Back to school 2025

又到開學日，祝你們開心上學！！繼續充滿好奇心，想知想問。不過，要練習！！有天資，不練習，是枉費！！

中銀青少年發展計劃全港小學分區劍擊比賽2025 // 港島西區男子丙組重劍

細佬真係好耐冇練過劍，但俾人揀咗去做校隊，就硬着頭皮比賽吧！！小組賽全敗！！結果沒有機會去淘汰賽，唉⋯⋯見到佢個樣，覺得他喜歡圍棋多啲！！如果今日去圍棋比賽，結果會唔會唔同呢？

第三屆全港競技疊杯挑戰賽

細佬第三次的疊杯比賽，其實林太係第一次觀戰！！今次喺大型商場內舉行，點知係冇位坐？！好似罰企咗五個鐘咁！！！其實平日沒有見過佢練習，練得最多就係比賽前，哈哈哈！！單人總排名是15/27，又是中間！！哈哈哈！！二人接力和四人團體賽都冇贏喎，下次努力吧？！

日期：2025年5月18日（星期日）

時間：上午09:30 - 下午5:30

地點：荃灣愉景新城 D.PARK中庭

報名費：每人港幣390元（包括個人3-3-3、3-6-3、cycle計時賽及二人3-6-3接力淘汰賽)

圍棋 // 第二十屆香港校際圍棋大賽

是啊，圍棋都有校際！！林太知道細佬想玩，所以幫佢搵咗同學仔，一齊參加隊際賽！！介紹咗”圍棋比賽”俾佢嘅同學仔，既刺激又好玩！！都知道有好勁嘅對手，都是志在參與！！中小組有甲組（34隊）和乙組（35隊），嘩嘩和同學仔在甲組排12/34，成績也不錯哦！！嘩嘩是全勝！！Yeah！！甲組和乙組共八對入總決賽，今次無緣參加，下次啦！！林太係等嘅過程中，去咗睇早場《送院途中》，又一個冷門的行業，一個不被重視的行業，但其實為我們默默付出！！

初賽：

日期 ：2025年5 月 5日（星期一）

時間 ：上午8時30 分至下午 12時 30分

地點 ： 喇沙書院

香港兒童棋院 – HONG KONG CHILDREN'S GO COLLEGE

LamBB's award // 學業成績進步獎

哈哈哈⋯⋯數學由74分，到今個學期的94分，這20分帶給他一個「進步獎」。但中、英文成績不變！！哈哈哈！！所以下次仲有機會會攞進步獎！！加油加油！！

全方位學習日2025

復活節假前夕，細佬已經唔使上堂，由上星期五開始嘅閱讀日，今個星期三天的「全方位學習日」！！實在太開心了！！亦都好多謝各位老師嘅投入，搵地方去玩，book車book場！！辛苦晒！！！見到小朋友玩得開開心心！！

Happy 9th Birthday, LamBB!!

生日快樂呀！！林家小寶寶，「小魔怪」！！細佬真係好鬼似「哪吒」，心地善良，但十分衝動；相信他的潛力無限，只需要時間雕琢。跟哪吒一樣：「你的路還需你去闖，今後，忠於自己內心的選擇吧！」⋯⋯考試後，決定替他開生日派對，林太又懶，所以決定在麥當勞開，唔駛煩！！諗住開完再去公園玩，但今天天氣麻麻，就沒有去公園。昨晚凌晨，林太已吹定波波，等細佬一開門，就傾倒在他身上，點知家姐一早起身去廁所，哈哈哈⋯⋯今早，仲要回校攞成績表，他竟然上磅 —— 數學成績進步獎！！Well done！！下午，才是麥當勞生日會。嘩！！全部都是男孩子，得一個女仔，好鬼嘈！！！之後，天氣麻麻，所以去咗室內遊戲室玩。晚上，再打邊爐！

March’s lunch box

好鬼忙的三月，又有考試，又有測驗，放學時間又唔同⋯⋯有開心的寶寶，早放學可以同同學一齊食飯。更有最特別的一次，就係落禮堂食飯，細佬竟然交齊功課一個學期，可以參加學校聚餐，有得加餸：叉燒和紅腸！！！繼續努力！！

LamBB’s P3 - 2nd exam

又到考試的季節，說好了農曆新年開始溫，但沒有進行⋯⋯說好了圍棋比賽前，預習作好兩篇文，沒有做到⋯⋯結果，都有進步嘅地方，但亦有退步的地方，更有嚇死人的地方！！唉⋯⋯今次考試，林太看到細佬「在狀態」和「不在狀態」是差很遠！！若果他不在狀態（游魂中）根本完全聽不入耳，其實可以休息；問題還未解決，就是怎樣令他「在狀態」？

家校齊家教計劃 // 親子互動體驗

林太同細佬參加學校嘅親子互動體驗，目的是想多聽小朋友的感受和意見。但當日，細佬係不停同隔籬枱講意見，哈哈哈⋯⋯接受他的意見，就是由得他去吧⋯⋯周圍講解自己的意見！！

日期：15/3/2025 

時間：10:00 - 12:00

內容：透過親子合作遊戲，讓家長掌握親子互動

第四屆香港競技疊杯運動新秀賽

細佬自己揀的課外活動「疊杯」，對於林太來說一小時只練習把杯子疊高又放回原處，在一個小時內不斷重複，真係好不可思議！！細佬喜歡求變，竟然可以重複做同一樣的動作，難以置信！！所以”go ahead”，參加了！！上了七堂，第一次的比賽，參加了兩項的接力比賽。Good try！！

