中秋節快樂2025

又到中秋節，中秋節快樂！！林媽媽永遠都是正日做節，梁婆婆都是正日做節，所以預先同梁婆婆慶祝。今年有去維園睇燈飾，比上年更熱鬧，好多人呀！！家姐今朝早有返學，所以都有點攰，等唔到火龍返維園，下年吧！！祝大家人月兩團圓，身體健康！！

中秋節快樂！

復常的中秋，條街明顯熱鬧咗好多！！食完飯，仲可以行夜市！！不過，今年無買燈籠，哈哈！！

中秋節2022 // 中秋假期

上星期五，細路學校送了一大盒麥提莎！！勁大盒朱古力，細路超勁開心，甜甜蜜蜜地開始三日的 long weekend！！其實都無乜特別，都是家人食個飯，出去海旁追吓月！！祝中秋節快樂！！

DIY — Lantern

今年挑戰難度，自己整燈籠！！哈哈！！因為一直搵唔到個靚的，又見到DIY pack（$15 only），所以就買嚟試試！！林太諗住好簡單⋯⋯嘩⋯⋯左攪右攪，攪唔掂！！搵林生出馬，哈哈，好小小！！起碼似條魚吧！！

DIY — 角落生物冰皮月餅

又來整月餅，見佢咁平玩下啦！！HK$288一人四個冰皮月餅，可以包班！但其實個皮和餡料都一早預備好，所以其實係玩造型，好似玩泥膠咁，哈哈哈！！嘩嘩又是光速完成，唔理靚唔靚，完成就得了，之後就搞搞震！！女校男生成日聽到「你好嘈啊！」「唔係咁㗎！」「你坐好啦！」其實成日聽，可能佢已經免疫！！哈哈哈！！林太叫細佬：「林生呀⋯⋯⋯」細佬話自己不是林生，咁係叫咩呢？有個女同學搶答：「佢係何太！」女同學姓何，哦⋯⋯⋯竟然係咁！？哈哈哈！！

http://www.dreamsparty.hk/

奇華工作坊 // 角落小夥伴抺茶紅豆奶皇及蜂蜜柚子奶皇月餅

依家雖然只是七月，但月餅班已經開鑼！！今年奇華用了角落生物出月餅，所以林太都估到佢哋會有角落生物月餅班，就一早報了，嘻嘻！！細佬同同學仔一齊上，估唔到今日咁多男仔，哈哈！！其實奶黃月餅不是太難做，但佢嘅份量真係皮薄，18g的皮包17g的餡料。大部份步驟細佬都可以自己做到，除了包餡，真係有啲難！！哈哈⋯⋯製成品都有啲爆餡，裂紋，不過都算靚⋯⋯

• 課程可體驗製作「角落小夥伴TM抺茶紅豆奶皇月餅」及「角落小夥伴TM蜜糖柚子奶皇月餅」各4個 (自由挑選4款角落小夥伴TM造型月餅模)

• 獲贈「角落小夥伴TM限定中秋紀念品」（包括︰角落小夥伴TMA4文件夾及角落小夥伴TM貼紙各乙份）

• 獲贈「角落小夥伴TM現烤盒」1個

•HK$690（親子班）

中秋節慶祝會 // 后羿射日

今年中秋節有得返學，有得開慶祝會，有得角色扮演，真係開心到不得了！！玩「中秋角色」，作為男仔，只諗到后羿！哈哈！！就這樣吧，林太加了條毛，做了個太陽（細路叫林太做十個！？），弓加了條帶⋯⋯Yeah！！贏了「最佳造型獎」，多謝！！

2021中秋燈飾

經過年幾的疫情，好似大家已習慣。今年的中秋節可以聚一聚，各區都有燈飾，好似熱鬧過新年！！林家食飽飽也出去迎月一下，去咗維園睇燈飾！

月餅節2021 // 潮式紫薯酥皮月餅

又來了，同上年一樣，同一食譜！今次買來的日本紫薯，超甜呀！不過，酥皮需要改進，下次試用「無水奶油」先！！2021年第一盒月餅已送出，給太婆，祝中秋節快樂！！

月餅節開鑼！

今年九月就中秋！可以做月餅了，見細佬未上過cooking class搵個易些比佢！！細佬去了K11 Musea 的Harry’s Kitchen，而家姐去了Miu Miu Cat Homemade Desserts。兩間都係已預備饀料，沒有提供食譜，好唔好食都不能再做，哈哈哈⋯⋯不過一樣的價錢，Harry’s Kitchen地點方便，又有公仔，包裝又靚些，你會點簡呢？！細佬第一次上cooking class也不錯，大部分都是自己做，但他是心急之人，不斷問：「得喇，之後點做！」。而家姐的角落生物冰皮月餅絕對是心思之作，坐足三個半小時！！吱吱全程要自己做，林太在呆等，見到吱吱開始累，他都要繼續，欣賞欣賞！！預祝各位，中秋節快樂！！

