圍棋比賽，初小組（小一至小三），五級以上的去精英組。林太一心諗住「易打啲」，結果都是一樣，有更勁的人！！細佬三勝二敗，排第十一（33人）。敗給五級和九級的人，所以要更加努力！！四小時的等待，林太又周圍去，由九龍城跳了上架小巴，去咗旺角。又食午餐又食下午茶，終於hea完，幸運遇上Labubu餐廳！！

比賽日期：2025年5月1日 (星期四) 

比賽時間：13:15 - 17:00頒獎

比賽地點：九龍城太子道西322號

第二屆 「卓思盃」全港學界棋藝錦標賽 2025 | Ec Chess Education

圍棋 // 四月圍棋評級賽

順利升上B組，第12級！！Keep going！！

圍棋 // 第四屆惠苗盃香港校際圍棋公開賽

好，又係大型圍棋比賽！！參加了「中小組」，小三至小四，都知道有段位，又係輸少當贏的心態，增加經驗值！！結果三勝二敗，37人排第17！！都是中間吧，下次加油加油加油！！

時間：9:00 am - 4:00pm

地點：聖公會聖提摩太小學

圍棋 // 第五屆“元蘿蔔杯”少兒跨年圍棋積分挑戰賽 （4-6級） // 第二十三屆香港業餘圍棋公開賽 （11-15級組別）

細佬由農曆新年開始，每日捉兩局棋，捉了30日。第一次參加，唔知道有「報到分」和「連贏分」，因為咁樣可能少咗100分。哎喲差少少，就入到頭20名，頭20名才有證書。嗚⋯⋯下次再努力吧！而星期日又去了另一個圍棋比賽，老師介紹的，全香港最有規模的圍棋比賽，因為是香港圍棋總會舉辦的。雖然分級比賽，但唔叻嘅都唔會參加，所以感覺上較難！細佬中規中矩吧，3勝2負，排15，32人參加，中間。加油！！

第五屆“元蘿蔔杯”少兒跨年圍棋積分挑戰賽

分級：6級-4級

比賽日期：2025年1月18日 - 2月18日 9:30 - 21:30

次數限制：20/2次（每日可對弈2局）

第二十三屆香港業餘圍棋公開賽

參與組別﹕11至15級組

時間﹕14:00 - 18:00

比賽地點：長沙灣瓊林街82號陸佰中心3樓C-D室

https://www.hkga.org.hk/?p=3138

圍棋 // 二月圍棋評級賽

好，又升一級！！恭喜恭喜！！繼續努力！！

圍棋 // 第七屆楊士海盃中小組

又是細佬的圍棋週末，佢最開心！！星期五上課，星期六上課+評級賽，星期日第七屆楊士海盃中小組。分齡的比賽，知道難打，一定會有勁人，棋力差好遠，不過佢話捉，go ahead！！一開始比賽，給老師看了名單，若三勝已不錯！！結果，六場，三勝三敗！！幾好幾好！！林太想定下目標，2025年升十級！！下年年尾，五級！！可以參加更多更好的比賽！！喜歡就繼續鑽研吧！！加油！！

圍棋 // 2024聖誕圍棋賽

其實今個學期開始已經沒有在學校學圍棋，因為上咗中文補習班。原來這個比賽只開放比院生，林太又唔睇報咗，好彩佢哋好人，可以參加！！仲攞了第六名！！有緣再見！！

圍棋 //圍棋評級比賽

久違的圍棋冠軍！！不過，都是好彩。第一次因網絡關係所以從賽。從賽時一邊溫習，一邊比賽，結果是出奇的專心！！Well done！！

圍棋 // 圍棋比賽

依個十月，家姐測驗週，差不多個個星期天都在家溫習。細佬冇咩做，所以參加了各大類型的圍棋比賽，有中西區圍棋比賽，棋社每三個月的大比賽，也有評級賽。可惜，全部也空手而回⋯⋯嗚嗚⋯⋯一個尷尬的級數，上面有勁多叻人。阿Sir好好人地陪了細佬一整天，其實一天不是全時間上堂，但係深信陪伴是有用的，互相建立信任，下次聽教聽話！！細佬加油啊！！

圍棋 // 2024回歸盃圍棋賽

依張報名表見過幾次，嘩嘩講了幾次⋯⋯本來諗住週末返大陸玩吓，但最後吱吱要考五級樂理，咁就參加吧⋯⋯經上次的經驗，第二名至第五名是同分，靠細分分名次。所以一早同細佬講定，要贏就贏盡些，食多幾粒！哈哈⋯⋯但最後都是第五！！知道佢用了力，要食餐好的！！韓燒！！

圍棋 //《兒童書展棋趣天地》

細佬上次分年齡嘅圍棋比賽都有第四，所以膽粗粗今次又參加！不過，今次有獎金，都知會有勁人參加！！結果，排中間⋯⋯有贏有輸，都算係咁啦！！喺書展裏面比賽，林太行來行去，最後買了一大堆補充練習，哈哈哈⋯⋯

《兒童書展棋趣天地》圍棋分齡賽2024

賽事日期：2024年5月19日（星期日）

比賽地點：亞洲國際博覽館

組別：初狼組 - 2016年至2018年出生

圍棋 // 2024復活節盃圍棋賽

原來細佬只學了圍棋一年，短短的時間，已經參加過好多次比賽！！有時候，只要小朋友喜歡，就會自發地做！！記得細佬剛剛學的時候，就是第一次係依到參加比賽，記得結果是「全敗」，玩了四局之後，佢個樣攰到⋯⋯林太永遠都記得，因為未見過佢咁攰，哈哈哈！！但之後，佢屢敗屢戰，今次又要返返嚟比賽！！已經升咗一級，C1組，結果是四勝一敗，殿軍！！噢，又是殿軍，不過好彩都有個盃仔！！下次再努力吧，向頭三名進發！！

圍棋 // 棋力評估（一、二月） // 慈善小棋王［初小組］

升了組，又變了組內的最低級⋯⋯依兩次比賽時的網絡麻麻，彈咗出嚟兩次當棄權，唉⋯⋯不過，真係捉唔贏，要再努力！！參加咗慈善小棋王，分齡比賽，都知道同年紀嘅小朋友有啲會好勁，所以有心理準備沒有獎。不過，多參加實體賽，感受一下多人/集體的壓力，也是一件好事！！結果，第四，與大獎杯無緣，下次再努力！！加油！！ 

圍棋 // 棋力評估（十一月）

又嚟圍棋比賽，佢輸咗一局，好彩贏咗個馬鼻，有冠軍！！佢不知幾緊張！！佢都有着緊的時候！！哈哈！！個棋力評估分group，佢D組22-27級，所以較易贏（佢22級）。之後，升C組13-22級！！有排追，加油！！！上apps玩時，試過全勝！！全白色！！好壯觀！！

圍棋 // 棋力評估（九月）

細佬七月試咗一次，成績麻麻，但佢繼續「沉溺」係圍棋當中！！哈哈！！見到佢個樣，係有心癮想捉棋！！今個月再評估，冠軍了！！而且比賽時，佢平靜咗，沒有以前的驕傲，耐心咗！！Well done，my boy！！