日期：2024年12月14日

地點：東華三院姚達之紀念小學（元朗）

地址：新界天水圍天瑞邨第一期

比賽項目：

        C. 二人3-6-3接力對抗賽

        D. 學校單位3-6-3團體接力對抗賽

LamBB's P3 - 1st exam

細佬考試！！唉⋯⋯廢盡心力⋯⋯結果，都是麻麻！！是人的問題？教法問題？還是，溫習的問題？？問了中文老師：「其實佢有足夠的語文能力，但佢無用到，可能是當時不夠集中？！唔知道？」唉⋯⋯無端端的八號風球，攪到亂曬，溫中文溫到不想再溫⋯⋯常、數不夠時間⋯⋯唉⋯⋯

開學日2024

兩位少主開學啦！今年九月一號是星期日，賺多咗一日假期，二號才開學！！今年晉升到小五、小三，小五要呈分，所以林生變得緊張！！時間表都是密厔厔的，唔補又驚佢唔識，補咗又唔知佢識幾多！？咁可以點呢？！放完一輪暑假，小朋友都要重整心情，有「唔想」上課的時候，你問佢原因，「唔想」就是他100%的原因。小寶寶，加油呀！！

Last day of school 2023-2024

暑假即將開始，小朋友當然開心啦，諗住去邊度邊度玩？！林太就諗住有咩功課可以做？！哈哈哈⋯⋯派完成績表，其實已有很大的進步，但可能其他的同學也有更大的進步，所以追不上，唉⋯⋯人生⋯⋯多謝你們今年的努力，下年再來吧，還有機會，還可以再嘗試！！珍惜機會呀小朋友！！

中銀青少年發展計劃全港小學分區劍擊比賽2024 // 港島西區男子丙組重劍

Back-dated 29/06/2024

細佬第一次代表學校參加比賽！！WOW！！其實是丙組，通常是小四學生，細佬小二，算是越級挑戰吧！！都預咗輸，最後，28人排20人，繼續努力！！林太去咗旅行，無得睇佢嘅「英姿」，哈哈，下次吧！！

LamBB's P2 - final exam

因為吱吱考試先，嘩嘩亦跟著早了開始溫！其實咁細個，一個學期做了一本中一本英的閱讀理解，已經好乖，有努力過！！今次考試跨過端午節，有三天假，又唔可以去玩，數學又冇乜嘢溫，細佬做了五、六份試卷！！祝你好運！！

LamBB's P2 - 2nd exam

話咁快又考試，第二學期考試！！上一次考試麻麻地，所以今次特別緊張！！其實依兩個月已晚晚做閱讀理解，但好似還是不太好！！都知逼都逼唔到，所以堅持每日去公園鬆一鬆！！有進步，有退步，只想你「學習」有「興趣」！！Keep going！！My boy！！

60周年校慶 // 60周年校慶親子口號設計比賽

細佬學校60周年，今個星期都唔駛返學咁既樣，哈哈！！老師和要表演的同學就忙過不停，辛苦曬！！最後，參加了親子口號比賽，有個季軍，有幸能參加頒獎典禮，和睇表演！！

「與基督同行 樂在鮑聖園」

聖安多尼六十載

知恩感恩滿仁愛

善良謙遜樂滿載

鮑聖精神常同在

鮑聖精神 — 鮑思高神父預防教育法的原則

鮑思高神父把預防教育法的原則濃縮在這句精簡的說話裡：「這種教育法完全建立在理智、宗教和慈愛上。」它們彼此之間的關係好像是一個三角形，不能缺一。這教育法的實施完全根據聖經的說話：「愛是慈祥的，含忍的，凡事包容，凡是盼望 (改善)，凡事忍耐。」鮑思高神父的一生就是這些原則的實現。

林太一直以為校徽中間的是一隻白鴿企在十字架上，但原來是一朵百合花。

百合花象徵上帝的恩典，這恩典如此聖潔、慷慨、豐盛、美麗與奧妙。百合花也象徵人對上帝的信心，這信心如此專一、忠貞、敬虔、珍貴與潔白。哪裡有這百合花的恩典，那裡就有這百合花的信心；哪裡有這百合花的信心，那裡就有這百合花的恩典。
深信聖安多尼學校滿有上帝的恩典，亦以鮑思高神父的精神，用信望愛來培育下一代。

LamBB's P2 - 1st exam

唉⋯⋯又到考試時間⋯⋯有人溫書溫到瞓著！！唔知係唔係病病地？！但總之只答你一句「唔識！」成績認真麻麻！！一考完試，學校就係咁出填色比賽？！真搞笑！！細佬應承咗，每晚兩篇閱讀理解，希望會有幫助吧！！

清潔社區 — 淺水灣

記得幾年前，林太同吱吱去過黃金海岸沙灘拾垃圾，佢有深刻的回憶！！想再參加這類活動，但發覺很難就時間⋯⋯一個得閒，另一個要測驗，等等。細佬的學校竟然有這種活動，仲要免費，當然參加啦！！感謝老師們紅日都回校帶隊！！謝謝你們！！其實全班都識，氣氛更加開心！！