返大陸騎馬

林生無端端即興，帶咗兩小寶返大陸，星期日騎馬！！其實騎馬只是半個鐘，但唔想咁趕，所以星期六晚就已經到大陸，瞓咗一晚。飲飲食食，再騎馬！！家姐啱啱測完驗，都應該休息一下；但又到細佬要考試了⋯⋯加油啊！！

深圳七小時

有澳洲朋友返咗香港，想去做facial，林太又諗唔到去邊度做？！哈哈哈，結果北上消費！！！佢哋又幾認真喎，同你做晒皮膚分析，冇叫你買貴plan，反而介紹個二百幾蚊，最後港幣300有找，玩咗兩粒鐘！！又有得做facial，又有body massage（機器刮痧），正呀！！之後嗱嗱臨打個邊爐，再shopping！！買到一袋二袋就坐車返香港，放低啲嘢再食晚飯！！

深圳龍崗 // 阪田萬科廣場 // KL Sport

細佬嘅學校假期，同佢嘅同學仔一齊北上，去深圳玩咗一日！！其實全日都只係幾個鐘，哈哈哈⋯⋯由會展站坐直通巴上去，第一次試，又幾方便喎！！其實全日都只係喺同一個商場裏面，深圳龍崗區的阪田萬科廣場！！揀呢個商場，係因為KL Sport，一心諗住入去玩兩個半小時，一大一小門票¥270，比起香港，真係好鬼抵！！！所以首先食個lunch，就去玩兩個半小時，其實都唔夠玩，不過又唔使排隊，所以三個小寶寶係咁試係咁玩！！之後再行supermarket，鉗公仔，買嘢飲⋯⋯ Happy的一天！！

深圳三人行 Day3

今日返香港啦，今晚要睇謝霆鋒演唱會，哈哈哈！！其實都冇咩做，今朝睇吓想食咩，食完就返香港嚕！！！再食多個BeBe Donut，真係好好食！！飲番杯咖啡！！就去「白玉串城」食串燒，細佬勁開胃，呢幾日多咗個肚腩仔！！選擇坐火車返香港，因為小朋友有一程免費，抵呀！！

深圳三人行 Day2

今次嚟深圳嘅主要目的，就係去《深圳野生動物園》餵老虎！！因為林太好鍾意貓，所有貓科類動物都好鍾意，獅子老虎一樣喜歡！！一早去到，林太沒有看地圖，不停行呀行，點解未見老虎嘅？下午才有show盼著！？行到終於見到老虎啦！！¥50一個人，就是包車上一個位，一嚿肉！！細佬好鍾意餵，所以兩次都由他餵。入到去大獅子籠，近距離對住獅子，牠們又沒有什麼特別異味，好似幾乾淨咁！！都有啲想摸佢哋！！好可愛啊！！餵完獅子，就去睇表演，連續三場的表演⋯⋯其實林太想早啲出去食嘢，但細佬話幾好睇繼續睇？！之後，仲順路餵了水豚，¥20一盤草，可以一大一細入去，抵呀！！！在深圳野生動物園沒有餐廳，可能是平日吧，只有熱狗和漢堡包，味道真是普普通通⋯⋯都係出去打邊爐，再返房食宵夜！！Yeah！！

深圳三人行 Day1

家姐仔自己去咗北京交流，林生林太無所事事，所以北上，第一次的三人行！！細佬可以獨霸林太的時候，但林生發覺自己沒有小三在身邊，雙手太空虛了，哈哈哈！！深圳都是飲飲食食，今次喺卓悅商場附近租了酒店，中國自家品牌秋果酒店。門口細細，酒店房間只在一層，餐廳和common area，旺中帶靜，不錯的選擇。今次試了一間新嘅餐廳，筷子餐廳。全繁體字，聽聞是香港人開的，裝修餐具都好靚，是fusion菜吧，都幾有特色！！總之，食完又食，返到酒店都要外賣！！

北上七小時

好耐無北上，林生林太見小朋友今日有課外活動，遲啲放學，就北上！！哈哈哈⋯⋯其實都無咩特別，都是先來柸咖啡，洗個面，食個火鍋，再行一行街街就回程！

「摩羯」八號風球 — 深圳一日游

尋晚已經講定今日會8號風球，所以林太連鬧鐘都沒有開，瞓到十點！！Yeah！！其實吱吱也是，睡到十點！！兩位林生一早醒了，一個跑步，一個睇電視。醒咗之後無嘢做，不如返深圳！？哈哈哈⋯⋯坐火車返咗去，有小小雨！！先食午餐，再飲嘢。打機、按摩、洗面，再晚餐！！

