坐月出走記

林太又偷走出街了！因為要覆診哦！個傷口不用膠布喇，表面已好返，但內裏都有時會痛，三個月內不能做過激運動/活動。
等睇醫生都等了兩小時，睇完當然要走走，食返個下午茶！去了「第三代肥仔」，比起佢始早嗰檔，依到完全不用排隊！林生食完三串，再五串，再外賣！超讚！再買幾件蛋糕回家吧！！

LamBB十二朝～～！

派薑醋喇～～！
LamBB的十二朝，開始派薑醋和飲雞酒的時候。林家的親戚嚟曬，林媽媽忙了一日！！唔知LamBB係唔係一早知？！佢昨晚瞓足七小時（00:00-07:00)，儲夠精神！！勁！！

LamBB的第八天！！

林太出街了！！因為要帶LamBB覆診，要驗血，慘慘豬！LamBB出世時的TSH level太高，所以一星期後再驗。今日9:00到醫院，抽血，很快，LamBB沒有哭。之後，去了行街街，但乜都未開，原來香港的商店11:30才開！12:00返回醫院睇報告，TSH level跌了小小，但仍然高，一個星期後再驗！！而黃指數都高高地，167，不過不用照燈。LamBB重返小小，3.46kg。
LamBB希望你無事啦，林生林太都有點擔心，希望下次驗血報告能過關！！

LamBB的第七天！！

嘩！林太六日無冲涼和洗頭，今晩有特赦哦！呵呵！因為明早要同LamBB睇醫生，怕個頭會嚇到人！！Yeah！！舒服曬！！

LamBB出院喇！！

入院package包了四晚，星期六出院喇！！林太和LamBB都平安無事，順利回家。醫院出院時送了袋samples，好大袋哦！比兩年前多嘢！！呵呵！！
LamBB收了小小水，3.23kg出院。但吱吱BB時的手仔腳仔好似比他肥哦！！林生林太代LamBB送了份禮物給吱吱，一對米奇和米妮公仔，希望吱吱不會呷醋，愛錫弟弟！
LamBB一出院就去了影證件相，趕著攞護照返澳洲，哈哈！！靚仔嗎？

LamBB的第四天！！

林太開始行動自如，可以走來走去。而隔理床位媽媽今日出院，林太可以獨霸間房，影下相！哈哈！！這就是二人房，沒有人用的冲涼房！望出去仲見到「望夫石」。

而LamBB只能留在BB房，探BB就像睇金魚咁，係玻璃窗前面睇BB。除了爸媽，都無人可以抱BB。多謝各位親朋戚友嚟探LamBB！！要與人迫，係窗前睇一陣！！多謝！！

林太開始「谷奶」，超慘，超痛！！平日，就係依間房餵BB。

LamBB的第三天！！

好~~!第三天，終於見到LamBB笑了！！哈哈！！不過仍然覺得你很醜樣！！哈哈！！
今日留在醫院沒有特別節目，都是係去餵奶，午睡，和食！！吱吱也有嚟探LamBB，仲幫佢影相添！！林太入醫院，最掛念的就是吱吱！（香港醫院唔准12歲以下的兒童入病房，所以林太很小機會陪吱吱）

LamBB的第二天！！

做手術後的第二天，一早已被弄醒！護士六點就開燈換尿袋，七點量血壓，醫生七點半巡房！攪到林太食完早餐再瞓過！！哈哈！！
林太九點左右就可以落地，到下午二點半餵奶時間才第一次見LamBB，到四點才是親子時間，可以同林生一起抱LamBB！！Hello！！

LamBB出世喇！！

LamBB's proflie:
花名: 林嘩嘩（吱吱改的，獅子叫聲）
Name: Gatsby （無意思，哈哈，只是想G開頭）
姓名: 林學之
出生日期: 12-04-2016 09:29am
出生地點: 仁安醫院，大圍 （398B）
體重: 3.36kg
身高: 49.5cm

今次是「選擇開刀」，林太的心情有點不同，係到倒數，心情有點興奮！哈哈！！上次生吱吱的時候是開到十度，都推不出，整晚沒有睡過，所以迷迷糊糊唔識痛和唔知做緊乜？！今次太清醒，反而有點可怕！！手術前不停重複核對個人資料，感覺到打點滴，痲醉針，在肚皮上拉扯，和見到自己的血！！手術後不能落床，需要休息，但又唔累，在床上都唔知做咩好？！
LamBB比吱吱細粒小小，不過一切正常。哈哈！！只是無吱吱咁靚？！勁似林太的鼻，又大又矮！唉！好彩是男仔，不用太靚仔！

林太要入院喇！！

終於順利到達今天，LamBB還未出世，可以按計劃開刀了。由於明天要9:00am開刀（10:00am前），所以要之前一晚入院和辦手續，依一晚亦是免費的。哈哈！
林生林太6:00pm左右到醫院，又要填form和簽名，驗血，驗尿，聽寶寶心跳，攪到8:00pm先食飯！去到醫院飯堂已無嘢簡，嗚嗚！！
今次入院的「走佬袋」帶得很小嘢！！因為經上次的經驗，私家醫院乜都有。林太只帶了睡衣，褸，襪，breastmilk pump，寶寶出院衫，和入院信，係咁多！似去兩日一夜旅行多些！！
Good luck!!!! LamBB, see you tomorrow!!!!

Dalloyau

返香港已個幾月，仲未有機會食high-tea，林太就快生，要食返個high-tea先！去了尖沙咀的Dalloyau，是朋友介紹的。只食平個嗰tea-set，但已夠飽。最欣賞䳘肝，咸咸甜甜很特別！！Thank you girls！！
http://www.dalloyau.hk/

Lady M New York (2)

嘻嘻！！多謝林生的外賣，又有Lady M食喇！！今次試了其他味，但都係覺得crepe係最為出色！！上次的green tea和earl grey crepe較為特別和好食！

Lams' family photo by Julieanne (2) // LamBB 29wks4days

Back-dated 04/02/2016
依次影相，仲搵了珍姨替林太和吱吱縫製了件「母女裝」（親子裝），哈哈！！幾得意哦！！
http://www.julieanneperaraphotography.com.au/

Lams' family photo by Julieanne (1) // LamBB 29wks4days

Back-dated 04/02/2016
其實係返香港之前，林太已影了次大肚相/家庭照，但覺得普普通通，所以未與朋友分享。嘻嘻！！但這次是結婚後，林生林太第一次認認真真地影相，亦是第一次影的家庭照，所以也有他的記念價值！！
http://www.julieanneperaraphotography.com.au/

LamBB產檢2

進入最後一個月了！！平安到步！！每星期產檢一次！繼續食，谷肥LamBB！哈哈！！
21/03/2016 36wks1days 3.0kg
與吱吱的體重差不多了，中上B！

02/04/2016 37wks6days 3.27kg
今次第一次帶同吱吱去睇LamBB，哈哈！！吱吱指著林太個肚話「嘩嘩！！」希望你會好好照顧和愛鍚弟弟！！

08/04/2016 38wks5days 3.40kg
最後一次照超聲波了，下次見真樣喇！LamBB個樣肥嘟嘟，應該可以足磅健康出世。LamBB和吱吱一樣，到卅九週仍然未入盤骨位，醫生話要順產都好難，要推好多個鐘！！開刀吧！

Mrs Lam's maternity photo by Mr Lam // LamBB 38wks4days

林生林太再玩過！！去了屋企的會所，再影大肚相。吱吱去了playground，所以林生林太得閒慢慢玩。嘻嘻！！OK嗎？！林生夠professional嗎？！