祖孫廚房

嘩！！世界上真是有免費的午餐！！哈哈哈！！！小童群益會舉辦的「祖孫廚房」，又有得食，又有得玩，又有得煮，又有禮物！！太開心了！！謝謝梁媽媽陪吱吱玩了一天！！

Home。焙小日子 // 快樂小熊塔

細佬返咗學，吱吱約了他的幼稚園sweet heart做蛋糕！兩個雖然不同小學，但一齊時仍然好sweet！！希望你們新的學年繼續加油，努力學習！！

Home。焙小日子 // 阿華田Q心軟餅乾

家姐仔家長日，評語不太差，明天就是散學禮，都算是暑假開始吧！！出去玩玩，沒有預約，好彩無乜人，去焗個蛋糕吧！！吱吱選了《阿華田Q心軟餅乾》，QQ麻糬應該會好好味！林太的工作是”影相”，和”等食”，很好很好！！玩玩吓有一大班中學生姐姐入嚟，林太問吱吱：「過多幾年你仲會唔會同媽咪嚟玩？」佢笑一笑⋯⋯哈哈⋯⋯女生外向⋯⋯

。1.5小時 12個 $400。

阿華田可可的軟餅乾，裡面包進QQ軟軟的白玉麻糬，如果是烘焙新手可以試試看簡單的軟餅乾，相信做完後吃一口一定會覺得自己是烘焙大師！

My Kitchen by Joanne // 餃子湯麵

本來是二月農曆新年的活動，因第五波的疫情，改完又改，終於可以一齊玩啦！！角落生物餃子湯麵！！相信好多小朋友都已經包過餃子，角落生物樣真係好吸引，所以參加了，哈哈哈哈！！

小學生獨自上課烘焙班 — 餃子湯麵 （角落生物4款=12件作品）1.5小時 $320@

Happy Mother’s Day 2022 // Home。焙小日子 // 小豬餅乾球

母親節快樂！！今年的母親節只收到嘩嘩的小禮物，都是學校做的小手工吧！不過他由星期一收在爸爸的衣櫃，等到今天才攞出嚟。天天問「今天是星期日嗎？？」哈哈！！到今天⋯⋯

👦🏻今天是星期日？

👩🏻係呀！

👦🏻今天咪係母親節？

👩🏻係呀！

👦🏻母親節快樂！

👩🏻Thank you！

👦🏻我可唔可以煮早餐比你？

👩🏻多謝你呀！媽咪唔食早餐。

👦🏻我可以煮奶茶比你。

👩🏻哈哈！多謝！你識煮咩？

⋯⋯⋯

最窩心的嘩嘩，I love you！！

母親節？！沒有特別節目哦！反而林太一拖四去做蛋糕？！哈哈，奇怪？！不是應該林生做的嗎？？玩了兩個半小時，做了一個蛋糕和十八隻小豬！！小朋友強呀，因為林太坐係到乜都無做，哈哈！！http://www.homebakingday.com/

【李錦記網上親子日嚐煮食教室：在家。一起嚐】Oh!爸媽 X 李錦記

多謝Oh!爸媽！又有機會參加李錦記的活動，因為上次李錦記的活動超好玩！！今次係母親節特別節目？！比小朋友煮餐好嘅俾媽咪食？？全程兩個半小時，見到吱吱忙過不停，不過林太都沒有休息時間，要左掃掃右掃掃做清潔女工，哈哈！！林太最欣賞今次的食譜是用椰菜花砌成小粒扮飯！還有用檸檬雞的醬汁做甜品，原來醬汁不用煮就可以食用，哈哈！！Well done，吱吱！！

日期：2022年5月7日 ( 星期六 ) 

時間：10:30 - 13:00 

形式：網上Zoom 進行

導師：靚媽廚神梁雅琳Hilda Leung

前菜：香煎茄子小肉餅

主菜： 照燒豬扒紫菜包飯

甜品：檸檬醬奇亞籽布甸

特別假期 // 全日做咩好？！

細佬還是”特別假期”，但家姐已開始zoom zoom！！今日，細佬同家姐一樣咁早起身！！救命呀，做咩好？！佢搵了本舊書，話要做「牛奶盒錢包」，做完家姐放小息，就焗個蛋糕吧！！之後，再砌LEGO，再搵到之前買的手工包，再完成佢！！嘩，今日做咗好多嘢！！

