劍擊 // 第三屆文燕盃

林太又係Facebook搵到免費劍擊比賽，平時一個劍擊比賽要$500至$600，當然立刻報啦，好彩又抽到！！其實林太覺得細佬實力未夠，所以林太唔想俾錢去輸，有免費的比賽，就去練吓吧！！不過，經過暑假上多幾堂，好似又好咗啲，姿勢靚咗少少⋯⋯竟然出到線！！再接再厲吧，加油！

賀國慶迎全運，東區青少年劍擊比賽 // U10男子重劍

林太又係無無聊聊上網時見到免費報名，就幫細佬報咗名。可能是免費吧，當天有六個人沒有出席，直接變成16人參加。諗住有機會打吓淘汰賽，點知淘汰賽只有頭四名出線！所以打完小組賽已經可以返屋企，哈哈哈哈⋯⋯

中銀青少年發展計劃全港小學分區劍擊比賽2025 // 港島西區男子丙組重劍

細佬真係好耐冇練過劍，但俾人揀咗去做校隊，就硬着頭皮比賽吧！！小組賽全敗！！結果沒有機會去淘汰賽，唉⋯⋯見到佢個樣，覺得他喜歡圍棋多啲！！如果今日去圍棋比賽，結果會唔會唔同呢？

油尖旺青少年劍擊比賽 // U10男子重劍

雖然細佬開始「減操」重劍，但見到「免費」比賽林太又報了！！哈哈！！因為免費，所以勁多人參加，但又抽到喎！！其實細佬不想參加，幸好有佢的好朋友一齊參加了！！細佬的朋友仔，今年的同班同學，他今年才開始玩劍擊，希望朋友可以延續細佬對劍擊的「火」！！加油！！

後會有期Primo

2020的暑假，細佬揀了劍擊，其實都唔係佢揀係林太揀！！由他們在尖沙咀搬到黃埔，一直跟住。喺裏面遇到好多個好好嘅阿Sir和Miss，但無奈真係有啲遠，要暫別！！細佬放學要上補習班、做功課，睇吓遲啲仲喺唔喺校隊？會唔會有機會返去的一天？再見。

http://mrslamdiary.blogspot.com/2020/06/primo-fencing.html?m=0

林家放暑假2024 // Allstar比賽

細佬第一次打團體賽，教練話差一個人，所以參加了。去到發覺其他團體的得三人，細佬變成大後備。去到全新的GO Park，只得一間餐廳，最少一小時排隊⋯⋯又熱又餓，食food truck頂住先。但原本1:00pm開始，最後2:30pm才開始⋯⋯其實佢已經無乜mood，第一場又無出場，到第二場先出。出去打五分，不停輸！回來時，比教練罵！！不是罵失分，而是平日的不認真！！！這個是細佬的弱點吧！！唉⋯⋯但全家人山長水遠來，陪你買這個教訓！！好好記住吧！！

中銀青少年發展計劃全港小學分區劍擊比賽2024 // 港島西區男子丙組重劍

Back-dated 29/06/2024

細佬第一次代表學校參加比賽！！WOW！！其實是丙組，通常是小四學生，細佬小二，算是越級挑戰吧！！都預咗輸，最後，28人排20人，繼續努力！！林太去咗旅行，無得睇佢嘅「英姿」，哈哈，下次吧！！

Primo U8 Epee

大大話話細佬已經學咗劍擊四年，有時真係好想放棄，佢Hea下Hea下咁上堂，都唔知道佢鍾唔鍾意？！但係每次見到佢勝利嘅笑容，真係好心甜！！一個由心而發，自己爭取每一分的勝利，自信心的笑容！！男孩子就是這個「charm」吧！！細佬，加油啊！！

AFHK 2024 Easter Cup Competition U8 Epee

復活節留港消費，就係俾錢參加比賽，攞返個獎牌留念一下！！哈哈！！細佬，你團火幾時先出？！

Primo Fencing Epee Challenge U7

劍擊學校校內比賽，冇其他人，唔代表唔難⋯⋯唉⋯⋯結果就係食白果！！！噢！！下次再努力吧！！

ElitePlus Fencing Challenge U7 Epee

其實比賽應該要懷着甚麼心情？見到別人家的孩子只攞到第二都發脾氣，心有不甘。我家的孩子：「噢！我有第五名呀！」之後，去咗玩。是他不夠認真？！還是，自己知自己是，不夠斤兩？！不過，上次對依位妹妹大敗；今次，追到10:8先被淘汰，都算是有進步吧！

Primo Fencing Challenge U7 Epee

細佬學花劍，hea吓hea吓咁學，都已經學咗三年幾，一個星期一堂，就是這樣子⋯⋯佢一直唔肯參加比賽，又唔肯加堂/加操。終於，比阿Sir發現，好一句問：「俾你hea多年，之後你想點？」唔繼續學，咁不如唔好學！？小朋友再hea多年，就會冇興趣。「其實你想點？」林太聽完之後，都諗咗好耐，不如就試一試，加操！！咁啱知道佢學校想出重劍隊，同阿Sir商量後，不如試吓出重劍比賽，就出賽吧！！今個月經過四堂的一對一，阿Sir加操佢嘅體能，見到佢有好大的進步，把劍終於有用，哈哈哈⋯⋯

堅持、堅持、堅持

細佬其實上劍擊堂已經三、四年，但好似都沒有什麼成績？！應該放棄？還是堅持？真的很難決定！！依家仲咁細，大些的時候可能會轉運動？！而家還值得投資咁多嗎？但係林太覺得，運動係要佢學識「堅毅」！！佢好似還未做到，應該要放棄嗎？

香港劍擊學院2021年第1季比賽

嘩嘩由K1暑假開始學劍擊，都有九個月，但因疫情都有停過。林太心急，諗住攞多張cert，諗住攞個第四或者安慰獎都好吖！！08:30去到將軍澳，仲早過返學，等到09:15開始。只有五個同齡小朋友，其他的都好強，好有氣勢！！一出埸就不停進攻，督督督督，迫到人出界！！就是這樣，嘩嘩輸了四埸，不能進級，連安慰獎也沒有⋯⋯嗚嗚⋯⋯下次再努力吧！！嘩嘩take it easy既性格，周圍同人講：「我輸咗呀，最尾嗰個，哈哈！！下次再打過啦！」

Primo Fencing 小人仔小比賽

之前的暑期證書課程已完結，還有個小比賽，今日舉行！！當然是分年齡，和分性別，所以有四組，總共十四個小朋友。嘩嘩個組個個都細細粒，沒有甚麼技術，就是鬥快冲呀！！哈哈哈⋯⋯很可愛！！嘩嘩個組四個小朋友，攞了亞軍，哈哈！！

Primo Fencing 第十一堂

原來細佬已經完成劍擊的暑期課程（10堂的補堂），今日已是第十一堂！！不過，因為疫情未能有小型比賽。見到佢咁開心，又咁型仔，繼續上吧！！加油呀，細佬！！

Primo Fencing 第一堂

吱吱復課，嘩嘩到九月一日才返學。學校的功課不多，他的暑假好像已經開始！！哈哈！！那就開始上暑期班吧！！

第一個暑假班 —- 劍擊訓練！！

一個星期一堂，十個星期後有個小型比賽，仲有cert攞，HK$3300。不錯不錯！！今日是第一堂，林太留了喺裏面陪嘩嘩上堂。他真的不怕羞喎，成堂都聽到佢把聲！！哈哈哈！！佢好似好鍾意哦！！希望你繼續努力啦！！做一個林太心目中的型男，哈哈哈哈哈⋯⋯