LamBB 2nd Birthday....

Happy birthday, Gatsby!!!

嘩嘩兩歳了！生日快樂！！祝你快高長大，越嚟越大隻、醒目、開心！！

林太今晚唔得閒食飯，所以中午出街食飯吧！！但好衰地因為有折扣才去，半價哦！！超低呀！！去了Little creatures，食個飽飽的！！

林媽媽（嫲嫲）買了嘩嘩人生中第一個足球！！佢超勁興奮！！到晚上，切蛋糕！！生日快樂！！

LamBB兩歲生日飯！

嘩嘩的兩歲生日，沒有開派對，但都要一家人食餐飯。去咗海港食飯同切蛋糕，爸爸，媽媽愛你，生日快樂！！

Anna’s 4th Birthday Party // Fun Zone party

吱吱的同學仔生日派對一個接一個，今次係Fun Zone，雖然超近，但都係第一次去，哈哈！！Fun Zone有勁多嘢玩，主人家還安排了魔術師，又有魔術表演和送禮物，又有畫手姐姐，小朋友們真係忙過不停！！哈哈！！也好，家長們可以坐下來，傾吓計！謝謝邀請！！

Happy Birthday Anna！！

http://www.funzone.com.hk

DIY — Gatsby’s birthday cake

嘩嘩就快生日喇！！嘩嘩係香港沒有什麼朋友，所以林太唔幫佢搞生日派對了，但好似好衰咁？！所以林太特登去學整蛋糕，為嘩嘩整個「2」字蛋糕！！

三小時課堂其實做咗好少嘢，因為個粉團要雪過夜，所以已經做好。蛋糕上面嘅裝飾，老師亦一早準備好。哈哈！！林太只係整色整水！！林太就是鍾意上堂，因為零失敗，呵呵！！

http://www.primilicious.com/

迷你木片琴DIY工作坊 // 616

由《拖手仔去街guide》送出嘅《迷你木片琴DIY工作坊》，帶咗林太和吱吱嚟到黃埔。原來係黃埔新天地消費滿$300也可以參加，都幾容易喎！！

依個迷你木片琴都十分容易，吱吱一手一腳砌好，之後上色。林太只在清潔，左抺右抺，哈哈！！吱吱自己塗滿了顏色，林太提議寫一個大「G」字係上面，吱吱堅決反對，話只要寫一個細嘅「G」字係粉紅色格就夠了！！哈哈！！十分有主見哦！！林太再多手畫了幾朵小花，就收工了！！哈哈！！

真係好耐冇嚟過黃埔，原來黃埔有好多嘢食，最後決定去「616」打邊爐。入到去先知，全牛宴！！就連魚旦，魚片，公仔麵都沒有。今餐只食牛肉和菜，好似好健康哦！！哈哈！！係依到工作嘅姐姐十分之錫小朋友，令到吱吱和嘩嘩玩得好開心！！哈哈！！

比得兔 // 鰂魚涌公園

見到好多朋友都去咗太古城影相和打卡，見今日放假冇嘢做，就同吱吱去同彼得兔影張相吧！！彼得兔又真係幾靚仔喎！！吱吱好樂意地，主動走咗去同彼得兔影相。哈哈！！

有人介紹鰂魚涌公園超勁大，所以又去睇下先。嘩～～！真係好大哦！！有十二個韆鞦！！真係勁多哦！！因為依家有很多新公園都已經沒有韆鞦，唔知係唔係安全問題呢？！不過，今日太熱，頂唔順，玩咗陣就走喇！！

天水圍綠田園

今日又去玩喇！去了天水圍綠田園，是免費入場，更有免費停車場，已經令林生開心啲！！哈哈！！不過，很難喺裏面零消費，裏面有各樣動靜皆宜嘅活動，所以最後一家人都用了幾百蚊。（差不多吧！）

中午時間太熱喇，都冇揀到BBQ，最後係冷氣房到食碗豬扒麵，嘻嘻！！吱吱和嘩嘩都玩了必玩的水上和陸上單車，對佢哋嚟講，已經很新奇有趣！！

http://tswgreenfield.com.hk/

菠蘿園

復活節快樂～～！！

今個週日有咩好節目？！林生、林太一家去咗「菠蘿園」。係網上都睇到一些負評，不過約了吱吱的朋友仔一齊去，所以找些親子好去處，無所謂啦！！

下午一點才到達「菠蘿園」，已經有好多人，已經無得賣”菠蘿豬扒飯”，原來要訂哦！！個個都是食”菠蘿加菠蘿包加菠蘿雪糕”和”菠蘿汁”，成為HK$60。哈哈！！

其實「菠蘿園」不大，不過兩個小朋友已足夠行足一日，大小同價，一人HK$60。裏面有得餵羊仔，餵兔仔，遊樂場，工作坊，BBQ場，種植場，和camping。裏面有個”菠蘿蒙古包”，兩個小朋友入咗去唔肯出嚟，好似要喺裏面瞓咁。哈哈！！還有個兒童遊樂場，但其實只適合五、六歲以下的小朋友，所以再大啲既小朋友應該會悶。

