科學 // 香港科學館

今年小學四年級，由常識科轉了人民科和科學科，而且體育要計分，咁同以前的「社、科、健」有咩分別呢？！哈哈⋯⋯其實林太細個嘅時候很喜歡社科健，因為相比起中英數，比較多圖像，小文字。林太對圖解比較容易吸收，不知道細佬是否一樣？！今日同細佬去咗科學館，因為科學第一課，是地球結構，就去看看吧！！睇吓圖解，大型圖解，會唔會更加易吸收？更加有興趣？？

八大。尋龍記 — 團體參觀

林太之前未能網上預約，所以入了紙申請”團體參觀”，又成功喎，所以約了細佬的同學仔一齊去，暑假活動！！但入到去後，勁多人，又沒有人帶/導賞，最後是各有各行，搵唔返大家！哈哈！！細佬嚟過，佢嘅朋友仔好認真地睇，唔得閒同佢跑跑跳跳，所以佢話悶⋯⋯唉，俾佢激死！！

八大．尋龍記

梁龍、哈特茲哥翼龍、棘龍

西龍、異特龍、幼齡蜥腳類恐龍

三角龍、暴龍

由七月開始，「八大．尋龍記」就係科學館展出，林太一直都未能預約，今個星期終於預約到！！仲要預約到兩次，去兩次，一個上午班下午去，一個下午班上去！！哈哈哈⋯⋯上午多小學團體去，有老師講解，係旁邊聽吓都幾好！！而下午就真係多人，多人到逼唔到過去睇！！好彩睇了兩次，可以認認真真地睇！！今次八大隻恐龍骨，由世界各地運來，實在機會難得！！林太最喜歡的是齡蜥腳類恐龍，細到像一隻小寶寶，很可愛！！

為了慶祝香港特別行政區成立25周年，香港科學館特別舉辦一個極具特色的恐龍展覽，搜羅八組極具名氣和代表性的物種，包括暴龍、三角龍、棘龍、異特龍、西龍、梁龍、哈特茲哥翼龍和幼齡蜥腳類恐龍，這些來自恐龍盛世的物種首次同場展出。 https://hk.science.museum/zh_TW/web/scm/exhibition/bigeight2022.html

PIXAR at Science Museum

PIXAR展由七月開始，但一開始時勁多人去，一直都未能預約，等吓等，展覽原來就快完了⋯⋯哈哈⋯⋯今日星期日去了，雖然有幾多人，但都夠設施，等一陣就可以玩到。有很多由平面至3D，嘩嘩都十分有興趣！玩咗一個鐘！！之後，繼續係科學館玩。小小工程師1:45攞飛，4:15先有得玩，真是等了又等。不過，依15分鐘係佢哋玩得最開心的時候！！

科學館

就快放暑假，都有點holiday mode，放學後去了科學館玩玩⋯⋯新的「地球科學廳」，又新又靚！介紹了颱風，地震，海嘯，火山爆發⋯⋯都十分有趣！！入了去「颱風的威力」，嘗試了120km/hr的風速，吹到頭髮亂了，哈哈！！但最吸引嘩嘩（男孩子）的是「能量穿梭」和「滾球過山車」，都是力量的轉移，佢哋好專注咁睇！！！

香港科學館

終於，去了"香港科學館"！很多媽媽和報導都讚他們新的兒童天地又靚又好玩。今日終於去了，超多人！！

第三層的Miffy和兒童天地都好新好靚！吱吱對Miffy的興趣大些，可能係睇過卡通，或者有版可以開吓睇吓。而兒童天地對吱吱嚟講，有點不明白。第一、二層的電呀，電訊呀，吱吱更沒有興趣，下次再試吧！！

http://hk.science.museum/zh_TW/web/scm/index.html