南丫島偽泰遊

吱吱有同學仔住南丫島，趁放假邀請咗吱吱入去玩！大頭蝦林太以為是生日會，原來只是單純的playdate。小朋友需要的play date！！從他們媽咪的口中知道更多學校的趣事，每個小朋友返到屋企只是剛一部份，砌砌埋埋終於知道發生咩事！！真係好笑！！同學仔的媽咪仲預備咗豐富節目，又玩水，又染衫，又YoMama！！真係辛苦了大肚媽媽，謝謝邀請！！

Bye Bye 3A

吱吱小三最後一天上學，今天是結業典禮！！雖然今年的成績普普通通，但係終於有得覆常返學，係一件開心的是！依班同學一齊成長了三年，樣子仍然很BB，但係高咗好多，現在你們長大了，很可愛！！今年，亦見到班主任的心思，搵個全級第一坐喺吱吱隔離，真係幫咗佢好多！！教佢做功課，默書，介紹英文書俾佢睇⋯⋯近朱者赤，近墨者黑的道理係真㗎！！Thank you！！九月大家一齊再努力吧！！（今年畫咗三個印章送俾老師）

白石燒烤

吱吱的小學由小一至小三都係同一班，所以班同學大大話話識了三年！！因為疫情都好少出嚟玩，下年小四就會分班，有同學仔媽咪鼓起勇氣，約晒全部出嚟玩！！去到白石燒烤，有水上瀡滑梯，雖然開頭落雨，但最後玩足一日！！第一次見到25個少女，其實都唔係好認得，哈哈哈⋯⋯https://whiteheadbbq.hk/

LamB’s P3 English Day

吱吱真真正正第一次參加學校的English Day / Book Day，可以扮書中人物，睇吓drama，玩吓攤位遊戲。最後，佢選擇了扮《Harry Potter》的Hermione Granger。林太又玩吓先，夜晚等佢瞓覺嘅時候，偷偷地將佢本手冊變成一隻小怪物，唔知佢打開的時候會係點？哈哈哈！而今日個飯盒，當然是他！Hope you enjoy your school day while you can！

LamB's P3 - final exam

今次兩位少主同月同日一齊考試！！哈哈！！可以幫/陪邊個溫？！溫了幾個weekend，都溫到儍儍地，哈哈哈⋯⋯希望可以順利升班，下年再努力！！Play hard, study hard！！

便當。第四次

又一個星期，有朋友仔指點，有動力繼續搓！

便當。第三次

第三次的便當，今次有高人指點！！幾靚！！不過靚，是付出代價的！！用了兩小時做個飯盒，值得嗎？！林太喺Facebook見到人哋嘅靚靚便當，其實人哋真係付出咗好多好多嘅時間和心機！！真心佩服！

LamB’s first Sport Day

復常，復常，終於有陸運會！！吱吱的第一個陸運會，學校鼓勵每一個小朋友最少參加一項比賽！吱吱參加了4X100米接力，比賽前，佢都覺得自己沒有機會贏，因為只係好朋友一齊參加，而不是跑得快所以參加。結果由第三棒開始，已是最尾嗰隊，結果雖然最尾，吱吱都繼續跑和完成！！而細路學校也是陸運會，但只有小三至小六參加，佢今日放假一天。佢無嘢做，所以偷運咗入嚟睇比賽，哈哈！！

小女童軍戶外活動

小女童軍要考章啦，佢哋今次考服務章，喺學校清潔班房，之後去社區執垃圾！！但唔知點解山長水遠去咗尖沙咀海旁執垃圾？！哈哈哈⋯⋯林生偷偷地去睇吓吱吱，點知俾佢嘅朋友仔發現：「嗰個咪係你爸爸？」哈哈哈！！

為配合小女童軍八項網領中「享受戶外樂趣」主題，培養隊員愛惜環境的良好品德，本校現安排小女童軍於日常集會日內，由本校老師帶領進行戶外活動。有關該活動之詳情及安排如下：

日期：2023年3月6日（星期一）

活動地點：由學校乘校車往尖沙咀星光大道→尖沙咀碼頭→乘撘天星小輪往中環→乘校車回校

出發時間：1:45pm

回程時間：4:00pm

第五十九屆學校舞蹈節

吱吱個傻豬豬話要入舞蹈組，林太一心諗住佢入唔到，因為小一至小三有150人篩選，只選20個。高手在民間，點會選中？！點知又比佢入到！？吱吱不太喜歡比賽，林太早已同佢講要比賽，佢話繼續，終於出賽了！！吱吱一直話自己做「大笨象」，「舞好BB」，「哈哈哈⋯⋯」，「唔係我跳錯呀⋯⋯」。今日，第一次見到依隻大笨象！！林生林太好早去霸位，但原來其他學校的家長睇完就走，所以也不用呢！！吱吱出場時滿面笑容，但跳吓跳吓佢個樣就開始緊張了！！哈哈⋯⋯跳完之後，一班家長像「追星」一樣等她們出嚟，拍照，送佢哋上校車！！Well done, my little elephant！ https://www.hksda.org.hk/