特別假期 // 復活節活動：Easter Egg Nest

復活節當然要做一些復活節活動，食復活蛋，哈哈哈！！吱吱和嘩嘩用rice bubbles做了一個復活蛋巢，Happy Easter！！

特別假期 // Chicken burger lunch

天陰陰，沒有出街，在家搓包吧！完成了第一次發酵後交比吱吱和嘩嘩，都是分割和搓圓。之後，吱吱負責醃肉。話咁快攪掂，不錯不錯！！

Recipe: https://m.youtube.com/watch?v=qqtfQM3s-nM

特別假期 // 大大曲奇

做曲奇對吱吱和嘩嘩來說簡直是容易事，所以今次做了一塊很大很大的曲奇！！嘩嘩做的是 Snoopy，哈哈！！吱吱見到就要做貓！！玩完，哈哈！！ 

特別假期 // Cake-It-Easy手作蛋糕套裝

林太覺得$133（member discount後）有得食，有得玩，又可以kill time！！仲平過網課，抵呀！！就係第一日出既時候order了，慶祝一下？！慶祝一下星期五？慶祝一下我們還健康活著？！哈哈⋯⋯《Cake-It-Easy手作蛋糕套裝》乜都齊，小朋友想加士多啤梨，就加士多啤梨吧！由他們自己決定，自己動手吧！！林太在鏡頭後狂笑，有人不停偷食，仲要”選手指”，哈哈！！一個不停的放（大豪客一樣），一個不停的叫「夠了」！！見到他們的笑容，值呀！！

A1 Bakery

Cake-It-Easy手作蛋糕套裝

$148

手作蛋糕套裝包括蛋糕盒 x1

 蛋糕底托盤 x1

海綿蛋糕 x3

忌廉 x1

唧袋 X2

蠟燭及蛋糕刀 x1

三角刮刀 x1

朱古力牌 x1

朱古力筆 x1

忌廉唧咀 X1

朱古力釘 x1

七彩糖針 x1

迷你曲奇 x1

綿花糖 x1

蛋糕製作指引x1

特別假期 // 奶茶紙杯蛋糕 // 輕黏土

星期一，細佬09:00-10:00要上中文zoom，所以沒有出外。在家hea的日子，上完烹飪班，再上手工班，哈哈！！咁就一天！！HK$50買回來的輕黏土，玩了兩小時，抵呀！！仲平過HK$100/hr的網課，哈哈！！

特別假期 // 週末

又到週末了，林家一向的作風是週末留在家避開人群！！今個週末睇咗迪士尼的新卡通影片《Turning Red》，因為香港的戲院仍然關閉，所以未能上映，就在Disney+有得睇！！《Turning Red》好啱父母睇，要自己小朋友做心目中的perfect kid！？《No one is perfect. Love yourself as you are and train hard to become the best that you can be.》吱吱和嘩嘩希望你們明白！！仲睇了《Ratatouille》，好睇好睇！！再試了港式腸仔包，成功了！！

特別假期第二天 // DIY pizza

為免吱吱和嘩嘩變文盲，同吱吱和嘩嘩協定了，每日做八頁補充練習，中英數常自選；再加練小提琴，嘩嘩朗讀中英文書。今日完成了，仲做了pizza！！白熊同獅子，似嗎？？哈哈！！

【薄皮披薩麵團食材】
高筋麵粉 240 g
溫水140 ml
糖 6 g
速發酵母粉 5 g(也可使用一般酵母粉)
橄欖油 一大匙
鹽 3 g

https://zineblog.com.tw/blog/post/210509/amp

DIY — Blueberry muffin

經過市民一輪搶購，超市和麵包舖都是空空的！！林太一天去了兩次，都是空手而回，明天的早餐怎麼辦？？唯有自己動手吧⋯⋯哈哈哈⋯⋯

DIY — 免搓麵包

又嚟小息時間，今日玩免搓麵包。林太尋晚已準備了粉團，放入雪櫃十二小時！全跟以下食譜，不過分割了四個粉團，平均分比吱吱和嘩嘩。一人做一個原味和一個特別味道（朱古力/芝士腸仔）。實在太方便，不會搓到手痛，哈哈哈！！ 免搓麵包

DIY — Bow-tie pasta

小息時找不到食譜，就靠估開始了⋯⋯結果有點乾和硬，又找不到枝wooden rolling pin，唉⋯⋯好彩！最後都有得食，哈哈！！

材料：

中筋麵粉190g

蛋2隻

DIY — Cruffin 可頌瑪芬

林太有一次見到這個名「可頌瑪芬」覺得好靚，所以找找看，原來是好似玫瑰花的扭法，好靚呀！！今日又凍又無聊，就在家試吓！！幾好食喎，只用了一半份量！

https://m.youtube.com/watch?v=jo1Xj7gAGyM

高筋面粉 bread flour   300g / 2,1/8cup

鹽 salt   2.5g / 1/2tsp

鮮奶 fresh milk   150ml+-

细砂糖 caster sugar   50g / 1/4cup

即溶酵母 instant yeast   6g / 2tsp

無鹽奶油 unsalted butter   50g / 1/4cup

軟化奶油 Softened butter   50g / 1/4cup

DIY — 杯子菠蘿包

飛利浦炸鍋不是太適用於焗食物，會好似打風咁，但見上次焗紙杯麵包又可以，所以今日試試杯子菠蘿包！！哈哈哈！！樣貌麻麻，但幾好食喎，起碼可以分得開一個一個！！

DIY — 扭扭紙杯麵包

話說林太去街市買紫薯，今早才發覺是紫准山，唉⋯⋯比人搵了笨！！但包已開始發，所以變了朱古力包和花生漿包。哈哈！！ https://www.ilovemama.com/idykitchen2/