林家放暑假2024 // 深圳一天遊

又返大陸玩，今次帶埋公公婆婆，而小朋友今次有目的地嚟，就係要探Capybara，但去到佢哋係鐘意倉鼠！！哈哈哈⋯⋯一個價錢全日無限次入場，兩小寶快快食完午餐又入去，哈哈⋯⋯返大陸都係食食食，食足餐，打機買嘢也是必須的！！

Lollypet萌寵樂園 (萬象食家店)

如果喜歡小動物的話，記得不要錯過Lollypet萌寵樂園，樂園內提供20種動物，大家可以零距離互動的體驗，親自摸摸、抱抱這些可愛的動物，還可以親手餵食它們。其中記得不要錯過跟超可愛水豚打卡互動，帶小朋友去玩相信度過一段難忘的時光。

地址：深圳市羅湖區筍崗街道梅園路71號深圳萬象食家4樓

營業時間：09:00-21:00

價錢：單人票：$79起 / 親子票：$139起

林家放暑假2024 // 挑戰電力。玩轉STEM // 深圳半天遊

放暑假當然要入吓camp，以前都參加過香港STEM培育協會的活動，所以再次參加。林太好懶地叫林生車，佢又答應喎，哈哈，是暑假的心情！！送了他們入烏溪沙，問林生去邊好？！諗住入沙田新城市廣場行街一日，上網搵吓泊車優惠，有咩好食？⋯⋯睇睇吓，林生話：「不如上大陸？」咁啱有帶回鄉證，就返大陸啦，哈哈哈⋯⋯途中經過三次出錯公路路口，林生都繼續，哈哈！！上到去十二點多，正好午飯，打邊爐，行吓街，就返嚟接返佢哋，時間啱啱好！！

地點：烏溪沙青年新村禮堂10號

午餐：已安排於營內享用

活動時間：10:30-16:30 / 報到時間：10:15 

敬請每位參加者必須自備：筆(原子筆及鉛筆均可)、剪刀、膠紙及顏色筆出席活動。

活動包括：以電力為主題做了4個工作坊，其中手搖發電機、環保電池車、發電DIY是利用不同的發電原理帶動馬達轉動，從而將電能轉化為動能，使扇頁轉動形成風、使車輪轉動令車向前行駛；而另一個是環保電池：使用日常生活中的物件如檸檬、鹽等發電，了解元祖電池的原理。

林家放暑假2024 // 兩日一夜深圳吃喝遊 Day2

仍然是表姐生日派對，所以他們選擇了早上十點去唱K！！哈哈！！他們由十點唱到一點，都係¥228，雖然唔包嘢食，但可以外帶，真係超爽！！林生林太就去咗行街街食早餐！！之後，去深圳必食的牛肉火鍋！！他們保證牛肉新鮮，三小時前才犧牲的小牛牛！！下午，去到歡樂港灣打卡，有一間好出名的書店——鐘書閣。但現實不像預期，又熱又多人，旋轉書架上的書都是圖片，假的，不是真圖書，有點失望哦！！都是行行企企食吓嘢算吧！！晚上，選擇到落馬洲過關，好彩全程都有得坐！！再見，週末！！

林家放暑假2024 // 兩日一夜深圳吃喝遊 Day1

今朝早細佬要上學校的劍擊班，所以十點幾才出門口返大陸玩，亦沒有買高鐵票，因為唔知佢幾多點落堂。最後，十點幾出發，坐東鐵綫去到羅湖過關，再坐滴滴即刻去玩go-car。Go-car收費好似係三次十分鐘，¥488？！所以林生、吱吱和嘩嘩各玩一次十分鐘。揸得快就可以揸多幾個圈，小朋友和大人不能同場！！林生同表姐們同場，是最尾呀！！！相差三個圈！！！！！！！哈哈哈⋯⋯⋯之後，就是深圳的日常，食和打機！！哈哈哈⋯⋯不過今次過嚟的目的，是同二表姐慶祝生日，生日快樂！！