Madagascar The Musical

多謝Ohpama！今晚有得睇Madagascar The Musical，其實2019年睇過，但相信細佬已經唔記得！！林太本來同細佬去睇，但家姐仔仲考緊試，要陪讀呢！細佬睇完之後，成晚好好唱口！！

漁村深度遊 // 小小海洋家～海洋水質知多D

落咗幾日雨，今日天氣好好，最啱出海！！參加咗《小小海洋家》，認識一下香港漁業，新式魚網幾靚仔，而且比舊式的好！支持一下香港魚，買本地魚，減碳呀！！之後，仲用顯微鏡睇吓海水的微生物和貝殼類動物。最好玩都是「無鉤釣魚」，笑到林太肚攣，哈哈哈！！多謝邀請！！

Park Island // Noah’s Ark // Riva 灣Bar & Grill

林家第一次入馬灣，哈哈哈，真大鄉里！！因為好多人同林太講「不用去喇，幼稚園時一定會去，去到你唔去」。結果，兩小寶已讀完幼稚園都未去過！！哈哈！！去到食返個lunch，大部分餐廳都是12:00開，所以走了入一間11:30am開的餐廳。今次攞到免費一大一小的羅亞方舟入場門票，要多買一大一小，信用卡折扣後HK$320，包了工作坊一個/單車或家庭車。他們一早選擇了「3D模型打印創意工房」，沒有人排隊，一去到時間啱啱好。其實只是理論課，唔可以自己繪圖，由膠粒講起。課堂完咗之後可以選擇一隻公仔和一種顏色列印。之後，玩了兩次「童趣飛馳樂之旅」，爽呀！！在羅亞方舟內左行右行，玩理個公園就走了！！ 

https://www.noahsark.com.hk/eng/index.jsp

AME Academy 運動電競館

林太又在Facebook搵到免費飛，諗住超好玩，就叫了林生帶細佬去玩⋯⋯點知交通極不方便，不是屯門人都唔識去的地方，哈哈！而且好多部遊戲機都沒有開，一係壞，一係未set-up，唉⋯⋯所以只逗留了一小時，林生回來時的comment是「山長水遠，又冇嘢玩！」，嗚⋯⋯

https://www.ame.gg/ameacademy

Saturday // 侏羅紀迷宮 //香港藝術館 // 夏日快閃：機動恐龍展 // Lady Nara

又到星期六，林太的宗旨周末假日是玩玩玩的！吱吱幼稚園的時代玩得仲激，升上小學開始要溫習了，但冇理由剝削嘩嘩幼稚園玩的福利！！所以林太帶了嘩嘩由11:00上劍擊，12:30落堂，之後就玩玩玩，行行行，勁呀！！Facebook抽中的V Brain評估，又去睇睇嘩嘩個腦。http://vbrain.hk/ 評估結果是睡眠質素極差！！抗壓力指數較低，遇到不懂的事就會走佬，多嘢講，手快過個腦。又幾正確，但未有時間上課，諗吓先⋯⋯之後，就遊尖沙咀！！海洋中心》九龍公園〉侏羅紀迷宮》香港藝術館〉不加思索自畫像》海港城〉夏日快閃：機動恐龍展》Lady Nara！！真係行到腳軟！！行到老遠，得一隻恐龍，影一張相，細佬嘅反應係「吓！？玩完？」又再下一個景點！！香港藝術館幾靚，幾好hea，又舒服！！https://hk.art.museum/zh_TW/web/ma/home.html 見到「不加思索自畫像」的宣傳，所以就去了，不過好快就睇完。反而行了入去睇中國書畫，比細佬尋到寶，融入了投影，自己會好似係畫中！！相有180度，畫可以畫360度，甚至四季！又幾好睇哦！！最後最後，同梁爸爸食父親節飯，Happy Father’s Day！http://www.narahk.com/

試用專員 // 免費試穿 // UNIQLO活力褲裝

好耐沒有試用，今次仲要寄到去你屋企，不用去到將軍澳山旮旯！！So good！！而且係會/可以繼續用的東東，正！！

【李錦記網上親子日嚐煮食教室：在家。一起嚐】Oh!爸媽 X 李錦記

多謝Oh!爸媽！又有機會參加李錦記的活動，因為上次李錦記的活動超好玩！！今次係母親節特別節目？！比小朋友煮餐好嘅俾媽咪食？？全程兩個半小時，見到吱吱忙過不停，不過林太都沒有休息時間，要左掃掃右掃掃做清潔女工，哈哈！！林太最欣賞今次的食譜是用椰菜花砌成小粒扮飯！還有用檸檬雞的醬汁做甜品，原來醬汁不用煮就可以食用，哈哈！！Well done，吱吱！！

日期：2022年5月7日 ( 星期六 ) 

時間：10:30 - 13:00 

形式：網上Zoom 進行

導師：靚媽廚神梁雅琳Hilda Leung

前菜：香煎茄子小肉餅

主菜： 照燒豬扒紫菜包飯

甜品：檸檬醬奇亞籽布甸

屁屁偵探特展—香港篇 (2)

多謝親子王國送飛，吱吱可以再去，而林家可以一齊入去，哈哈！！其實兩、三年前，吱吱已迷上屁屁偵探繪本，之後到漫畫，再之後睇到電視卡通。真係好好笑，林太也看得咔咔大笑！！林生就沒有看書，一嚟就睇卡通。今次的特展，較似繪本作風，一格係一頁！其實不用一小時已經看完，和破解密碼，之後再填了顏色⋯⋯Thank you！！