林太和吱吱還參加了一個工作坊，DIY菠蘿特飲和真菠蘿包，HK$168（包了入埸費，但親子陪伴+HK$40）。個真菠蘿包，林太諗住會有個粉團搓下，加塊菠蘿皮上去焗一焗，但原來係比一個現成菠蘿包你，自己放塊菠蘿入去，就是這樣子！！這個工作坊唯一自己動手做的，就是批菠蘿！！有點失望！！攪到林生、林太一日內食咗勁多個菠蘿包！！

http://www.gogreenlife.com.hk/c/

林生、林太實在太”大鄉里”，真係唔知有個西鐵站叫”錦上路”，哈哈！！菠蘿園就在錦上路站附近，還有個跳蚤市場，每逢週末和假期開。入菠蘿園前，林生、林太也逛了一個圈，諗住搵嘢食，但今日是星期日，不過好多店舖無開？！所以無乜嘢睇，又無嘢食～～！

http://www.yl.hk/ksrsm/

愉景灣沙灘獵蛋奇兵2018

復活節呀，一齊去挖蛋！！哈哈！！其實林生林太都係第一次去挖蛋！！好彩有人指點，買到「愉景灣沙灘獵蛋奇兵」的預售票，可以早點買到，而且平點（原價HK$200，依家HK$160）。太好了！！哈哈！！其實幾抵玩，HK$200包了父母回程船票，去程半價，挖蛋工具，小禮物，而且有七個大彈床玩，仲有其他小㰙位。去嘉年華玩都不只HK$200吧！！怪不得每次都咁多人搶飛！！

今日坐12:00船入愉景灣，半個鐘頭船程，去到嘅時候已經有好多人。不過，有好多工作人員，亦安排得十分之好，很快已登記好，可以去玩喇！！

林太忘記了帶襪子，所以無玩彈床，嗚嗚～～！餐廳又坐滿人，所以幫襯”food van”—Jajambao，買完先知全素食！！又幾似哦！！感覺良好！！哈哈！！

係挖蛋前，小朋友們不停玩沙玩水！！好開心哦！！到挖蛋時間（30分鐘）由林生陪吱吱去，3至4歲組。嘩！！真係人山人海，沙霧瀰漫，因為左挖右挖！！最後，吱吱挖了三隻。問吱吱玩得開唔開心，佢話唔鐘意？！點解呀？！佢話「我鐘意5隻、6隻、7隻、10隻、20隻都好！」哈哈！！原來想要多些！！

眼見有人挖到勁多，可能是他們的爸媽十分落力。其實都只是親子活動，最重要是陪伴小朋友們過了一個開心的周末！！

https://dbeasteregghunt.com/web/zh/

青衣半天遊

今日入了青衣半天遊，因為要探個BB！！BB總是給人一個魔力，「好得意呀～～！」哈哈！！吱吱和嘩嘩都好鐘意，話要抱，和攞返屋企。都是一件好事，睇見他們的愛心和同理心！！

紙飛機 // 啟德郵輪碼頭公園

有朋自遠方來，要食個飯，但有六個小朋友，要搵一個地方安頓他們！！哈哈！！最後，去了啟德郵輪碼頭嘅親子餐廳，紙飛機origami kids cafe。間餐廳仲好新，所以俾人嘅感覺係白雪雪，好靚！！但林太覺得有點貴，小朋友嘅價錢唔包任何食物，其實如果包個小兒童餐或飲品，會較開心。其實可以玩嘅地方和玩具都比較BB，所以六歲以上嘅小朋友會比較悶。

https://www.origami.com.hk/

餐廳用餐時間一節是兩小時，所以食完飯之後仲有時間去啟德郵輪碼頭公園行個圈。依家啲花開得好靚啊！！仲有個荷花池，小朋友們睇蝌蚪！！

http://www.lcsd.gov.hk/tc/parks/ktctp/index.html

山頂遊

吱吱又放假喇，今次係復活節假！同其他節日一樣，放假之前一日是開party！！林生、林太也慶祝一下放假的喜悅，所以吱吱一放學，就上咗山頂，食個飯，玩吓scooter。真係要學習一下慢活生活，今日係山頂嘅時候行得好慢好慢，但原來吱吱會發現更多！！吱吱觀察到一朵朵的小藍花，一處只得幾朵，另一處有好多好多，點解呢？又觀察到像木棉花一樣的種子，輕輕的會隨風飄⋯⋯

春裝廸士尼

又去迪士尼喇！！今次約埋吱吱的同學仔一齊去，一入到去就排咗兩個鐘頭隊，同米奇、米妮影相！？但佢哋套衫又真係好靚嘅！！嘻嘻！！排完隊影相就開始睇「迪士尼明星嘉年華列車」，卡通人物嘅春裝真係好靚哦！！而且見到林太鍾意的Stellalu，好得意呀！！

