演唱會 // e to E

兩年前E先生的第一個演唱會，林太去咗澳洲旅行，趕唔切睇。今年喺香港，又有朋友仔搶到飛，擔定凳仔等睇show！！林太當然鍾意E先生的風趣幽默！！仲要越嚟越靚仔，真係唔知點算！！哈哈哈！！其實見到佢呢兩年的努力，佢下的苦功，加油啊！！

《Evolution Nic Live》

由買飛到去睇演唱會，都是一件很夢幻的事！！林太平時做嘢慢吞吞，估唔到可以正價撳到張飛，而且個位靚到爆！！林太不是謝霆鋒的super fans，只是有朋友喺澳洲返嚟特登睇謝霆鋒，所以八八掛掛去睇吓啟德體育園的演唱會。入到去睇演唱會，當然嗌到七彩！！氣氛好正！！！其實首首歌都識，陪住成長，真係回憶殺的夢幻晚上！！

《郭富城ICONIC世界巡迴演唱會》

Yeah Yeah Yeah！！郭富城開演唱會！！林太第一次入紅館，第一次聽演唱會，就是郭富城的第一個香港個人演唱會《郭富城狂野誘惑巡迴演唱會》。他的生日在十月尾，林太的生日在十一月頭，所以那埸演唱會飛是梁爸爸送的生日禮物！！梁爸爸當年未買過演唱會飛，又最後一分鐘才買，最後沒有雙連位，梁媽媽坐在林太後面。當年場演唱會好正！！！郭富城真係好正！！今次的演唱會，佢雖然跳小咗，但58歲，又fit又靚仔！！正！！！

MIRROR FEEL THE PASSION CONCERT MACAU 銀河綜藝館 // 12小時澳門之旅

對哦，林太「又」睇MIRROR演唱會！！因為澳門朋友仔通知林太他們加場，但銷售麻麻，還可以選到位置，所以就買了⋯⋯結果，12小時澳門之旅成團！！今次無乜計劃，想飲杯咖啡，打吓卡，哈哈！！所以朋友仔帶了去「路環」！！個葡撻勁正！！四柸咖啡各有特色，柸柸都好好味！！可惜，最後趕唔切食個舒舒服服的晚餐，下次吧！！還有，最驚喜的是，演唱會的「free upgrade」，由$688變了$1488！！哈哈哈哈⋯⋯

11:30上環 》 12:30氹仔（因為張身分證未登記做e通道，所以搞咗好耐） 〉 13:30輕軌 》 14:00文哥咖啡 〉 官也街 》 銀河酒店 〉 銀河綜藝館（視察環境） 》 17:00路環 〉 19:00巴黎人搵食（餐廳要攞飛仔，等咗陣，搞唔掂） 》 20:30演唱會換飛 〉 20:50開場 》 23:00完場 〉 23:59氹仔坐船

MIRROR FEEL THE PASSION CONCERT

上次E先生開演唱會時，林太仲喺澳洲旅行，趕唔切返嚟睇！今次終於有飛，可以入場睇啦！！Yeah Yeah！！林太都不算是超級fans，但係少少鍾意E先生囉！！哈哈！！Good show！！去亞博館睇演唱會，原來之後要喪跑去坐機鐵⋯⋯好瘋狂啊！！

《Another side…… Joey》演唱會

哈哈哈⋯⋯林生讓林太睇演唱會，事關得一張飛！所以林生做了司機！！林太都是第一次在演藝學院睇演唱會，估唔到小小的舞台都能千變萬化，幾靚幾好睇！！

《弦續李克勤‧港樂演唱會》

嘩～～有靚位睇演唱會！！今次簡直是靚聲！！小提琴家和管弦樂團勁到爆！！正！！還有兩屆《中國好聲音》冠軍的伍珂玥及梁玉莹來當嘉賓，又是靚聲！！最攪笑的是演唱會前的晚餐，林生林太由上環行到中環都搵唔到嘢食，一係排長龍，一係唔開，哈哈哈！！

《陳奕迅Fear and Dreams》

Yeah Yeah Yeah！！到林生林太睇了！！要知道係香港買演唱會票難過買機票！！今次都係有朋友幫手才買到！！難得睇演唱會，林生林太偷走出去食個晚飯，平日已經經過「鯛白湯らーめん○de▽」，好似好好味！！今日去試吧！嘩！個魚湯甜到不得了！！正！！食飽飽，一早去到紅館，坐定定等開場。今次個演唱會好似一個歌舞劇咁，雖然只開三面台，但已很震撼！！正！！而且好識帶動氣氛，所以超正！！

《羅文•傳承全城紀念演唱會》

吱吱無端端有得聽演唱會，人生中第一次入紅館，唔知佢有咩感覺呢？！事原有人買咗飛去唔到，結果就是嫲嫲帶着孫兒去聽演唱會！！哈哈哈⋯⋯不過是聽羅文的歌，唔知吱吱有冇聽過呢？！睇到十一點幾先返屋企，佢話好好睇喎，哈哈哈⋯⋯林太反而要睇電話裏的video，哈哈！！

《羅文•傳承全城紀念演唱會》

演出歌手有張敬軒、容祖兒、汪明荃、羅家英、米雪、鄭欣宜、王菀之、草蜢、泳兒、陳潔靈、女團XiX等，演繹羅文金曲致敬。張敬軒穿黑色套裝打頭陣唱《好歌獻給你》揭開序幕。容祖兒以徒弟身分壓軸登場，唱完《留給這世上我最愛的人》及《掌聲響起》後，台中央升起掛有黑色紳士帽的mic stand，屏幕顯示羅文生前戴紳士帽微笑的照片，配合舞台煙火效果。

林生林太第一次拍拖睇演唱會！

《鄭欣宜 Between Us 演唱會2022》

嘩哈哈⋯⋯原來林生係未聽過演唱會！！紅館現場的演唱會！！但係佢又唔會自己去買飛，所以一直都未有機會去，哈哈！！多謝朋友仔多了兩張飛，等林生可以入去開吓眼界！！哈哈哈！！不過⋯⋯是山頂位，就算嘉賓是Anson Lo，都睇得唔多淸楚，不過林太嗌得好興奮！！哈哈！！