長洲 // 公公，生日快樂！！

2021年已差不多完，聖誕假也差不多完，係時候要去一去離島！約了”壽星公公”去長洲行一行，食吓海鮮。今日長洲都唔少人，張保仔洞都要排隊，所以只玩了一次！！婆婆都入咗去，勁呀！！之後就食海鮮餐，再周圍行吓。生日快樂，公公！！

長洲張保仔洞

星期一，相信長洲唔會有太多人，所以上午9:00就出發了！！去到嘅時候真係冇乜人，就立刻去了租單車，踩了去張保仔洞。途中都不是太多人，入到去張保仔洞更加沒有人！！嘩嘩好興奮地跟了林生落去張保仔洞，吱吱想去但又驚，眼見弟弟落咗去，最後也落了！！林生林太也是第一次去張保仔泂，原來入到去真係漆黑一片，好過癮呀！！真正的捐山窿！！好快就出咗嚟，嘩嘩就話要玩多次，好！！玩多次！！

玩完之後就去食海鮮餐，再去公園玩，再去沙灘玩！！今日應該夠運動量，可以彌補番幾日坐係屋企，哈哈哈⋯⋯

長洲之Boxing Day

又到公眾假期的時候，林生林太沒有預備什麼，諗來諗去最後去了長洲。今日好似冇尋日咁多人，好彩好彩！！梁媽媽一早在長洲，他尋晚已入了長洲住了一晚，今日約了梁爸爸一齊入去。林太都好耐沒有和梁爸爸梁媽媽入長洲玩了，上次係幾時呢？！⋯⋯

坐10:30普通船入長洲，用了差不多1小時，決定食咗飯先。次次都係去「興樂菜館」，今次都是一樣吧！！今次叫了10個餸，勁啊！！食飽飽之後就行下張保仔洞，租了三輪單車車兩小寶過去。先行了五行石，再去張保仔洞，但估唔到張保仔洞入口排長龍！！決定放棄了，返去食個下午茶，食個新鮮出爐蛋撻！坐4:00快船離開！！

長洲一日遊 // 攀爬嘉年華 // 興樂菜館 // 啡寮 // 郭錦記餅店

有澳洲的朋友嚟到香港，盡地主之誼帶佢哋去玩，但係都唔知香港有咩好玩？！就去「長洲一日遊」吧！！雖然天陰，希望唔好落雨！！

係中環碼頭已見到好多人，去長洲嘅船還加了班，噢⋯⋯去到才記起，下個星期就是長洲的「太平清醮」。喺球場隔離嘅公園仔玩玩吓嘅時候，有人派單張可以入去玩「攀爬嘉年華」。新的嗎？！裏面可以影吓相、有小手工、有攤位遊戲、更加可以試爬沒有包的包山，哈哈哈！！！林生林太都試了，林生爬到最頂呀，而林太爬到一半對鞋就卡住咗，唔爬喇！！！哈哈哈！！！

玩完之後十分肚餓，就去了興樂菜館食午飯。食完飯之後，就做一個遊客周圍逛逛。去了郭錦記餅店食平安包，最傳統的麻蓉平安包。還試了新口味咖啡，蜜糖咖啡。