香港兒童探索博物館

係北角的”香港兒童探索博物館”其實已經開咗兩年多，一直想去睇吓，但等吓等吓又唔記得咗⋯⋯佢哋做到今個月尾，之後就會搬，拿拿臨同細佬去一次先。一個時段是個半鐘，比起之前二個半小時少咗，但都有足夠的時間，因為有幾樣活動都無開，今日10:00-11:30時段去咗。（兩個半小時—>個半小時，$150–>$120）一入到去是比36個月以下的小朋友地區”漫遊小香港”，林太一見有點失望，以為很細，好彩行入去仲有嘢玩。細佬最鐘意當然是玩水，林太都覺得水係最好玩！繩網太細了，三歲以下的小朋友較為適合。 https://www.childrensdiscoverymuseum.hk/

秋。休閒親子露營體驗

經吱吱的同學仔介紹，就同咗佢哋去了兩日一夜的親子露營。童行森林學院是專為小學搞露營的機構，好少搞親子露營，依家又入秋，真係一個好好的機會！！

雖然是兩日一夜的露營，但其實逗留的時間不夠二十四小時。下午2:30開始，到第二天的12:30就走了。不過也做咗很多事情，紮營，釣魚，餵動物，擇菜煮飯⋯⋯十分之充實，小朋友亦很開心，除了晚上有點睡不着，哈哈哈！！他們安排時間十分之好，有些活動小朋友在忙時，爸爸媽媽可以收拾一下。

一個很特別的週末！！

童行森林學院：

https://www.myforestfun.com/

KLOOK // 變變變！MOVE生物體驗展

開咗三個月的「變變變！MOVE生物體驗展」今個星期日完滿結束。啱啱開的時候勁多人，又貴，所以網上好多人話「好仇」！！林家一直沒有去，但依家最後兩星期減價，星期一至五小朋友免費，大人半價，林家就到此一遊！！哈哈！！

估唔到仲有咁多人玩，仲係要排隊，排完玩得二至五分鐘。扮著企鵝只能滑兩次⋯⋯不過，吱吱和嘩嘩都玩得好開心，HK$138兩大兩小玩個半鐘，抵吖！！哈哈！！

https://zukan-movehongkong.com/