賽馬會青少年足球發展計劃 U8 比賽 （02.2023）

到二月的比賽，今次林太帶，一早爬起來！！哈哈哈⋯⋯有姿勢無實際的朋友！！

大年初一 // 兔年新春快樂

新年快樂！！恭喜發財！！

大年初一的行程：奶奶家食粥 》林生姨媽 〉林生姑媽 》林太爸媽。很豐富的行程，吱吱和嘩嘩係車瞓到豬咁既樣，哈哈！！

STEM香港小學生大獎賽

之前跟這間機構上過幾堂，覺得講解清楚，又有趣味，所以就參加了。但吱吱每日都忙於做功課，最後要林生出馬做兩隻機械手臂，還沒有時間幫機械手臂裝飾裝飾⋯⋯林生送吱吱去到比賽場地，勁多人，都估到好難贏！！結果，沒有贏，連分紙都沒有，應該未能完成比賽，哈哈哈⋯⋯

曾幾何時⋯⋯

Back-dated 26/07/2020

林太的電話冇晒位，睇返啲相/Video，諗住delete d⋯⋯看到這個video，原來已經是兩年前！！疫情剛剛開始，仲偷雞去了一次日本！！真是令人懷念⋯⋯

蛋與兔 X 童畫

四月的復活節，伸延活動，繼續蛋與兔。五月是林大小姐的生日，佢竟然把隻蛋變了自己的生日蛋糕！哈哈哈！！

迪士尼探索家度假酒店兩日一夜 // 二日的迪士尼樂園

哦！吱吱返學不夠一個星期，又有假放！！「教師發展日放假一天」！！廿四孝爸爸話是吱吱的「生日周」，不如去迪士尼住返晩？！吓，真的富養女、窮養兒？！哈哈！！有得去玩，當然去啦，哈哈哈！！

今次住返迪士尼探索家度假酒店，HK$1600，連稅，包兩份早餐。林生帶吱吱入園玩咗先，林太帶細佬放學後，再慢慢入嚟。入到去酒店，趕得切4:00pm的手工工作坊，今日做襟章！！到6:00pm食晚飯，去了雲龍軒，切蛋糕！！攞了8:00-10:00pm的泳池時段，玩到9:30pm都係走喇！！吱吱和嘩嘩「忽然」唔怕水，自己踢水，攬住水泡自己游嚟游去。10:00pm小朋友瞓咗，林生想食宵夜。噢，忘記了帶，又未有room service！？要10:30pm後，自己落接待處買，超低能！！HK$100的柸麵、熱浪和啤酒，哈哈哈！！第二天，8:45pm早餐時間，兩位勁鐘意食，飯都食，15分鐘食完！！10:30am入到迪士尼樂園，玩咗一樣嘢，就去了排「魔雪奇緣音樂會：從阿德爾出發」！好好聽呀！！細佬都聽到好入神！！之後，繼續玩呀玩呀⋯⋯熱呀熱呀熱死人⋯⋯

生日快樂，七歲小小姐！

哈哈，又是白熊蛋糕！又是東海堂，年年都係依個時候，幾好喎！！因為要返學，吱吱六點半就要起身，所以留在家吃飯吧！！全部外賣，哈哈，派對呀！！祝吱吱生日快樂，越來越靚，天天開心，但也要用腦呀，努力讀書！！

夏⋯夏⋯下水禮

好熱啊好熱啊⋯⋯係時候落水了！！兩個都高大了，水泡都要換過個，哈哈！！但兩個仍然是在嬉水，不是游水，唉⋯⋯

Happy Mother’s Day 2021

懶洋洋的母親節，沒有什麼準備，時間都比了準備吱吱的生日會。林太有先見之明，自己去咗買花欣賞欣賞，哈哈！！收到吱吱和嘩嘩的DIY母親節哠，吱吱的由星期一開始就放咗係到（早有準備）。細佬畫到自己扁嘴？！佢話：「返學好眼瞓，點解唔可以繼續上ZOOM？！可以瞓夠先上堂？！」（吓？！有時係佢自己好早醒？奇怪⋯⋯⋯）哈哈⋯⋯Happy Mother’s Day！！

LamB’s 7th Birthday Party // 霓虹燈工作坊 // 角落生物party

難得疫情緩和，幫吱吱約了好幾個朋友仔開生日派對。全程要戴住口罩，所以不敢做些劇烈運動，靜靜地玩「Art jam」！去了銅鑼灣一間studio，做了「霓虹燈工作坊」，三小時的工作坊。多謝媽咪們係母親節都要咁辛苦，幫手做勞作！！哈哈！！吱吱大部份的朋友仔都是幼稚園同學，由K1開始，見證著你們一起長大，希望你們繼續開心健康地成長！！ https://www.auraart.hk/