「站見」鐵路展

今朝早細佬去咗大學裏面做人哋研究嘅對象，30分鐘收咗$150，哈哈哈⋯⋯所以順路去了紅磡地鐵站的鐵路展。其實鐵路展開咗好耐，所以都有睇過人哋嘅相。不過，都同細佬去去吧！！細佬不是鐵路的超級粉絲，本來諗住佢冇乜興趣！？但可能林太之前去旅行，細佬問點解唔同佢去，林太答佢：因為佢唔鍾意睇博物館。可能佢耿耿於懷，嚟到鐵路博物館，佢就好雀躍咁周圍影相！！其實林太之前都冇見過/坐過Ktt，所以林太都覺得Ktt好靚，仲靚過高鐵，哈哈哈⋯⋯而細佬對以前嘅襟章/制服、車頭、車卡好有興趣。值得一看！！

「站見」鐵路展網上預約

會展站

細佬要去會展站睇炸彈，講了幾日！林太想睇吓去黃埔經東鐵線會唔會快啲，如果快啲，送細佬上劍擊都方便些⋯⋯所以今日行程係：堅尼地城>金鐘>會展>紅磡>何文田>黃埔>油麻地>金鐘>堅尼地城，坐咗五條線，救命呀！！坐到傻了！！玩咗個幾鐘的車程，同站出，大人HK$10，小朋友HK$5。幾好的親子活動，哈哈哈！！

土瓜灣地鐵站

屯馬線即將啟動，今日土瓜灣站首次開放比人參觀，林太見有入埸證，八八掛掛入去睇吓！！其實屯馬線離我哋較遠，可能好少機會坐到，不過可以連起兩條鐵路，是一件很棒的事，去支持一下！！細佬知道自己參觀新地鐵站，本來很興奮，但去到時突然落大雨，又濕又要等，所以訪問佢時，問佢鐘唔鍾意地鐵，佢話：「唔鐘意！」哈哈哈⋯⋯多謝邀請！！

港鐵與您歡度復活節 — 魔術工作坊

假期的第三天⋯⋯

由Mr Banana哥哥教的魔術班，教了兩個小魔術。魔術就是不能說的秘密！！依兩個魔術就是全家人都知道的秘密、很可愛啊！！

但林大小姐學識了第一個魔術之後，就開始發夢，第二個魔術已在遊魂，激死呀！！
https://www.veryhappybanana.com/

「港鐵安全體驗天地」參觀活動

新年最後一天的假期，約了吱吱的同學仔們去「港鐵安全體驗天地」。其實是林太的私心，自己想去，但他們只接受團體報名，所以林太就膽粗粗報了，好彩有咁多小朋友一齊玩！！依個活動是免費的，建議比五歲以上的小朋友參加，K2的小朋友大部份都是四歲半至五歲，應該都可以吧！！（不過嘩嘩都參加咗！！）可能他們有點坐不定，但已十分專注，其實佢哋留心聽咗嘅記性係好好㗎！！！今次帶依個活動嘅哥哥都十分之好人，亦令到小朋友們十分專心，謝謝哦！！還有少少紀念品，實在太豐富了！！

「「握扶手，企定定！！」」

http://www.mtr.com.hk/ch/customer/community/safety_zone.html