年初五的長洲

好似好耐冇嚟長洲，星期天去長洲走走⋯⋯今天遲咗出發，去到飲完咖啡再食串燒。之後才踩單車，去張保仔洞，所以人比較多，入去張保仔洞都要排隊！！而且，人太多，張保仔洞出口的樓梯已經俾人踩爛咗，大家都要你踩我踩你咁出去！！

長洲 // 公公，生日快樂！！

2021年已差不多完，聖誕假也差不多完，係時候要去一去離島！約了”壽星公公”去長洲行一行，食吓海鮮。今日長洲都唔少人，張保仔洞都要排隊，所以只玩了一次！！婆婆都入咗去，勁呀！！之後就食海鮮餐，再周圍行吓。生日快樂，公公！！

偽旅遊 // 長洲 // 張保仔洞

星期日，林太諗住不用踢波，可以休息休息！比他們選擇睇戲/長洲，他們竟然選擇去長洲，一仆一碌出門口，坐十點船，開始一日「又曬又熱」之旅！行程是No.11 Brunch -> 單車 -> 張保仔洞 -> 行街 -> 三：三 下午茶，四點船走了⋯⋯今日不是很多人，幾舒服！！而且三：三很有驚喜，又靚又好食！！

長洲 // 張保仔洞 // 島中坊研樹下店

今天是星期六，難得吱吱和嘩嘩不用上興趣班，左諗右諗可以去邊？！又要避開人群，又想曬吓太陽吸收新鮮空氣！？最後，去了長洲。例牌活動，踏單車，趴張保仔洞⋯⋯午餐去了島中坊研-樹下店，係佢未開門就入去坐，之後要排隊呀！！