【原味小煮廚】Oh!爸媽 X 李錦記

今個夏日，百年醬料專家李錦記 x Oh!爸媽舉行【原味小煮廚】活動，一家大細齊去農莊參觀，親自採摘由本地農夫耕種的有機農作物，配合李錦記優質醬料，帶出食材清甜鮮味，即場烹調出美味菜式，享受在地嘗鮮的滋味⋯⋯Yeah！林太成功參加了！！因天雨關係，第一次改期，改到今天。今天雖然仍有點雨，但無咁熱！！幾好幾好！！去了”小蜜蜂農莊”，全部都是有機！！摘了個木瓜，又摘了金桔，做鹹柑桔。之後，就跟著李錦記的師傅煮兩道菜：水晶冬瓜卷和南瓜餅。辛苦了一班工作人員，一邊在量份量準備，一邊洗碗！！所以煮得很快，很方便，賣相也不錯，哈哈！！多謝曬！！又玩，又食，又拎的一天！！Ohpama

Yum Me Play x Mercedes-Benz 親子賽車互動體驗

多謝Ohpama和Yum Me Play，送了兩張飛，細路和林生過了一個開心的下午！！問細佬最鐘意係咩，佢話係砌車！！砌車的LEGO係用碳合金，又輕又靚！！而個VR佢唔夠高，要坐係林生到玩，哈哈哈⋯⋯https://www.yumme.com.hk/pages/junior-racing-academy

《反轉方舟動物團》

星期二晩送飛，星期三晚睇優先埸，好crazy呀！！多謝He She kids，請睇《反轉方舟動物團》！！其實都會去睇，想支持Edan，哈哈哈⋯⋯有優先埸，更好吧！！太早食飯，睇完戲大小姐話肚餓，要食宵夜！！大小姐食食吓一句：「多謝媽咪！」甜了⋯⋯⋯

拍拖日— 屁屁偵探

多謝Ohpama送的贈券，林生同吱吱去了拍拖拖！！睇完《屁屁偵探》再去米之蓮餐廳食拉麵，真開心！！

愛家庭議會 // 海下灣玻璃船生態探索

多謝愛家庭議會，免費帶咗林生和細佬去。因為真係幾山旮旯，自己真係未必會去。細佬仲識咗朋友仔，玩得好開心！！返嚟仲介紹一返「玻璃船」「少用塑膠」「黑婆魚」⋯⋯⋯多謝呀！！

地點: 海下灣海岸公園 - 賽馬會滙豐世界自然(香港)基金會海下灣海洋生物中心

活動詳情:

您對香港海洋生態有多少認識?趁周末假期，一起來海下灣瞭解全球海洋面對的威脅，並乘坐 玻璃底船近距離觀賞珊瑚，探索多姿多采的海洋世界!海下灣海岸公園是香港首批成立的海岸 公園之一，參加家庭可以欣賞珍貴海洋生物，增進對海洋環境和漁業等議題的了解，發掘香港 海洋不為人知的一面。

活動內容:

。玻璃底船之旅(海下灣海岸公園內觀察珊瑚)

。海洋面對的威脅“A Plastic Ocean”(電影分享)

Planet J Kids

美國冒險樂園的「playhouse」— Planet J Kids，喺銅鑼灣皇室堡的13樓。上次皇室堡的Facebook送了$50現金券，林太估下午會好多人，所以十二點前，諗住入去玩一玩。雖然係一次性收費，可以出去食個午餐再入去玩，但最後都沒有。十二點前入，只需HK$80，一大一小，可以玩全日。林太和吱吱11:10玩到11:45，減了現金券，只需$30。

其實他們的地方不大，如果一多人真係好逼夾。咁早的時段，沒有人，除了吱吱，另外只有一個小朋友，差不多包場，所以玩得好開心！！吱吱長霸了個大氣球，好似隻倉鼠咁，喺裏面不停行，哈哈哈⋯⋯就像倉鼠一樣傻豬豬⋯⋯哈哈哈⋯⋯

https://www.jumpingym.com/planetjkids

試用專員 // Avado Organics 有機嬰幼兒補濕套裝 // Melvita 有機頭皮淨化護色精華油 + 陶瓷頭皮按摩板

林太繼續發揮小師奶的心態，繼續上網參加抽獎，和攞免費產品，哈哈哈哈⋯⋯師奶等於貪小便宜的心態？！

繼續做「試用專員」，其實試用時都會曾知識。呢排試用了兩樣嘢，都是sell全天然。實在太多全天然產品，用開一種品牌又真係未必會買其他的。今次試了，又幾好用喎！！

Family photos 2019

林太又喺Facebook中咗獎，今次係由Mini Bubble Corner和Sens Studio送出的攝影禮卷，包一張大相和十張數碼相（總值HK$1688）。林太諗住又已一年，所以去影幅家庭照，迫林生入鏡，哈哈哈⋯⋯本來諗住一張相都唔買，但見攝影師對住兩隻馬嬲咁好心機，最後都忍唔住用HK$100/1張相，買咗十張相，噢！！Sens Studio最出名的是B. duck場景，但沒有影到，噢噢！！不過聖誕景也不錯啊⋯⋯

https://www.facebook.com/MinibubbleCorner
https://www.sensstudio.com.hk/