DIY — Unicorn Puppet

林太在Ig見到這隻Unicorn，應該可以做得到，儲齊物料就開始動工⋯⋯吱吱又話想參與，咁一齊做啦⋯⋯結果，就做成這樣子，「做完啦！」問佢使唔使再加嘢？！「夠喇！」真的嗎？！可以再靚一點吧！！

小紅星 // 人道小英雄比賽 X 繪本看人道

林太既中學時代是一名Red Cross成員，因為靚囉，哈哈！！係Facebook見到可以成為小小Red Cross成員，小紅星，就幫細佬報了名。今日第一次出席活動。

今日聽既故事好攪笑呀，嘩嘩聽得好開心。林太更開心的是嘩嘩喜歡做故事中肯幫助人的兔仔。希望你願意分享，願意幫助別人，my little sunshine！！

LamB's 4th Birthday Party // Ice-cream party // Photos

雪糕派對圓滿結束，還有林生的朋友影嘅相，好夢幻哦！！好靚呀！！

https://drive.google.com/drive/mobile/folders/1tRc1OvBbv5Uf32HBxXjY7enwvkI_gRrV?usp=sharing

LamB 4th Birthday Party // Ice-cream Party // KNJ Entertainment Co

今個雪糕派對有三十多個小朋友，大部份都是四歲小朋友，吱吱嘅同學仔。實在太多小朋友，林生林太應付唔到，所以要請專業人仕娛樂大家！！哈哈！！經朋友介紹，搵了依間公司—KNJ Entertainment Co. 

https://www.facebook.com/KnjEntertainmentCompany?ref=hl

相信他們旗下有很多個魔術師和畫面姐姐，所以魔術師同畫面姐姐係不認識，亦是零交流。因為經過中間人，所以魔術師和畫面姐姐沒有同主人家溝通過，離開派對時都沒有講聲再見！？除此以外，他們交足功課，做足咁多個鐘頭。魔術師仲勁，可以扭波波，帶遊戲，玩魔術，帶唱生日歌，仲切蛋糕，和影合照！！強勁！！！派對之後嗰晚就已收到他們的soft copy相，好快哦！！讚！！
https://drive.google.com/drive/mobile/folders/1B64O39gXd977uQKfgGtpBYkWiOg7WwAC?usp=sharing

今個派對，細佬第一次俾人畫面，靚仔嗎？！登、登、登⋯Spider man！！哈哈！！

二小時服務及收費如下：

-1小時扭氣球表演+30分鍾互動魔術表演

-其他時間會帶領集體遊戲+帶領小朋友唱生日歌切蛋糕

-1名助手拍攝精華短片及協助魔術師

-完成表演後兩星期生日會精華片段以DVD發出

收費1800元

其他服務有：

1. 充氣城堡彈床 收費視乎大小及地區而定

2. Face painting 收$600/hr

3. 氣球場地佈置 收費按budget設計

4. Bubble show收費$1000/約40mins

LamB's 4th Birthday Party // Ice-cream Party

說好的雪糕派對終於完成了，林太想盡所有雪糕題材嘅佈置和食物，都算幾靚吧！！哈哈！！大部份嘅嘢都係喺淘寶買，淘寶真係乜都有，只要你有時間搵！！

Artive2

又到清理時間，吱吱嘅畫又要說再見！！

LamB’s 1st teacher!!!

吱吱第一個老師，Miss Priscilla係澳洲返嚟啊！無見一年，吱吱好似已經唔記得咗佢，但係Priscilla仲好鍾意佢哦！買咗好多禮物俾佢！！

林太仲可以順便同Hello Kitty影相，Hello Kitty X Log-on！好得意啊！！

快閃南丫島—索罟灣

又是一個沒有節目的週末！！林生一見到個天氣預告，未來一星期天天落雨和雷暴，所以立刻起程去南丫島，可以逛一逛曬太陽！！哈哈！！

林生林太去到碼頭，才發覺要等四十分鐘先有船（11:50），入到南丫島已經十二點幾。今次是去南丫島的索罟灣，因為未去過，而且好似少啲人冇咁迫！！入到去，又真係少啲人哦！！都沒有諗定去邊度食午餐，去「天虹」吧，好似個個入嚟都係去嗰度食！！哈哈！！他們的海鮮當然新鮮，但價錢不是特別便宜，不過旅遊點冇辦法啦！今日冇乜人，所以食得特別舒服！！食完之後就行吓南丫島，但兩位小魔怪開始冇電，所以訂了三點半船飛返中環。（天虹送嘅免費船飛）短短的時間只行到觀音廟，幫個姨姨買蕃茄，和神風洞，未行到蘆鬚城海灘就要回頭了。係南丫島只逗留了三個半鐘，算是快閃吧！！下次再見！！

http://lammarainbow.com/

學校五月之星生日會

吱吱第一次喺學校開生日會，每個生日之星都要天才表演。一直幫吱吱諗可以表演啲咩？！佢一時話唱歌，林太一時叫佢朗誦，到一個月前吱吱參加完上個月的生日會，話要表演「魔術」。佢好肯定地講了幾日，話要表演魔術，好吧！林生就去了灣仔玩具街搵，一套魔術玩具，大概HK$450，再上吓淘寶，最後用了HK$100。哈哈！！林生同吱吱練習了一個星期多，今日終於表演喇！！

林生林太去到學校，才知道今日有十六個生日之星！嘩！好多人表演哦！！吱吱唔知係唔係好緊張呢？！生日影相都唔笑！！哈哈！！吱吱表演好成功啊！！反而爸爸助手穿崩，引到大家大笑！！哈哈！！

各位五月之星，生日快樂！！

Yamaha JMC

兩年的Yamaha JMC課程開始喇！！兩年呀！！吱吱你要努力啊！！林太也會陪你！！加油加油！！

http://www.tlmf.org/course/course_detail.php?id=17&section=11&group=3

學校生日會小禮物

學校每個月都會舉行生日會，吱吱參加咗好多次生日會，而且已經收到好多小禮物。今次輪到吱吱要送禮物喇！！（相信係佢同老師講要分享小禮物）哈哈！！其實送小禮物很頭痕，怕冇用，又唔想送太多糖，最後林太決定了送書仔！！My Little Miss！！全套有35本，送出咗30本，唔知十幾年後C1班可唔可以儲返埋一套呢？！哈哈！！

勞動節@赤柱

五月一號勞動節，林生林太去了赤柱勞動一下，去飲個茶，逛一逛。吱吱畫既畫開始睇得明，佢畫咗漢堡包，一個人仔，仲有Fox，你搵到嗎？！哈哈！！今日不是太曬，但好熱，對眼都打唔開！！吱吱主動話要食雪糕，唔玩playground。嘩嘩食雪糕，食到好似賣告白咁，靚仔嗎？！哈哈！！雪糕需要代言人嗎？！

Kokuyo立體模型教學坊

今日同吱吱參加咗依個教學坊，林生好驚訝係要比錢，但其實係個書價！！本書係HK$110，日本書，印刷同紙質都好靚。本書可以做五隻動物，完全不用剪貼，十分方便容易。今日的工作坊就是做了第一隻動物—馬仔，而且預備了木顏色，貼紙和金粉膠水比小朋友裝飾一下。吱吱隻馬仔貼了很多圓點，林太就問：「隻馬仔係唔係叫波波？」吱吱話：「唔係呀！佢叫波波點！」哈哈！！小朋友真有趣！！