陸運會 2025

今年沒有落雨，仲好鬼曬！！相信又黑咗兩度！！同樣地，林生被安排玩親子比賽和家長比賽，哈哈！！林生和吱吱緊張了幾日，無端端贏咗個亞軍，哈哈，well done！！

聯校音樂大賽2025 // 小學弦樂(小提琴)獨奏 - 高級組

吱吱第一次的現埸比賽，自從COVID-19後，全部考琴和比賽都是錄影，一直未轉返現場。所以吱吱喺佢嘅錄影Comfort Zone好耐，今次特登報現場，半氹半就，佢先肯參加！！結果，不錯喔！！Well done！！多謝伴奏姐姐，都好last minute先搵佢，又夾得幾好！！哈哈！！

香港校際合唱節2025比賽暨大師班

又來追星，今次好好多，不用排隊，只是上網預購門票就可以了。而且是高級組，其他學校又冇咁多人追星，所以好易買飛！！哈哈哈⋯⋯「大師班」原來是指比賽後會有大師指導，so good！！林太相信「名師出高徒」，真係俾高人指點吓立即好好多！！

Last day of School

又過了一個學年，進入「新常態」。由停課無所事事，到Zoom，復課，自我檢測⋯⋯好似已經適應了！！吱吱小一的成績都還可以，但一踏入小二，好像文盲一樣！！花了很多時間才「適應」！學校的群體學習是重要的！！吱吱更攞了《周淑儀女士紀念獎學金—學業進步獎》，小三繼續努力！！而細佬⋯⋯太小返學了，還是一個曳人！！坐不停，不停說話，唉⋯⋯小一，祝他好運吧！！

《飛．裳．感謝你》創意比賽同樂日

又是林太在Facebook睇到的廣告，吸引咗去參加。見佢HK$100一個小朋友可以玩一個下午，又可以試玩草地滾球，話晒都係香港隊！！所以就參加了！！真係玩了一個下午2:00-6:00，太厲害了！！林生林太都累了⋯⋯哈哈！！除了草地滾球，還有紙飛機比賽，和環保衣服設計比賽；吱吱仲贏了”最能傳達愛意獎”，但嘩嘩就沒有獎，佢有點失望⋯⋯吱吱和嘩嘩仲走咗去”畫玻璃”！！

《展我繽紛》銀獎

嘩哈哈⋯⋯銀獎哦⋯⋯恭喜恭喜！！

但林太都係覺得是豬肉獎！但無論如何都是很好的鼓勵，吱吱加油啊！！

第十二屆全港學生公開朗誦比賽 二朗

吱吱K1嘅時候參加過朗誦比賽，練習到”滾瓜爛熟”，但最後比賽嘅時候喊到成隻樹熊咁！！林太一直不敢幫吱吱再報朗誦比賽，但係Facebook見到依個朗誦比賽有”二朗”，可以邀請吱吱嘅好朋友陪佢一齊參加，可以壯吓膽，哈哈！！

吱吱同佢嘅朋友仔星期日練習咗一次，今日就嚟比賽。好彩兩位小妹妹都記得，表現不錯！！冠軍是88分，他們拿了85分，攞了”honorable mention”，不錯不錯！！下次再努力吧！！

http://www.recital.com.hk/recitalwww/run/Page/index

幼兒組K2 English: The Cat and The Mat

舞蹈世界盃 Dance World Cup 2019

小小年紀的吱吱，第一次踏上舞台，第一次參加比賽（4-5歲組合）。林生林太沒有期望攞獎，只是希望他吸收經驗，建立自信心！！所以全家人一齊去支持（還有梁爸爸和梁媽媽），買咗五張飛，要HK$500，再加上報名費和租衫的HK$300，總共用了HK$800，這個經驗都不便宜喔⋯⋯

比賽當日在大年初五，個幾星期沒有練習，最後一次練習時都幾好，但今日就好似唔記得晒咁，哈哈哈！！不過小鴨子們咁可愛，冇所謂啦！！！原來這組年齡只得兩組參加，所以得到銀獎！！！是一個很好的鼓舞，下次再努力吧！！

http://www.dwc-asiancup.com/zh-tw

101全港兒童年度聖誕繪畫大賽2018《我最愛的聖誕大餐》優異獎

林太又一多手之作，行過見到《聖誕大餐》繪畫比賽，見吱吱之前畫個幅都算貼題，就用$150參加了！！攞了《優異奬》，有30名，唔知有幾多個小朋友參加？！大人就覺得是豬肉獎，但對小朋友來說是一個鼓勵！！哈哈！！

主辦機構是101 Learning Mall，頒獎典禮還有攤位遊戲玩，睇咗一陣，玩咗一陣！！