端午節 // 親子龍舟體驗日

見到呢個廣告幾年，一直都未夠歲數參加，今年可以了！但參加水上活動，保險只包識得游水50米者，嚇到林太有點卻步，不過最後也參加了！！因為疫情，已兩年沒有龍舟比賽，小朋友認識端午節只能在課本，可以參加一下，認識一下龍舟！！玩了兩小時，有三次比賽，吱吱話好好玩！！

競力龍舟健身中心(Power-D Fitness)

親子龍舟體驗日的活動日

集合/解散地點: 沙田石門安景街51E地段，中國香港龍舟總會訓練中心

八歲或以上，HK$180大小同價

DIY — Dragon boat

見端午節無得睇龍舟，諗住買個DIY套裝，反去應下節⋯⋯吱吱和嘩嘩好興奮呀，好比心機砌，但唔知點解唔爬既？！Why⋯⋯⋯噢⋯⋯唯有放喺度應下節算吧！！

龍舟水

端午節快樂！！

粽子節快樂！！

天氣實在太熱，林生林太沒有勇氣去沙灘游龍舟水，表姐們帶了吱吱和嘩嘩落了會所游水。哈哈⋯⋯林生林太係時候瞓個午睡！！嘻嘻！！

端午節

33度的端午節，本來想去睇龍舟，但見到個太陽真係唔多想出去，最後留咗喺屋企做功課，哈哈哈哈！！！仲有食吱吱做的糭，又幾好味喎！！特別節目，砌LEGO，端午節龍船特別版！！但他們都係有啲細，所以砌得好慢，砌完第一隻龍舟，係時候瞓覺了。

愛家庭議會 // 端午糉DIY親子團

多謝「愛庭議會」，中咗「賞食家庭第四回— 端午糉DIY親子團」，去到「一對手農舍」做糭子。林太第一次認識愛庭議會，原來是政府的諮詢組織，仲以為是私人添，哈哈！！

愛庭議會：

https://www.familycouncil.gov.hk/tc/main/index.html

一對手農舍：

https://www.ourhandsfarm.net/

今日9:30集合，10:00多開始，玩到16:30，六小時做咗超多嘢！！Crazy！！

活動詳情：

端午節將至，大家可一嘗包糭子應節。參加者會製作印尼一口糭，還有已經不流行於市的蘇木鹼水糭，蘇木除了加添漂亮的紅色之外，還有去瘀的食療作用啊！另外，也會製作大福草餅，草餅將會使用田裏的艾草著色，加上甜甜的紅豆饀，大小朋友一定可大快朶頣。

大家還可以按個人需要自行調配香囊，各種具有芳香的中草藥，如山奈、丁香、辛夷、蒼朮、桂皮、白芷等。

最後，端午節怎可以沒有放船仔？做好自己的竹船之後會進行最遠距離和承載最重比賽！

活動流程：

1. 制作：印尼糉（10隻）、蘇木鹼水糭（4隻）、大福草餅

2. 用農場香草選配藥材，手縫不同用途香囊

3. 享用午餐

4. 製作竹船，放竹船比賽

一睇個流程已經嚇呆，真係忙碌的一天！！林太和吱吱仲要自己坐地鐵入去，坐了成個鐘，好彩吱吱還有心機玩，而且天氣好好，好到14:00才下大雨！！總算是完成了所有項目！！

而且端午節包糉子，終於可以傳承比吱吱！！傳統哦！！