細佬未生日的時候已經問咗佢，想唔想搞生日會？佢係想嘅，但再問佢，點解嘅？！細佬話其實只想收生日禮物，因為開生日會有好多生日禮物。但再同佢討論，上次生日會嘅生日禮物，有些到而家都未玩，因為佢唔鍾意玩。生日會的目的是什麼？要佢數最好嘅朋友，其實只有幾個，幾位男孩子⋯⋯⋯細佬淨係想同佢哋玩吓就可以，所以最後生日當天，放學後一齊去公園玩！！晚上，本應一家人出街食飯，但吱吱有點不適，所以留在家韓燒！！林太亦都好公平，沒有生日會就可以選擇大大份的生日禮物！！自選生日禮物環節，對於男孩子來說真興奮！！因為終於可以取最大盒的Lego！！細佬，生日快樂！！身體健健康康！！
今日輪到入長隆海洋王國，應該是舊少少吧，全部都是海洋生物，相比廣州，就沒有獅子老虎睇！！跟着林生，當然是最早入場，酒店住客可提早一小時入場，09:00開始，但入到去全部嘢都未開！！由頭行到尾，只得鯨鯊館開⋯⋯哈哈哈⋯⋯個鯨鯊館都幾震撼，比得上日本嘅！！其實所有海洋生物，虎鯨/海豚/白鯨的表演項目都差不多，所以細佬唔多想睇，想繼續玩！！而且他們的高度，已經可以自己去！！而吱吱陪了林太玩最激的一個過山車，爽呀！！（細佬未夠高）長隆海洋王國是全室外，好彩都唔算多人，排隊時間都可以接受，如果唔係真係好熱！！兩小寶仲自己走咗去玩隻船，出到嚟濕曬身！！哈哈哈！！！有一個較為低B的過山車，他們不停地玩，玩了六七次才走⋯⋯抵！！今晚一樣出返去中央區食飯，又是火鍋，最過癮的是可以外帶飲品/嘢食！最後一晚，盡興吧！！
經過昨天咁hea的行程，今天搏命了！！買了套票包兩晚飛船酒店，大馬戲門票，和「三天」的珠海長隆海洋王國/宇宙飛船門票。食完酒店的自助早餐，就快快手去飛船酒店check-in，換定馬戲團的門票，每人加了¥50劃位，晚上不用排隊。之後，09:20就衝去宇宙飛船玩！！不用多排隊，玩完一個又一個。看了虎鯨的表演，很懷念小時候看香港海洋公園的大白鯊表演。（大白鯊=虎鯨，原來是海豚的一種）玩到好似無食午餐，又無食晚餐，就去睇大馬戲，頂唔順買了些小食，哈哈！！90分鐘的馬戲好好睇，完全沒有悶埸！！完咗之後，又衝出去食晚飯了！！細佬食咗兩碗飯先，哈哈，真的很餓！！
哈哈哈⋯⋯原來復活節有13日假！！三月的測驗考試週忙到沒有計劃這個假期。最後，「last minute deal」去珠海四天吧！！坐直通巴士直接去到珠海，其實車程一個小時多，但要上上落落過關，最後都要兩個半小時才到達珠海。第一站去「始創方」，是一個新商場，人流唔多，但有足夠的食市。指定動作，飲嘢食嘢同玩！！Yeah！！之後就返酒店游水，依到的酒店泳池要帶泳帽！！記住記住，下次要帶泳帽！！晚上，去了横琴中央區，好多嘢食呀！！仲有市集添，見到隻飛天鼠，好得意呀！！
復活節留港消費，就係俾錢參加比賽，攞返個獎牌留念一下！！哈哈！！細佬，你團火幾時先出？！
上次吱吱和嘩嘩踩單車，林生沒有陪同，佢哋不斷話好好玩，所以林生又想踩下嗰條路線⋯⋯但今日天氣麻麻，不過小朋友咁興奮點會唔去？！林太係唔識踩單車單，決定喺中途站——科學園，等他們一起吃午飯。佢哋由馬鞍山出發，經大埔海濱公園，再到科學園午飯。午飯後，已開始下雨，唉⋯⋯唔去大埔海濱公園，快啲完成，就可能避開今次埸雨⋯⋯不過，在雨中踩單車，他們也很興奮，其實都熱到濕晒！！好彩沒有意外，亦沒有病到！！完成！！
好似好耐冇去過離島，第一日放假就入長洲走一趟。等船的時候好似好多人，但入到去，又不是太迫哦！！好似好多長洲居民返去拜山，所以其他地方都唔係好擠擁！！行完張保仔洞之後，就去到長洲鐵漢食午飯，長洲都有串燒食！！又chill又好食，正呀！！再去沙灘玩多陣，就返去了！！
係喎，真係好鍾意睇戲喎！！其實係林太有朋友仔有飛，諗住去睇吓愛情片，原來是貓王的第一任和唯一任太太Priscilla，原來貓王十分情深！！之後，復活節假沒有安排活動，所以諗住同小朋友去睇戲，買了哥斯拉！！到星期五上午，細佬圍棋比賽中，無無聊聊，再去睇多一場早場。所以就搞到差不多一日內看了三套戲！！三套完全不同風格的戲，還可以吧！！
又食High-tea！哈哈！不過，不太吸引，因為年年都見，年年一樣，而且Cova的High-tea太多tart⋯⋯嘻嘻
原來細佬只學了圍棋一年，短短的時間，已經參加過好多次比賽！！有時候，只要小朋友喜歡，就會自發地做！！記得細佬剛剛學的時候，就是第一次係依到參加比賽，記得結果是「全敗」，玩了四局之後，佢個樣攰到⋯⋯林太永遠都記得，因為未見過佢咁攰，哈哈哈！！但之後，佢屢敗屢戰，今次又要返返嚟比賽！！已經升咗一級，C1組，結果是四勝一敗，殿軍！！噢，又是殿軍，不過好彩都有個盃仔！！下次再努力吧，向頭三名進發！！
三月有細佬的考試週，又有「全方位學習日」，所以好多日早放！！淨係做家姐的飯盒，所以可以玩吓，做了「三文魚茶漬飯」、麥當勞外賣、麥當勞炸雞炒意粉⋯⋯哈哈哈哈⋯⋯
喺Facebook ，成日見到Paul哥哥的廣告，可能是有朋友去過，參加過他的活動。林太其實想俾細佬試吓，因為佢學校作文，要求甚高。所以林太想細佬跟到學校的要求，更有自己的作風就更好了！！佢復活節假已經開始，第一日復活節假就是去了寫作班，哈哈哈哈⋯⋯有蛇的地方，林太當然唔會出現，林生帶咗佢去。佢寫嘅文，短短的文章，已包含很多生字、四字成語，又幾好喎！！識林太的朋友都知，超驚蛇，肯download有蛇的相，已經是大愛！！哈哈！！
