西貢遊 Day2 // WM Hotel // 橋咀島 // 勝記

第二早，林生十分仁慈，自己08:00走去食早餐，之後返房睇小朋友；林太可以09:00先食早餐！！但當林太09:00落到去，見到條龍⋯⋯⋯等呀等，09:20先坐下來，但是10:00就完，食得超趕⋯⋯算啦，因為食完之後，要出發Kayak！！林太人生中的第一次！！十萬個不情願，但最後都去了。因為個個都去，一艘艇一個大人帶一個小孩，我唔去的話家姐/細佬無得玩⋯⋯唉⋯⋯為母則強，應該唔死得嘅！！係臨到橋咀島之前，林太有少少頭暈，可能有少少中暑，好彩去到橋咀島可以勁飲勁食，補充體力！！最後，都安全返去，不過對手累到沒有反應！！食海鮮餐補補先！！

橋咀島

第三波的疫情開始，但暑假開始，好想出出街⋯⋯林生林太諗住去橋咀島，朋友介紹好少人的世外桃源，哈哈哈！！要先去西貢轉細船，但一到西貢超多人！！要快點逃船走！！！船程十幾分鐘，大人HK$30，小朋友HK$20。到橋咀島後，轉左就是少人的沙灘，右邊係超多人的香港地質公園睇”菠蘿包石”。

十一點到達，其實只得五家人，大家分得好開，各有各玩。吱吱同林生游出浮台，但林生被蠔殼割到腳指。嘩嘩自己拿著水泡在沙灘上浮浮沉沉。林太就在曬太陽⋯⋯哈哈哈⋯⋯玩到三點，太曬太熱，撤退⋯⋯