我坐著飛機去西九 — 金工工作坊

參加了綠腳丫X西九的免費活動，用一些釘，螺絲，鐵片和鋁罐做一個交通工具。所有的五金工具對嘩嘩來說，都是第一次見，男孩子最喜歡螺絲和師母，就是在轉呀轉，哈哈！！發覺材料包不夠做四個車胎，所以只做兩個。加了個鈎做尾巴，坑渠蓋做頭，嘩嘩話係飛機，哈哈哈！！

《電車小叮在哪裡？》

再次參加綠腳丫的活動，《電車小叮在哪裏？》去到屈地街電車廠上電車，香港暫時最老的電車，電車120號，已經一百歲了！！有時貪新忘舊，覺得新的好，新嘅椅子寬闊，又有冷氣啊。但上到駕一百歲的電車，又有另一番風味，可以同吱吱分享以前嘅境況！！香港嘅變遷真係好大，填海都填左好多啦！一個很有趣的活動！！但吱吱係車上識到個新朋友Surine，就成日傾計，唔知佢聽到幾多呢？！哈哈！！

天水圍濕地公園 — 綠腳丫

Back-dated 26/11/2017
‘‘發現不一樣的香港 | 我腳下的濕地讀書會

綠腳丫邀請大家一起在這次旅程上發掘動物生活的痕跡，觀察牠們的行為；共讀綠繪本，喚醒已封存的記憶，傾聽＂小水滴＂環遊世界的趣事。’’ — 綠腳丫

經朋友介紹，第一次參加了綠腳丫的活動。諗住是一個導賞團，加讀本故事書的活動。原來不只咁簡單！哈哈！！林太為吱吱安排一個又一個的導賞團，導賞團領隊不斷講，吱吱聽得幾多，記得幾多，是是旦旦到此一遊是林太的心態。有時候，真係會錯失美麗風景，和親子時間。而且，有時太過着重詞彙，其實小朋友唔明背後的意義；好似着重動物名，但唔知佢有乜特別！！多謝綠腳丫的提醒！！

今日見到的動物不是太多，相信天氣凍了，它們都躲起來。（太好，林太不是太想同蛇先生會面）認識了茳芏，三角形的草；見到螳螂卵；仲有彈塗魚，佢個樣好得意呀，有腳的小魚！！

室內的展覽仲未睇呀，因為兩位小朋友已經無電！！哈哈！！下次再來吧！！

http://www.wetlandpark.gov.hk/tc/index.asp