今日遲咗少少起身，終於可以食早餐！！去食返碗泰式船麵，不過不是一碗，而是十幾碗！！碗碗都細細地，16銖@，叫到成枱都係！！之後，就去到「Sense of Thai」租泰服，預約十點半，九點半到咗，好彩都可以開始。加100銖可以set頭，林太見咁抵就加了，不過最後等/攪了一小時。先坐船去「鄭王廟」，林生不肯比錢請攝影師，話唔夠靚，所以就自己影。見有船，就坐船返去「大皇宮」，先食午餐，再入大皇宮。個入口好遠，行到過去先知女裝泰服不能入大皇宮。失望地行返轉頭⋯⋯有舖頭叫林太買件衫仔就可以，結果，加件衫仔再入⋯⋯好彩入了，到此一遊！！真係好大，行到腳軟！！又攰又肚餓，食個早飯，再行過⋯⋯再shopping！！