Harry’s Kitchen

https://www.harryskitchenhk.com

如果你都想趁住中秋節，親手烘焙月餅🥮，再拎埋火箭造型🚀月餅盒兼燈籠走，然之後仲要去 Build-A-Bear 賦予毛公仔生命🧸，咁就要馬上報名「中秋童里遊太空」迷你奶黃月餅課程啦！只需一個優惠價錢，你就可以得到：

✅ 圖案奶黃月餅（6 件）課程🥮

✅ 火箭造型月餅盒兼燈籠🚀（附送小燈泡💡）

✅ Build-A-Bear 手造毛公仔🧸

早鳥優惠：$678

Miu Miu Cat Homemade Desserts

https://www.facebook.com/Miu-Miu-Cat-Homemade-Desserts-820613634815249/

中秋限定💥全新配方💕，軟淑不易塌！放雪櫃不會硬🎏！質料更好操作🙌！一次過做8個造型，3款味道(#現成低糖餡)：奶黃，芝麻，朱古力。課程無需烘焙經驗，由外皮調色開始製作，小班教學，額滿即止！有興趣快快pm我報名啦！

示範及實習🌻

🌷冰皮製作方法(需蒸煮)

🌷餡料處理(💥採用現成低糖餡)

🌷天然色及食用色使用及調色注意技巧

🌷包餡及卡通造型技巧

🌷剩餘冰皮儲存方法及成品儲存方法

🌷每位同學可以取走8款造型冰皮月餅，有包裝盒及食譜

費用: 每位$550 (親子+$100，共用一份材料)

中秋佳節

依家細佬返學只返一個鐘，真係好小時間。相信唔多夠時間教學，連燈籠也要回家完成！中秋慶祝活動都無了，以前會介紹一下中秋食品和生果，依家又要在家講解⋯⋯唉⋯⋯

中秋節快樂！

十月一日，國慶；農曆八月十五，中秋節；也是林生林太的農曆結婚週年紀念，哈哈！！買了早場睇《叮噹》，林生林太拖四。人哋唔知以為林生追仔？！哈哈哈⋯⋯睇完戲又拖四去食飯，再一齊整月餅！強呀！！中秋節快樂！！！

中秋節 // 鴻星盤菜

提早到梁爸爸和梁媽媽家做節，買了鴻星盤菜。訂是六人份量，剛剛好哦！！呵呵呵⋯⋯https://eshop.superstargroup.com.hk/zh-hant/Home/Index/7301/class-27286

月餅節

月餅節嚟啦，上次的紫薯酥不錯，所以再做給梁爸媽和太婆吃。再加上奶皇月餅！但第一次做，樣貌有啲醜！！因為要送/接吱吱和嘩嘩去興趣班，月餅皮忽然雪得太硬，一係等得太耐變了軟林林！！唉⋯⋯只是焗幾分鐘的時間，可以變到很深色⋯⋯好彩有同學仔的媽咪出手幫忙，送上靚靚盒，可以姐姐醜！！哈哈！！中秋節快樂！！ https://m.xuite.net/blog/littleblue0624/elfeebakery/231392237

DIY — 潮式酥皮月餅（紫薯）

之前買了紫薯做吐司，繼續用來煮嘢食吧！！見潮式酥皮月餅本來用芋頭，應該用紫薯都可以吧，試試看，味道不錯哦！！哈哈，紫色，看來仲靚哦！！ https://www.ohpama.com/589441/

農曆八月十五

今年的中秋節好早喎！九月中已經係中秋節！！好似一開學就已經中秋節，而且又撞啱星期六先至放假，所以冇乜中秋氣氛囉！！不過學校都繼續要小朋友自己動手做環保燈籠，爸爸媽媽不用操心，見到網上的親子燈籠都怕怕！！哈哈！！

中秋節晚上，都是一家人食飯，去了賞月和玩燈籠。遇見吱吱的同學仔，有勁多螢光棒，雖然有點唔環保，但都開咗啦所以玩陣啦！！

中秋節快樂！！