一班小朋友行去玩小小世界，再去坐咖啡杯，之後就係時間走了。下次再一齊玩啦！！

Fish & Chick

Back-dated 11/03/2018

嘩！！原來上次嚟已是四年前的事了！！咁耐喇！？今次同埋家姐、細佬一齊嚟，味道冇乜變，但小朋友就已經咁大了！哈哈！！

Sofia’s 4th birthday party

吱吱又參加生日派對啦！今次係喺主人家嘅Club House到舉行，林太覺得係Club House開生日派對可以自成一角，比較私人，沒有其他人會走入嚟，哈哈！！不過，爸媽們就要做多小小工作喇，辛苦曬！！今天的「汽球小姐」好攪笑呀！！佢的造型好勁呀！！佢帶的遊戲笑到爸媽們轆地，哈哈！！而且每個小朋友還有自選氣球公仔可以攞走，實在太開心了！！Sofia, happy birthday!!!

Rachel’s 4th Birthday Party // 美國冒險樂園生日會

不知不覺，原來吱吱已經返咗半年學，相信佢都認識咗一班朋友仔。今個三月有幾個生日之星，佢哋都有開party，仲請咗吱吱。吱吱可以參加自己既朋友仔的生日派對，當然開心，細佬嘩嘩也幸運地可以一齊參與，實在太好了！！林生係派對到亦十分自娛，係到打機！哈哈！！

林生林太都係第一次去美國冒險樂園參加派對，真係大鄉里，哈哈！！其實又幾好哦，派對package可以玩波波池兩小時，又可以玩車仔，又有姐姐帶遊戲，又有枱枱椅椅，又有氣球裝飾。其實淨係帶蛋糕和一些飲料，就可以入去開party，開完party仲有20個金幣可以玩！！哈哈！！

吱吱入到去，都勁玩波波池和車仔，不過也有自動自覺食蛋糕和一些小食，都算乖啦！！小朋友們又好乖地玩遊戲，吱吱同佢嘅best friend玩”糖黐豆”，佢哋又明白遊戲規則哦，好搞笑！！

多謝邀請，祝Rachel生日快樂！！

http://www.jumpingym.com/birthday-party

東龍島

今日，林生聊了一班飛機友入去東龍島影相，可惜天氣不似預期，超大霧！！約好了，照去吧！！去到淨係睇到你和我，估唔到飛機飛過霧層，又有另一番景象喎！！

喺西灣河碼頭坐船入東龍到島，大人每位HK$55來回，五歲以下小朋友免費，又幾好哦！！小朋友坐船時，喺度傾計，唔知傾咩呢？！入到去東龍島，勁潮濕，所以地下濕濕淋淋，林大小姐吱吱唔肯行，要抱！！反而細佬嘩嘩走去拖住其他姐姐，自己行，叻叻！！

爸爸們，放飛機；小朋友們，玩泡泡，食糖糖！！再去假日士多食碗麵，冇諗過小小的東龍島會有五、六間士多。真係唔怕冇嘢食！！食飽後，再行上燈塔，條路都OK，小朋友可以行到！

今朝坐十點半船入嚟，玩到四點，都OK喎！！再見！！

《新春旅行—沖繩》之酒店篇

Hotel Monterey Okinawa Spa & Resort

17-20/02/2018

一間好新的度假酒店，大堂和房都好靚，十分舒服！！但去泳池和溫泉都要另加錢，不過都好平。仲有一個自助洗衣房，可以買洗衣粉，十分方便，哈哈！！

https://www.hotelmonterey.co.jp/ okinawa/

Renaissance Okinawa Resort

20-22/02/2018

依間酒店超勁kids friendly，小朋友的高椅和餐具必有，還有小朋友高度的乒乓波枱和自助餐枱（kids buffet corner），實在太可愛了！！一個超舒服的沙灘，有得跳彈床，有單車小朋友可以自由享用。還有海豚可以親親，小朋友大愛！！

http://renaissance-okinawa.com/english/

《春節旅行—沖繩》之飲勝篇

17-22/02/2018

去日本旅行，當然唔少得飲嘢！！一經過汽水機就忍唔住要買一枝，哈哈！！林太超愛沖繩茶，有一點點的花香味道！！

《春節旅行——沖繩》Day6

Day 6 22/02/2018 初七

人日，生日快樂！！林仕旅行團快將完結！！

Renaissance Okinawa Resort

Kids activities

雖然11點要check-out，但要再游多㳄水，哈哈！！

暖暮 中城店

http://danbo.jp/store_info/

有人介紹要去暖暮食拉麵，最後都去到。但係又留單，又唔見單，搞到食咗咁耐，而且連相都唔記得影！！不過，個麵真係幾好食，而且超平！！

返香港

食完就去機場，走了！！知道日本要x-ray所有行李，排完又排，早些到吧！！

沖繩，再見喇！！