LamB’s 11th Birthday // Oolaa

11歲，好似大個咗咁？！但有時仲好BB！！細佬以前試過唔開生日會可以折現，吱吱又想，但個傻妹開價係HK$100！！！哈哈哈！！！佢問HK$500都好似唔好意思咁，好好笑！！！吱吱想要隻Stanley保溫杯好耐，之前有機會買，佢又扭扭擰擰，想睇實物顏色⋯⋯今日生日，終於去買咗！！小學界嘅名牌水壺，Stanley！！最後都冇搞生日會，只是一家人出去食個飯⋯⋯生日快樂，我嘅「開心果」！！Love you always！！ Home | Oolaa Group

Happy Mother’s Day 2025 // Hotel Alexandra’s High-tea

今年帶梁媽媽吃high-tea！！因為林太喜歡囉！！哈哈！！全芒果的high-tea！！幾好食！！仲係北角買晒所有母親節的花，Happy Mother’s Day！！細佬仍然男孩子的作風，就係乜都冇？！好似林生咁？！母親節係乜都冇！！

Home | Hotel Alexandra

樂聚聖士提反 2025

又一年的「樂聚聖士提反」，吱吱今年升了高級合唱團（因年齡關係），小提琴升了二手。能夠欣賞其他同學的表演，實在是精彩！！！亦深深覺得學校要小朋友學音樂，是對的！！特別參與管弦樂團，一齊練習，一齊面對；面對練習時的樽頸位，面對比你強的人，面對比你弱的人！！加油呀！！

姊妹學校計劃 — 北京文化交流之旅

吱吱第一次的自己出國旅行，四日三夜，其實比以前嘅camp多了一天，所以林生林太不是太擔心，只是怕他漏嘢喺酒店！哈哈！！結果開心而回！！問佢最開心的是什麼？！佢嘅答案：「我帶隊入男廁！」最唔開心的是什麼？！佢嘅答案：「冇得買紀念品！」哈哈哈⋯⋯這是什麼答案？？？

Happy Easter 2025

今次復活節假期，林太本來諗住同細佬一齊去桂林圍棋交流團，點知買唔到高鐵飛？！結果，大家乖乖地留在香港，做功課和特別節目！振興香港經濟！！哈哈哈哈⋯⋯林生帶佢哋兩個去踩單車，在雨中繼續踩⋯⋯又有上山頂做遊客⋯⋯林太仲買咗《膠戰》飛，去排應援，去大叫，哈哈哈⋯⋯⋯Happy Easter!!!!!!

2025 下水禮

咦⋯⋯天氣真係越嚟越熱，今年嘅下水禮特別早！！復活節假前，端午節前已經落水！！！今日會所第一日開，就跳落去游過水！！

Happy 9th Birthday, LamBB!!

生日快樂呀！！林家小寶寶，「小魔怪」！！細佬真係好鬼似「哪吒」，心地善良，但十分衝動；相信他的潛力無限，只需要時間雕琢。跟哪吒一樣：「你的路還需你去闖，今後，忠於自己內心的選擇吧！」⋯⋯考試後，決定替他開生日派對，林太又懶，所以決定在麥當勞開，唔駛煩！！諗住開完再去公園玩，但今天天氣麻麻，就沒有去公園。昨晚凌晨，林太已吹定波波，等細佬一開門，就傾倒在他身上，點知家姐一早起身去廁所，哈哈哈⋯⋯今早，仲要回校攞成績表，他竟然上磅 —— 數學成績進步獎！！Well done！！下午，才是麥當勞生日會。嘩！！全部都是男孩子，得一個女仔，好鬼嘈！！！之後，天氣麻麻，所以去咗室內遊戲室玩。晚上，再打邊爐！

聯校音樂大賽2025 // 小學弦樂(小提琴)獨奏 - 高級組

吱吱第一次的現埸比賽，自從COVID-19後，全部考琴和比賽都是錄影，一直未轉返現場。所以吱吱喺佢嘅錄影Comfort Zone好耐，今次特登報現場，半氹半就，佢先肯參加！！結果，不錯喔！！Well done！！多謝伴奏姐姐，都好last minute先搵佢，又夾得幾好！！哈哈！！

「多多美麵飽西餅公司」麵包廠連親手製作麵包及鮮果撻工作坊

又嚟同學仔包團工作坊，實在太人強馬壯，次次都可以成團！！哈哈哈！！今次嚟到麵包廠，其實只是做造型麵包，和水果撻。兩個小時勁密集的行程，完全沒有悶場！！但其實地點較遠，要一小時車程，趕住回家接細佬，冇得同同學仔繼續玩⋯⋯

多多美麵飽西餅公司：葵涌打磚坪街97-103號金富工業大廈1樓全層

March’s lunch box

好鬼忙的三月，又有考試，又有測驗，放學時間又唔同⋯⋯有開心的寶寶，早放學可以同同學一齊食飯。更有最特別的一次，就係落禮堂食飯，細佬竟然交齊功課一個學期，可以參加學校聚餐，有得加餸：叉燒和紅腸！！！繼續努力！！

Happy 44th anniversary to grandparents

細佬考緊試，多謝靚姨婆的安排，可以同梁爸爸和梁媽媽一齊慶祝結婚周年紀念。結婚是兩個人的事，但44年的婚姻是一個很難得的見證，應該同家人慶祝一下！！Happy Anniversary！！

Farewell Party

小朋友的生日會參加得多，farewell party是第一次！！由幼稚園開始，都識咗六至八年，是一個唔短嘅時間，看着一班BB變成少女，唔知他們對「離別」有咩感覺呢？All the best！！

偽單親 // 21-26.02.2024

林生去咗大阪跑馬拉松六天，林太又做偽單親一打二。遇上政府捉白牌車，的士罷工，Uber搵唔到的士，林太張信用卡俾人盜用cut咗，加上測驗考試⋯⋯ 所以過了又正常又悶的六天。

香港校際合唱節2025比賽暨大師班

又來追星，今次好好多，不用排隊，只是上網預購門票就可以了。而且是高級組，其他學校又冇咁多人追星，所以好易買飛！！哈哈哈⋯⋯「大師班」原來是指比賽後會有大師指導，so good！！林太相信「名師出高徒」，真係俾高人指點吓立即好好多！！

年初五的長洲

好似好耐冇嚟長洲，星期天去長洲走走⋯⋯今天遲咗出發，去到飲完咖啡再食串燒。之後才踩單車，去張保仔洞，所以人比較多，入去張保仔洞都要排隊！！而且，人太多，張保仔洞出口的樓梯已經俾人踩爛咗，大家都要你踩我踩你咁出去！！

年初三的山頂

大年初三赤口，唔知由幾時開始，初三要上山頂，所以上了山頂。沒有發生口角，順利完成！不過依幾日太累，下午各人都瞓咗一個大午睡！！

大年初一、二 // 金蛇迎福

新年快樂，身體健康！！新的一年，新的開始！！今年只希望小朋友學業「猛」進！！加油加油！！其實農曆新年每天的節目都是「家訪」，家人互相探望！！就是天天都見着一樣的人，但在不同的地點，哈哈哈！！！