姊妹學校計劃 — 北京文化交流之旅

吱吱第一次的自己出國旅行，四日三夜，其實比以前嘅camp多了一天，所以林生林太不是太擔心，只是怕他漏嘢喺酒店！哈哈！！結果開心而回！！問佢最開心的是什麼？！佢嘅答案：「我帶隊入男廁！」最唔開心的是什麼？！佢嘅答案：「冇得買紀念品！」哈哈哈⋯⋯這是什麼答案？？？

海底撈火鍋

第一次去海底撈火鍋，其實唔係食嘢，只係去玩！！免費gel甲！！哈哈哈⋯⋯林太、吱吱、嘩嘩、梁媽媽都整咗！！哈哈，抵！！

LamB’s first Sport Day

復常，復常，終於有陸運會！！吱吱的第一個陸運會，學校鼓勵每一個小朋友最少參加一項比賽！吱吱參加了4X100米接力，比賽前，佢都覺得自己沒有機會贏，因為只係好朋友一齊參加，而不是跑得快所以參加。結果由第三棒開始，已是最尾嗰隊，結果雖然最尾，吱吱都繼續跑和完成！！而細路學校也是陸運會，但只有小三至小六參加，佢今日放假一天。佢無嘢做，所以偷運咗入嚟睇比賽，哈哈！！

匯弦音樂中心 // 香港學校音樂節75屆學生實習音樂會

依三年的疫情，所有音樂表演/比賽/考試都變了錄影。吱吱考了兩次試，參加過一次比賽，但今次是第一次有觀眾的獨奏表演！！Well done！！其實二月中已要錄影比賽，但仲未背好首歌，哈哈哈⋯⋯再聽了老師的示範，簡直有更多的進步空間，努力！！

日期：2023年1月15日 

時間：10:00-12:00

地點：中環大會堂高座8樓演奏廳

曲目：N211 — NO 6 POLKA BY CHARLES DANCLA

LamB’s first school trip // 佐敦谷公園

吱吱的小學生涯已到一半，才第一次「學校旅行」！！不過，都只是半天的旅行，坐車來回，得個幾鐘玩？！（好過無吧！！）今次，他們分了四個人一組，他們自己分工合作，分配帶嘢食，仲計劃玩乜先？！好可愛呀，哈哈⋯⋯比了個電話吱吱，睇返些相，都知佢開心！！

為了讓學生享受郊遊樂趣，今年本校將舉辦全校旅行日，有關旅行日之詳情如下：

日期：2022 年11月18 日（星期五）

活動地點：佐敦谷公園

集合時間：8:00am

集合地點：各班課室

出發時間：8:30am

回程時間：11:45am

解散時間：1:00pm

解散地點：平日放學地點

帶隊教師：一至三年級科任老師

服飾：整齊夏季體育校服

費用：車費＄54

活動：遊覽及享用公園設施如兒童遊樂場、四季花園、迷宮花園、温室等，亦可於中央草坪遊玩。

《羅文•傳承全城紀念演唱會》

吱吱無端端有得聽演唱會，人生中第一次入紅館，唔知佢有咩感覺呢？！事原有人買咗飛去唔到，結果就是嫲嫲帶着孫兒去聽演唱會！！哈哈哈⋯⋯不過是聽羅文的歌，唔知吱吱有冇聽過呢？！睇到十一點幾先返屋企，佢話好好睇喎，哈哈哈⋯⋯林太反而要睇電話裏的video，哈哈！！

《羅文•傳承全城紀念演唱會》

演出歌手有張敬軒、容祖兒、汪明荃、羅家英、米雪、鄭欣宜、王菀之、草蜢、泳兒、陳潔靈、女團XiX等，演繹羅文金曲致敬。張敬軒穿黑色套裝打頭陣唱《好歌獻給你》揭開序幕。容祖兒以徒弟身分壓軸登場，唱完《留給這世上我最愛的人》及《掌聲響起》後，台中央升起掛有黑色紳士帽的mic stand，屏幕顯示羅文生前戴紳士帽微笑的照片，配合舞台煙火效果。

聖公會聖約瑟堂暨社會服務中心 // 調教你小主人歷奇訓練營（馬灣）// LamB’s first camp

多謝朋友仔的介紹，成功報名！！真係超級超值！！有好的老師帶隊，有心有力，多謝照顧！！吱吱同同學仔一齊去，去之前嗰日係學校已寫定個list，之前嗰晩仲video call一齊執嘢，好攪笑呀！！去到集合時，老師話要行山，立即變樣，同林太合照要變嬲嬲豬！！林生一直擔心，等待吱吱的”報平安電話”，結果9:30pm才打嚟，相信他們會夜瞓吧，第二天又玩繩網，攰到暈，哈哈！！希望吱吱喜歡她的宿營初體驗！！

LamB’s first school excursion // 九龍公園暨種植活動

期待已久，吱吱第一次的學校旅行，常識科遊覽團！！睇返時間，其實只逗留係九龍公園一個小時，哈哈，唔知睇咗乜呢？！返到屋企見到張工作紙，皺到像垃圾，仲穿咗個窿，完全未做，唔識做！！哈哈！！小朋友們太開心，玩到唔記得咗做？！哈哈⋯⋯

為了加深學生對不同種類植物的認識，本校現安排學生於上課時間內，由老師帶領乘旅遊車前往參觀「九龍公園」。有關活動之詳情如下：

日期：2022年8月2日（星期二）

活動地點：九龍公園（柯士甸道二十二號）

出發時間：8:15am

回程時間：約 10:15am

抵校時間：約 11:00am（回校後如常上課）