樂聚聖士提反 2025

又一年的「樂聚聖士提反」，吱吱今年升了高級合唱團（因年齡關係），小提琴升了二手。能夠欣賞其他同學的表演，實在是精彩！！！亦深深覺得學校要小朋友學音樂，是對的！！特別參與管弦樂團，一齊練習，一齊面對；面對練習時的樽頸位，面對比你強的人，面對比你弱的人！！加油呀！！

姊妹學校計劃 — 北京文化交流之旅

吱吱第一次的自己出國旅行，四日三夜，其實比以前嘅camp多了一天，所以林生林太不是太擔心，只是怕他漏嘢喺酒店！哈哈！！結果開心而回！！問佢最開心的是什麼？！佢嘅答案：「我帶隊入男廁！」最唔開心的是什麼？！佢嘅答案：「冇得買紀念品！」哈哈哈⋯⋯這是什麼答案？？？

聯校音樂大賽2025 // 小學弦樂(小提琴)獨奏 - 高級組

吱吱第一次的現埸比賽，自從COVID-19後，全部考琴和比賽都是錄影，一直未轉返現場。所以吱吱喺佢嘅錄影Comfort Zone好耐，今次特登報現場，半氹半就，佢先肯參加！！結果，不錯喔！！Well done！！多謝伴奏姐姐，都好last minute先搵佢，又夾得幾好！！哈哈！！

2024香港青年音樂匯演

又一年了，上兩次的參賽組別較少，較易買到門票，今次真係入都入唔到！！好彩最後都去到追星，哈哈！！預計都是銀獎，因為真的有進步空間，可以齊少少，大細聲好少少。Good job！！

樂聚聖士提反 2024

又一年了！！今年一早去排隊，排到頭位，可以影到吱吱，哈哈！！又大個咗，一幅正經的模樣！！不過，細佬無得去捉圍棋，悶悶不樂，噢⋯⋯

第76屆香港學校音樂節管弦樂團比賽

COVID-19過後，管弦樂團都有比賽了，林生林太第一次去睇，估唔到攞飛都咁艱難，9:00am開始派飛，要8:00am開始排隊，只派313張，每人限取兩張。到比賽當日，又要排隊入場，好誇張呀！！因為是管弦樂團比賽，每隊都是同一樂章，怕細佬會覺得悶，所以冇帶佢去。眼見吱吱都不是成日練習，而且學校測驗週，更沒有特別加操，唉⋯⋯都知其他學校更勁，都係嚟睇吓人哋幾犀利！！學吓嘢！！

匯弦音樂中心 // 香港學校音樂節75屆學生實習音樂會

依三年的疫情，所有音樂表演/比賽/考試都變了錄影。吱吱考了兩次試，參加過一次比賽，但今次是第一次有觀眾的獨奏表演！！Well done！！其實二月中已要錄影比賽，但仲未背好首歌，哈哈哈⋯⋯再聽了老師的示範，簡直有更多的進步空間，努力！！

日期：2023年1月15日 

時間：10:00-12:00

地點：中環大會堂高座8樓演奏廳

曲目：N211 — NO 6 POLKA BY CHARLES DANCLA

2022香港青年音樂匯演

吱吱啱啱先入到學校的管弦樂團，佢學校的管弦樂團小三才可以參加，自己的樂器三級或以上。吱吱今年才小三，啱啱先入團，林太一心諗住佢係一個「後備」，應該不會太辛苦，點知是沒有「後備」的。管弦樂團停了兩年，大家都沒有一齊練習，為了今次比賽，學校竟然安排每星期六回校練習三小時！！只練了個幾月就比賽，有這樣的成績，算是不錯，但也要繼續努力！！加油！！

My little violinist 2022 // Violin grade 4 exam

家姐仔考到四級琴，成績出咗啦！！Well done！！其實見到佢學校測驗考試時，練琴更加認真，練得更加耐時間⋯⋯林太眼中吱吱可能是偷懶唔想溫書，但在她身上，可能是一種壓力舒緩。當考完一級又一級，剩下的音樂可以陪伴你成長，加油啊家姐仔！！

校際音樂節2021

校際音樂節2020，因為疫情取消了。今年可以進行，但是要錄影，而且首歌是一樣的。哈哈！！對，首歌玩了一年，但其實仲有進步的空間！！唔知道小朋友有沒有感受到壓力呢？！睇吓吱吱一錄完之後的笑容！！Good job！！

My little violinist

原來吱吱由2018年10月開始學小提琴，已學了兩年。剛剛考了二級，有distinction，林生林太當然開心！起初都無乜練習，所以沒有聽「湯雞」聲，哈哈！！到疫情開始，才開始天天在家練習。計返條數，原來依個兩級琴是用了差不多三萬元來換取，嘩⋯⋯⋯哈哈⋯⋯

Violin grade 2 exam

吱吱由K2起學小提琴，但沒有練習，一個星期上一堂就算⋯⋯直至停課才開始天天練習。本來報了9-10月的第二級考試，想給他一個目標。可惜，因為疫情取消了，最後變了拍片。又要上網掙位，又唔知要拍幾多次才算”good-take”⋯⋯最後，最後，終於完成了！！仲要提前完成，9/1/2021才是考試日，等待成績單⋯⋯⋯