色蜥，再見！

色蜥係幾個月大的時候，已經發覺個冠有一粒「嘢」，但睇了醫生都冇乜用！？依粒「嘢」仲越來越大，大到影響他的生活。依幾個星期，色蜥已經不夠膽在高處爬行，要行到好近食物才能進食，唉⋯⋯唔知道佢係咪好痛呢？好辛苦呢？依兩天只趴在同一位置，飲一飲水。到尋晚，色蜥走了，顏色都變了！！今早，同小朋友道別後，就帶他上西高山⋯⋯再見了！！多謝你來臨這個家庭，讓我們認識你，高冠變色龍，會生蛋，會變色的！！

小記者系列 -- 色蜥生蛋

色蜥胃口變差，個肚又大咗，所以加了泥比佢，佢應該是”ready生蛋”。放了泥入籠後，佢不停掘泥！！日日在掘！！掘到翻天覆地！！尋日，牠停了！！發現有兩隻蛋在泥中。Google了一輪，原來牠們不停掘，當停了就已經生完。因為沒有受孕/精，是不會孵化的，需要將蛋掘出來，處理一下。（之前的紙箱，林太做了兩枝microphone，就由小記者報告一下！）

色蜥睇醫生

兩個星期前，色蜥”個冠”一邊有粒瘡仔，沒有變大，但又沒有縮細。嘗試過擦betadine，沒有幫助。又等了脫皮，諗住會一起脫走，又沒有。林生擔心是真菌感染，最後帶了牠睇醫生！！醫生幫佢篤穿粒瘡，打了枝針，比了枝藥膏和消毒水，合共HK$730。希望會好返啦！！ https://noahs-ark-vets.com/

你好，田田！！

林生都是想要仔，左想右想，結果收養多一隻仔！！和色蜥是同一批蛋，所以是兩姐弟，但孵化時間不同，相差兩個多星期。回來後，諗住一齊養，點知打交，不能一齊住，結果要分籠⋯⋯噢⋯⋯

20.09.2021

田田 （不喜歡的話叫牠：填填）

身長：3cm

重：2g

回來後，已脫皮兩次，大得真快！！

色蜥日常 08-09.2021

色蜥嚟到林家已有三個星期，林生日日同色蜥談心，靜靜地坐在露台對望⋯⋯哈哈！？依三個星期，確定了他是女仔（但林生想要男仔），見證佢脫皮/換皮，又大隻咗！！仲有，出籠後都夠膽食嘢！！

色蜥回家

林生上次玩完的變色龍BB，想了又想！！決定收養一隻回家！！今日主人家開了個分享會，介紹返點養變色龍⋯⋯講了兩小時，林太就提心吊膽了兩小時，因為有蛇蛇在身邊⋯⋯最後，也把BB運送回家！！Hello，色蜥！！Welcome home！！

色骰生日：10/07/2021

色骰品種：高冠變色龍