返大陸騎馬

林生無端端即興，帶咗兩小寶返大陸，星期日騎馬！！其實騎馬只是半個鐘，但唔想咁趕，所以星期六晚就已經到大陸，瞓咗一晚。飲飲食食，再騎馬！！家姐啱啱測完驗，都應該休息一下；但又到細佬要考試了⋯⋯加油啊！！

中秋節快樂2025

又到中秋節，中秋節快樂！！林媽媽永遠都是正日做節，梁婆婆都是正日做節，所以預先同梁婆婆慶祝。今年有去維園睇燈飾，比上年更熱鬧，好多人呀！！家姐今朝早有返學，所以都有點攰，等唔到火龍返維園，下年吧！！祝大家人月兩團圓，身體健康！！

Back to school 2025

又到開學日，祝你們開心上學！！繼續充滿好奇心，想知想問。不過，要練習！！有天資，不練習，是枉費！！

兒童暑期聲樂班

吱吱完成咗一連八堂嘅聲樂課程，本來唔肯表演嘅佢最後自己話要上台表演，勇氣可加！！仲要唱首咁難嘅歌！！其實林太已經好感動！小寶寶長大了，自己解決問題，自己決定！！Well done！！

適合對象：4-12歲的小朋友，特別適合初次接觸聲樂的孩子  

課程內容：8堂聲樂課程+ 3首音樂劇歌曲 + 畢業音樂會

課程時間：2025年7-8月 

班級人數：3-6人  

費用：＄2,880 / 8堂 (包一次演出費用）

表演時間：24 Aug 25

表演地址：上環文娛中心演講廳

祖孫廚房

嘩！！世界上真是有免費的午餐！！哈哈哈！！！小童群益會舉辦的「祖孫廚房」，又有得食，又有得玩，又有得煮，又有禮物！！太開心了！！謝謝梁媽媽陪吱吱玩了一天！！

Kayak

一年一度的林家Kayak！！唔知從幾時開始，每年的夏天都要Kayak！！但係今年由七月開始就是下雨，每個週末都是下雨，一係雷暴，一係打風，一係黑雨⋯⋯暑假都就放完，都冇乜晴天，所以今日無端端見到個太陽，就衝咗去Kayak！！多謝林生的陪伴，成就「Kayak傳統」！！

Sport Day

其實有咁多種運動，又有新興嘅運動，小朋友又使乜咁快揀定吖！？林太覺得小朋友應該多嘗試，多體驗！！最好，乖乖聽教練講，哈哈哈！！聆聽同服從係要學㗎！！佢哋玩完之後，覺得Cricket好好玩！！

利物浦香港季前巡迥之旅2025 // 足球訓練營

其實林生、林太都唔係好睇足球，不過利物浦咁出名點會唔識？！聽到有利物浦足球訓練，就立刻報咗！！家姐竟然都話去！！！足球場，又曬又熱，都頂咗40分鐘！！強勁！！之後室內仲有Mini game，又有嘢食又有嘢玩，thanks for having us！

日期﹕ 2025年7月23日(星期三)

時間﹕ 下午2:00 - 下午4:00 

足球訓練營時間：下午2:30 - 下午3:30 

地點 ﹕ 香港足球會 (主球場, 香港跑馬地體育路3號) 

Gatsby’s New Pet // 細粒 // 暑假開始

教育局無端端宣佈今天停課，但今日又天朗氣清，冇咩嘢好做，就要找數！！細佬全科合格，還有一個A，所以可以去買倉鼠一隻！！！哈哈哈！！！特登去金魚街睇倉鼠，因為有多啲可以揀！！細佬左揀右揀，揀咗佢返屋企！！大家好，佢叫「細粒」！！即將陪伴大家過暑假！！

Waterloo26.loft

吱吱已經上去畫咗幾次畫，林太亦都陪公主讀書，一齊去畫！！其實都幾靚，又幾易畫！！都OK啦！！

April - June’s lunch box

收爐收爐！！其實由復活節開始，家姐和細佬嘅返學放學時間都唔同，又早放又考試，奇奇怪怪的時間！！終於可以休息，唔使煮午餐！！Yeah！！

陸運會 2025

今年沒有落雨，仲好鬼曬！！相信又黑咗兩度！！同樣地，林生被安排玩親子比賽和家長比賽，哈哈！！林生和吱吱緊張了幾日，無端端贏咗個亞軍，哈哈，well done！！

LamB’s 11th Birthday // Oolaa

11歲，好似大個咗咁？！但有時仲好BB！！細佬以前試過唔開生日會可以折現，吱吱又想，但個傻妹開價係HK$100！！！哈哈哈！！！佢問HK$500都好似唔好意思咁，好好笑！！！吱吱想要隻Stanley保溫杯好耐，之前有機會買，佢又扭扭擰擰，想睇實物顏色⋯⋯今日生日，終於去買咗！！小學界嘅名牌水壺，Stanley！！最後都冇搞生日會，只是一家人出去食個飯⋯⋯生日快樂，我嘅「開心果」！！Love you always！！ Home | Oolaa Group